❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_26
نهار جدييد....
ناضت بنشاط...بدلت و عدلت و هودت توجدلهم فطور الصباح....كانت فلكوزينة حتى دخلت عندها ماماها
حنان:صباح النشاااط
تبسمت و راحت باستها:صباح الحنان عمري
حنان:كي صبجت الزينة تاعي
غمزتلها:برفكتتت بابا خرج بكري ؟!
حنان:وااه عنده فواياج
شافت فيها بخبث:راح يتزوج و يخلييك
ضحكت:لا لا مدارهاش حتى مين كان صغير يديرها دروك طيري تلعبيي
دخلت رشا:صباح الخييير يااا وجوه الخير *سلمت على عجوزتها مبعد ميار*
حنان:صباح الخير بنتي كي صبحتي
تبسمت:صبحت غايا *شافت فميار* نعترفلك بحاجة ؟!
ميار:ابهرينيي
رشا:نبغي ماما حنان كثر منك
ضحكت حنان و شافت فيها ميار بنص عين
ميار:الله يدوم المحبة
رشا:هايا هايا ختيي راجلي شوية و يهود يفطر
قايستها بسربيتة:خاميييتك
ضحكو عليها رشا و حنان
في جهة أخرى
داير كيتمانات في وذنيه و يجري فالشط و معاه كلا*به...بعد مدة حبس يتنفس بقوة و يشوف فالسما...منظرها و هي ترقص مبغاش يفارق مخه...ابتسامتها...شوفتها...حط يده على راسها يحاول ينفض منه الافكار لي راهم محتليينه...جمع فالرملة و جمعو حداه كلابه...واحد على ليمين و واحد على ليسار...شاف فيهم بزوج
عصام:شبعتو لعب نروحو !؟
نبحو بزوج...قلب هو عينيه
عصام:تموتو على الزنق
ناض وقف و تمشا و تبعوه...حللهم باب لوطو
عصام:طلعو يالااه
بلع لباب و ركب هو ديراكسيون للدار...نزل و نزلهم داهم لبلاصتهم و رجعلهم السنسلة باسكوو يعرفوه غي هو و بوه و جلال الباقي قاع اعد*اء ساو يخافهم يديروله كارثة...دخل للدار فات للكوزينة..صاب ماماه توجدله ماكلته
عصام:صباح الخير
دارت شافت فيه و تبسمت:صباااح الحب الزين الغالي *قدمت باش تسلم عليه*
عصام:ماا رانيي غي عرق ندوش و نجي
ضحكت و حطت يديها على خدوده و باسته منهم:منعييفش ولديي هاياا دوش و رواح تاكل
هز راسه و طلع دوش و بدل و هود صابهم قاع مجمعين قالهم صباح الخير و بدا ياكل اصلا كان جيعان...صونا تيليفونه...شاف فيه كوبا و كمل ياكل
أمين:ليوم بريزونتاسيون تاع المنتج الجديد تاع شركتكم
هز راسه:ايلا بغيت تجي تشوف
أمين:تعرفنيي خاطيني الصوالح هادو تاع تكنولوجي ميي نجي نشوف
هز عصام راسه و شاف فجلال: راك موجد كلش ؟!
تبسم: كلشش عندك شك فخدمة خوك ؟!
نفا براسه و شاف فأمينة:هايا نوصلك معاياا راني رايح دروك
هزت راسها:دقيقة و نجي
هز راسه و مسح فمه:بصحتكم
و ناض خرج يستنا فأمينة...شوية و جات ركبت و دارت الحزامة...ديمارا هو كان صمت رهييب طبعا هو ميهدرش وهي تحشم منه...نطق و اخيرا
عصام:وينتاا تكملو ؟!
أمينة:كاش ربعة ولا خمس شهوور و مبعد نكملو سطاج
عصام:سطاج يعني فلوبيتال ؟!
هزت راسها:واه
شاف فيها و تبسم:الله يسهل مباقيش بزاف
تبسمت حتى هي:و اخيرا بعد معاناة
ضحك بخفة و قارا حدا الجامعة...قاع قعدوو يشوفو فيهم طبعا لوطو الفخمة و زيد اغلبهم يعرفوه
أمينة:شكراا و بون كوغاااج فلبريزونتاسيون
عصام:الكوراج يحتاجه جلال لبروجي تاعه انا خاطيني
ضحكت:هايااا باااي
هز راسه و نزلت هي قارعلها دخلت و ديمارا للشركة ..
أنت تقرأ
دولــوريــس "فـي عـشـقـك سـأفـنـى
Romance☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
