❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_39
كان مبرونشي فلبيسيي تاعه يخدم...عنده مشرووع مهمم جداا خصه يكمله...فوت يده على عينيه ضره الضو تاع لبيسي
عصام:غادي يعميني دا لبيسي
فوت يده على عنقه يديرله مساج...حتى شعل تيليفونه...جبده عنده يشوف...ميساج من عند سيد احمد "مرحبا بيكم فكل وقت"....تبسم و قعص على لكرسي...و ابتسامة عريضة على وجهه...عيطلهاا ديراكت...شوية و ريبوندا عليه
ميار:الوو
عض شنافتها صوتها فتيليفون هباال نفض الافكار و سقم روحه:الو صافا ؟!
ميار:الحمد لله و نتا ؟
عصام:الحمد لله لمهم راه قالي بوك مرحبا بيكم بصح انا باغي حفلة خطوبة كبيرة يعنيي اذا كاشما باغيا ديريي اي حاجة اي فكرة فراسك طلباتك اوامر
تبسمت و هدرت:هههه بسياااس قبل هذا قاع بعداا نديرو رؤية شرعية مخممتش بلاك نكون صلعة و مدرقة راسي بالخيمار
ضحك من قلبه:مخممتش فيها بصح للصراحة فضوليي غلبني نشوف شعررك كي داير
ضحكت:الشعر مجرد مثال كاين صوالح خصنا نتفاهمو عليهم
عصام:امم اوووك مبعد.نرد عليكم وينتا نجوو انا و بويا و ما و ختي
ميار:اوووك هادو الصوالح قاع تهدرهم مع بابا
عصام:بروتوكولات هادو ميكملوش
ضحكت:هياااا بااي
و كوبات عليه شاف فتيليفون و حطه...تسما خصه يخبر ماماه دروك...ناض من بيروه بلع بيسيه و رفده معاه و خرج راجع للدار...شوية و كان تما...دخل للدار يحوس على ماه قالوله راها في بيتها...طلع عندها..طبطب وصله صوتها من الداخل
لامية:ادخل
حل لباب و دخل:مااا
شافت فيه باستغراب:عصام ؟! مالك ؟!
قعد ساكت شوية و مبعد هدر:يعني باغي نتزوج اوو انا منفهمش فهاد الصوالح تاع رؤية و منعرف واشش جوست هي قاتلي
تبسمت حتى عينيها دمعوو...شاف فيها باستغراب
عصام:لا لااا حمبوك متبكييش
نفات براسها:لا لاا راني فرحااانة وياااا عصام كبرررت
عصام:صحاا فهميني
لامية:وااه ولدي خصنا نديرو شوفة نشوفو بعدا العروسة و ماليها بلاك انا متعجبنيش
ضيق عينيه:علاه نتي غادي تتزوجي بيها
لامية:تفوو علييك عطيتك مثال برك سينون لي تبغيها تديهاا انا علاه
تبسم عصام:مالا وينتا نروحو
تبسمت:تبغيها ؟؟! عصاام الزواج مشي لعبة بنت الناس تديها تولي امانة فرقبتك
تجااهل هدرتها تماما:ياا مااا عندي خدمةة
لامية:رووح تبغي غدوة نروحو غدوة
عصام:اوك غدووة و خرج مقارعش يستنا جوابها
أنت تقرأ
دولــوريــس "فـي عـشـقـك سـأفـنـى
عاطفية☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
