دولــوريــس "فـي عـشـقـك سـأفـنـى

سقوط من القمة 2

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_30
دخل سيد احمد للدار مشي عارف كيففاش يخبر ميار ولا كيفاش يخبر مرته و علاء....شاف علاء هاود
سيد احمد:علاء طلع معايا ولدي عندي معاك هدرة
علاء:صحا بويا
طلعو مع بعض للبيرو تاع بوه...دخل هو و بلع لباااب
سيد احمد:علاء عندي.هدرة معاك
علاء:غي الخير متخوفنيش بوياا
سي احمد:عصام خطبني في ميار
علاء:عصام بلحريزي ؟!
هز سيد احمد راسه
علاء:لاااا لاااا مكانش منها قاع هادي ختي تدي هاداااك
سيد احمد:بصح انا مديتله الكلمة
علاء:شيالاااا هاديي عطيته لكلمة راك عابيييي ! بسبته قريب كولينااا و نتا تقولي لكلمة و شكوبي
سيد احمد:علااااااء حنا غلطنا خلصنااا هو جا يخطب ميار يعني و ميخصه والوو عنده كلشيي و ديجا خصنا نسقسوهاا هي
علاء:لا لااا انااا بي تحبسولي عقلي بدي العقليية
سيد احمد:هاديك بنتي اناا علاء و انا نقرر لحاجة لي مليحة ليها ولي لا
شاف فيه:اوك مالاااا منا و هاك متلومنيش
سكتت سيد احمد و ناض علاء خرج ملبيرو تاع بوه يغلييي...قعد سيد احمد يخمم شوية مبعد ناض و خرج راح عنده ميار للبيت طبطب شوية و دخل
شافت فيه:بابااا كاشما تحتاج
سيد احمد:بغيت نهدر معاك
ميار:اكييد بابا
سيد احمد: جا واحد خطبني فيك
شافت فيه تسناه يكمل
سيد احمد:عصام بلحريزي تعرفيه ؟!!
قعدت تشوف فيه بصدمة..حتى دخلت ماماها
حنان:شاهييي حكاية عصام هذاا !! هبلتوو !
سيد احمد:حنااان هي تقررر مشي نتي مياار بنتي
بقات ساكتة تشوف فيهم تحاول تستوعب...متوقعتش يدير حركة كيما هادي...متوقعتش يخطبهاا...اخر حاجة كانت تتوقعها هي حركة كيما هادي...زعما فاش راه يخمم علاه راه يدير هااك
حنان:مياار قوليله بلي متتزوجيش هاداك
شافت فيهم:نخمم و نرد عليكم
حنان:شا تخممي شا تخمميييي تحوسي تهبليني
سيد احمد:حناان حبسي ما تزققيي خلييهاا
ميار:كيما قتلكم نخمم و نرد عليكم
حنان:ميااار الله يهديك بنتي
ميار:مامااا نصلي استخارة و ربي يدير فيها خير....