❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_105
كي وصلو بقاات تشوف...الدار هادي عندهم فيها ذكريات شابيين مع بعض
شافت فيه:ولوو موسيو بلحريزي جايبني موعد للدار
ضحك:وعدتك نطيبلك بغيت نوفي بوعدي
تبسمت يعني مزاله عاقل بلي قالها نطيبلك....تأثرت بزاف ملجاااست تاعه...كون غي يقعد ديما هاك و مينقلبش بدون سبب...نزلو ملوطو و دخلو للدار...غي بلع لباب حبسهاا و دورها عندها...مد يديه يقلعلها الخيمار...ميزت مليح فيده و كان داير شوشو تاعها
ميار:عصاام هذا شوشو تاعي
تبسم و قلعلها الخمار و مد يده زاد قلعلها شوشو خلااا شعرها يهود على ظهرها
ضحكت:مشي كي شغل مراناش متزوجيين
عصام:نورمال ميااار نورمال
هزت راسها و دخلو للدار...فات هو للكوزينة ديراكت...و هي قعدت دور فالدار
هدر هو مالكوزينة:دولوريس كاين قشي هنا لابغيتي تبدلي
ميار:صحاااا
طلعت هي لفووق خدمت فراسها كيفاش الدار هادي شحال مجاولها بصح فيها ماكلة زعما يجيبلها كاش وحدة لهنا...دخلت للبيت تشوف قدمت للفراش تشم فيه مكانش ريحة تاع مرا زادت دخلت للدوش مصابت والو مبعد راحت لبست سيرفات تاعه و هودت عنده...كان داير طابلية و يطيب...عنقاته مروول و حطت راسها على ظهره...حتى هي توحشاته و حتى هي راه يحرم عليها النوم و هي بعيدة علييه بصح فالمقابل مكانتش باغيا ترجع عنده
ميار:شاراك طيبلي شااف
عصام:امممم سباقيتييي
ميار:اممم جعععت كاشما نعاونك
عصام:وجديي لاطاابل *و داار عندها يشوف فيها بقشه يعني جاها شباب* دوماااج وعدتك بلي كي شغل مراناش متزوجين
ضحكت و فهماته شاكاين يقصد:نروح نوجد لاطاابل
هز راسه و راحت هي توجد لاطابل...
في جهة اخرى...
داتله لادوز هاديك من يده و رماتله الدراهم
ليلي:المرة الجاياااا كي نقولك جيبليي تجيبلي فالوقت و الاااا اقسم نحر/قكممم
شاف فيها بنص عين:مداامك تخدمي فدومان امني ليدوز تاعك وحدك لاش تعيطيلي
ضر/باته و لصقاته مع الحيط تجي/ف فيه:مكان مادخلك ديير شا نقوولك بفم مبلع
سكت هاداك مردش عليها و هي رااحت من تم ديراكت لدارها كان كاتلها الموونك و ليناغ تاع عصام لي رجع يجري غي مور مرته...دخلت للدار...جمعت فالطابلة فرغت شوية من هاديك الصاشي و خدمت بلكاغت بونكاغ تاعها زوج خطووط و طلعتهم طلعت راسها تتبسم و ناضضت تنقززز و تررقص
ليلي:عصاااااام تااع ليليييييي
نرجعوو لعند زوج الحماام لي كانو ياكلو مع بعض
ميار:والله عندك واحد لامان جامي كليت سباقيتي بنينة هاك
عصام:بصحتتته الزين تاعي
شافت فيه:عصام تبغيني ؟!
و كانها فيقاته بهذا السؤال بداو تصرفاته ملي راحت عند مها يفوتو على مخه شاراه يدير ؟! يجرييي موراهاااا و يحاول فيها ترجع معاااه !! لا لاااااا هادو مشي طبايعه و هذا مشي هووو مشي هوو لي يتحكموو فيه مشاعرره...ناض وقف ديراكت كي شغل مصعو/ق و شاف فيها
عصام:ميار لبسي نرجعك لداركم
ميار:شاكاين مالك ؟!
عصام:مياااار بلييز
زيرت على يدهااااا و راحت لبست قشها و دارت خيمارها و خرجت بلاما تهدر معاه ركبت فلوطو و ركب هو تاني وصلها لدراهم حطها كلمة مهدروهاش مع بعض هي دخلت للدار و هو راح ديراكت للبار لعند منصف...دخل جمع ديراكت يشرررب...بقا يشوف فيه منصف و يخمم ملي تزوج رجع غير متوازن و تصرفاته غرييبة
شاف فيه منصف:مالك عصام؟! مالك وليت هاك ؟!
هز عصام راسه يمين يسار:مقدييتش مقديتش نبعد عليها كل يوم نقول التالية بصح نوليلهاا موليتش نقد نرقد كون متكونش حدايا يا ديني وليت نحس بواش تحس و من شوفة عينيها نفهم فاش تخمم جامي ادمنت حاجة كيما راني مدمن عليها مفهمتش شا دارتلي
عض منصف شنايفه...راه غارق فيهااا مشي برك يبغيها
منصف:عصام راك تعشق
نفا براسه: لا لاااا منيش نعشق تزوجتها على ليلة و هادي هي
منصف:طلقها مالااا
شاف فيه بتحذير:متعاودش هادي الهدرة مستحيل نخليها لغيري
قلب منصف عينيه: ما نبغيك ما نصبر بلا بيك الله يعطيها الصبر معاك
عصام:مشييي نحي نقعد معاك شوية تبقا تزيد عليا
منصف:مهدرررتش اشرب شرررب
كملووو السهرة و مبعد راحو كل واحد لداره و هاد ليلة عصام رقد.ديراكت باسكو ديجا كان عيان و الشراب تسما رقد ديراكت....
أنت تقرأ
دولــوريــس "فـي عـشـقـك سـأفـنـى
Lãng mạn☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
