دولــوريــس "فـي عـشـقـك سـأفـنـى

الفصل الثالث: سقوط من القمة 1

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_29
فاتو ليامات...ميار تحسنت شوية اما قعدت نفسيتها متأثرة...حست بلي هيي وصلت روحها لموقف كيما هاداك...كانت تروح تخدم بسييف باسكو هددوها بالطرد...كانت مجمعة و عقلها مشي عندها...جمعت حداها رولا
رولا:مياار مالكي اا حبي شاصراا ؟حكيلي حبيبتي
تنهدت ميار:قتلك ما صرا والوو رولا غلطت و ربي خلص فيا
رولا:ااا ربي حبسي ما تعاودي فهاد الجملة غادي تهبلينييي قوليلي شا صراالك
ميار:مصرالي والوو بعدو علياااا خنقتونييي ديجا راني خاااارجة
رفدت صوالحها و صاكهاا و خرجت من تمم...مكانتش قادة وكلما يفكروهاا تزيد تكره روحها اكثر...عيشها اسوء شعور فالعالم...خرجت تتمشا و عقلها مشي عندها...حتى حست بيد شدتها دارت خفيف كي شفاته نفضت يدها و كملت تتمشا
يتمشا حداها:ميار حمبوك سمعيني
كملت تتمشا و تتجاهل فييه و حتى هو قعد يتمشا معاها
عصام:فحياتي معرضت روحي على مراا خرجت بدون شعوور منيش نقولك سامحيني بصح بغيتك تعرفي بلي انا جامي عرضت روحي على مرا
كملت تجاهلته و ركبت فطاكسي و خلاته...حط يديه على وجهه...قعد يخممم حتى صونا تيليفونه
عصام:وي منصف !
منصف:وين راك من قبيل نعيط
عصام:ر....اسمع اسمع انا لاش راني نبرر و نحلل انا بغيت ليلة ياااك و نديهااا مهما كان الثمن بغات الزواج دوك نتزوجو و تقعد كيما التحفة الثمينة فالدار ولا منيش عصام بلحريزي
منصف:او او مالك نتا كيفاش هادي تتزوج على ليلة علاه قلو عليك النسااا
عصام:بغيتها معاهااا و نديهااا
منصف:ياا عصاام يهديك ربي هذا زواج صاي مبغاتش مبغاتش مالك جامي شت مراا
عصام:ني رايح دروك عند سيد احمد
منصف:قارع قااارع وين ماشي عند سيد احمد الله يهديك
كوباااا علييه و رجع للوطوته...راه ديراكت للمصنع تاع بوهاا...خلاوه يدخل ديراكت كي طلع عند لبيرو تاعه حبساته المساعدة تاعه...حمر فيها
عصام:احسن حاجة ديريها انك تبعدييي من طريقييي
بعدت عليه و دخل هو للبيرو...شاف فيه
سيد احمد:شاجيت دير هنا نتتاا !!
جمع فلكرسي:جيت نخطبك في بنتك
سي احمد:معنديش بنات للزواج سيي عصام
عصام:شووف راني دمرتك مرة من قبل و امنني نعاودهاا و هاد الخطرة متصيبش كيفاش تنووض العز لي راك عايش فيه غي قوله باي باي
دا نفس عميق:علاه بنتي ؟! راها بعيدة على الوسخ لي عايش فييه
عصام:اصلااا نظن القرااار يرجع ليهااا راني هدرتت و متخلينيش نعاود نولي نستنا منك جواب على وقت نجو فيه بصفة رسمية *جبد لاكارط تاعه حطهاله فوق لبيرو و خرج*
ضر*ب سيد احمد البيرو:متكبببر كل*ب