دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_46
قعدت دور فبلاصته تنارفات منه بزاف...على اي اساس يبعثلها قاع دو الصوالح...
رشا:ميااار حبسي دوختيني راه خطيبك جابلك شوية كادويات نورمال
دارت ميار بصبعيها لدوك الصوالح:هادو شوية رشا هادو شوية ؟! طلااابة انااا
دخلت ماماها تشوف فدوك الصوالح:خيرر شاهو هذا قاع ؟!
شافو رشا و ميار في بعض و هدرت رشا
رشا:كادويات بعثهم عصام لميار
عقدت حواجبها:هادو قااع ؟! علاه حنا منقدوش نشرو صوالحنا ؟! لمييي و رجعيهمله ميااار مراناش نبيعو بيناتنا حناا
شافت فيها رشاا:وعلااه يا ماما السيد مشي مخصوص و هادي بالنسبة ليه والو
حنان:لموووو عليااا و رجعوهم
بداتت ميااار تلايم فيهم اما ماماها راحت تحل لباب لي كان يندق...شوية و دخلت عندهم رولا
رولا:انا جييييت يا حلوين *شافت فيهم يبانو متوترين* مالكم شاكاين ؟!
ميار:شوفي عصام شا شرالي
تبسمت:اييه مليح يخمم عليك وين راه المشكل هنا ؟!
شافت فيها بنص عين:طلااابة انااا ؟!!!
رولا:اووو الاجواااء هنا راها متوترة
في جهة أخرى...
قعد يخمم في هدرتها وعلاه قاتله هاك هو غي بغا يسهل عليها باش متنغبنش يعني نيته مكانتش سيئة..و مقصد حتى حاجة كي شراهملها...رجع عيطلها شحال من مرة بصح مكانتش تريبوندي...تنهد و ناض رفد صوالحه و خرج قرر يروح عندها للدار ديراكت...كان يسوق و يخمم شا يقولها...و كيش يفهمها و شاراه يدور فراسها اصلاااا متوقعش قاع ردة فعل كيما هادي...شوية و كان عند دارهم...قاراه لوطوته و نزل...تمشا عند لباب و طبطب...شوية و حلتله ماماها...بقات تشوف فيه
عصام:سلااام مدام صافا ؟!
حنان:صافا ولدي نتا مليح ؟!
هز راسه:ملييح سمحيليي جيت بلا ما نخبر بصح ميار مراهاش تريبوندي عليا تقلقت عليها
حنان:تفضل ولدي دخل مرحبا بيك فكل وقت
هز راسه تاني (ميعرففش يتبسم تسالوه 😏😏تجي تقولي كاش وحدة نساااله نتفاهم معاها ههههه نزعق معاكم )...دخلت و دخل موراها...
حنان:دقيقة برك عصام ولدي
راحتلهم لصالون وين كانو مجمعين شافت فرولا و رشاا
حنان:هايا معاياااا نتوما عصام جاي
شافت فيها ميار بصدمة:جااا لهناااا ؟!!
حنان:مبعد نتفاهمو عليها هادي و خرجتهم و خرجت....شوية و دخل هو...طلعت عينيها تشوف فيه
عصام:علاه مراكيش تريبوندي عليا ؟! *جمع حداها*
شافت فيه:مشتش تيليفوون لهيت مع صحبتي
طلع حاجبه:تسما انا اخر اولوياتك ميار ؟!
بقات تشوف فيه:مدامك جيت دي معاك الصوالح لي شريتهم
قدم عندها شدلها يديها...اما هي حست قلبها ز*لق كي شدلها يديها...شافت فيه و تملكها الخوف
عقد حواجبه:خايفة مني دولوريس ؟!
بقات تشوف فيه تحاول تفهم علاش جاا...علاش بعثلها قاع دو الصوالح يحوس يشريها بدراهمه...على اي اساس يصرف عليها قاع هاك و هي مشي مرته...منيين جاب مقاساتها اصلا و كيفاش راها تبانله
كان يشوف فعينها كأنه يقرا افكارها تنهد و بدا يجاوبها على اسئلتها لي مطرحتهمش حتى:جييت باش نوضحلك سوء التفاهم لي صرااا منيش نحوس نشريك بالدراهم ميااار انا هادو مشي حتى 0% من شا ندخل جوست مبغيتش تنغبني و تريحي قبل الخطببة *شاف فيها و تبسم*عبالي بييك مشي مالنوع لي يتبع الدراهم و امنيني تستاهلي كثر من هادو ماين ديامنت انا بالنسبة ليااا هادي طريقة من طرق التعبير على اهتمامي بالشخص اهم حاجة انك تكوني مرتاحة و ميخصك والو *باسلها يديها* نتمنى يكونو قياسك نيشان باسكو شريت بالمييز و للصراحة عيني متغلطش
بقات حالة فمها فيه حرفياااا قرا شاكان في مخها و جاوبها على اسئلتها بلاما تطرح اي واحد منهم
ميار:تقرا في افكاري ؟!!
شاف فيها:ممكن باسكو كانو واضحين بزاف
بعدت يديها من يديه:بليز عصام متوليش تحطني في موقف كيما هاك نحس روحي راني ننباع بالدراهم
عصام:مالكيي يا بنتي راه كادو مجرد كادو بغيت نشريهلك باش متعياشش عييت و انا نهدر
ضحكت عليه باسكو فريمون هادي اول مرة يهدر معاها قاع هاك
ميار:اووووك على جال هاد الهدرة قااع نقبل الكادوو و شكرااا بصح الهدية مشي متواضعة موسيو بلحريزي 
ضحك:صاي نحلت ؟! نرووح قبل ما طردني ماماك
ضحكت حتى هي:اوك تهلا في روحك
مد يده مور شعرها قلعلها لاستيك منه و راح...عضت شنايفها و جمعت مخلالهاش مجال ترفض ولا تهدر اا ربي حضوره قوي جداا يخليها تقبل اي حاجة يقولها...ناضت تشوف فالصوالح بعثهم عاود و تميز و فريموون كانو شابيييييين بزااااف اا ربي حتى الخيمار و شرالها...رجعو عندها مرت خوها و صحبتها قعدو يتبهلوو و هي مرة مرة تقيس ديك لاغووب طبعا ماماها ماكان عليها غي تسكت بعد.كل شيء عيب يرجعوله كادو ....