دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_97
غي راح عصام...حنان و رشا دارو ميار في وسطهم يشوفو فيها
حنان:مالكي ميار ؟! علاه كنتي تبكي
ميار:توحشتكم ماما مالكي
رشا:انا تاني توحشتك بزاف حبيبتي الدار بلا بيك سامطة
تبسمت:علاء و بابا مزال ما يجو ؟!
رشا:حتى للعشااا
حنان:شوفوو انا نوض نكمل على رشا العشاا و نتوما اقعدو
تبسمت رشا:صحا ماما
راحت حناان قعدو ميار و رشا مع بعض...شافت فيها رشا بشك
رشا:ميار مالكي ؟! علاه راجلك راح مام يا مودعتيهش شكاين ؟!
بدات ميار تبكي عاود كانه البكية لي كانت شادتهااا خرجت دروك...خلاتها رشااا بكاااات حستها كانت مغبونة و خصها تفرغ شوية باش تريح...بكات حتى روحها حبست لبكا و بدات تهدر
ميار:مقديتش نفهمه رشا ختي شتي نهاار يعيشني فالاحلام و لي موراه يرجع بارد الهدرة ميهدرش معايا معرفتش كي ندير معاه مبغيتش نولي عنده
حلت رشا عينيها على وسعهم:الله يهديك شاهي هادي متوليش عنده ؟! مالكي راكو عادا فلول و كيما نتي هادي حياة جديدة عليك حتى هو حياة جديدة عليه ممكن عنده ضغط حاولي تفهمي ماله
نفات براسها:درت كلشي والله نحاول نرضيه بقاع الطرق بصح هو ديما يبعد عليا و انا منقدش نقرب لواحد يبعد عليا تعرفيني رشااا بليي نبغيه لااا نعشق فيه مشي نبغيه برك حاسة روحي مخنوووقة
عنقتها رشا و زيرت عليها...كانت تهدر معاها يوميا بصح مكانتش تحكيلها و ديما تقولها بلي راها غايا مكانتش متوقعة بلي الامور راها هاك...بعدت عليها تمسحلها دموعها
رشا:صحااا متبكيش صايي شوفي دروك راكي هنا صفييي مخخك و ريحيي رااسك و مبعد نشوفو كيفاش نديرو مع عصام
هزت راسها:توحشت بابا و علاء
تبسمت معاها:حتى علاء راه يضل يهدر غي علييك تعرفي لبارح شا حكالي ؟!
شافت فيها ميار:شا حكالك ؟!
رشا:بكري كي كنتو تصلو قاع الصلوات كي تنوضو الصباح و تكملو 🤣🤣و مين كان يقولك صلي فبلاصتي
طر/طقت بالضحك:و الاسوء من هذا كنا حاسبين بلي كون منقولوش دعاء النوم نمو/توو مالا كان يقولي قراي قاع على لي تبغيهم دعاء النوم هو يرقد و يخليني نقرا
بدات تضحك رشااا بالدمووع :قولي والله ؟
ضحكت ميار:والله تعرفيني حنيينة هههههههه
رشا:مقدييييتش اا ربيي
كملو يحكوو حتى جااو بوها و علاء فلييل تعشااو و ملي جاو وهي لاصقة فييهم خاصة بوها
سيد احمد:الدار خاوية بلا بييك ميمي
حطت راسها على كتفه:حياتي بلاك بيك خاوية بابا والله
قرصها من خدها:منيش بعيد عليك ميار كيي تتوحشيني رواحيي صحاا
هزت راسها:صحاا بابا
قعدوو مجمعين مع بعض حتى جا لوقت وين كل واحد يروح يرقد...طلعت لبيتها كان مزاله كيما خلاته بقات دوور فيه...حست بالوحدة...ممكن مكانش يجي بكري و ميجيش قاع النهار بصح فاخر المطاف يجييي و يرقد حداهاا...غمضت عينيها تتفكر حضنه...نفضت الافكار من راسها و شافت تيليفونها لا ابال لا ميساج من عنده...حطت تيليفونها و لبست بيجاما تاع رقااد...دخلت بلاصتهااا و دارت فيلم تتفرجه ....