دولــوريــس "فـي عـشـقـك سـأفـنـى

لقاء 7

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_21
خرج من تما...يكره كي يبدا بوه يلعبها زعما يخاف عليه و الخزعبلات تاع الاب الجيد وهو الوحيد لي يعرفه كيداير...هو لي تربا على يد لجينيرال بعقلية لجينيرال....هو لي فبلاصة ما يعيش طفولة كيما البز كان عنده برنامج تاع عسكر...يحس روحه مجرد مشروع بالنسبة لبوه....تيليفونه حبسله افكار كي فيبرا في جيبه...جبده شاف فيه "Djalel Belharizi" (نعم سيداتي كاتب نيميرو خوه بالاسم الكامل)
ريبوندا:مدابيك تكون عيطت على حاجة تحتاج باش تعيطلي عليها
رد جلال بلا مقدمات:شحنة من السلعة تاعنا داوها لابوليس بيها بالخدامين بالدراهم
دا عصام نفس عميق:ختارو نهار قاع مشي مليح باش يلعبو معايا
جلال:حمبوووك عصاام بسيااس خفت نخبر بويا
عصام:لا لاااا غي متخبرش بوك راني رايح ن...... ...... ......
غمض جلال عينيه من كمية الشتائم:مديرش كاش حاجة مخصناش مشاكل معاهم
تبسم عصام و كوبا عليه و راح ديراكت للبوسط بوليس...راه مخلص دم قلبه باش يخطو سلعته و صوالحه يزيدو يدوله سلعته و دراهمه...قارا لوطوته برااا بلعاني عند لباب مالغري ممنوع و دخل طبعا مكانش لي يقد يهدر معاه...راح ديراكت للبيرو تاع شاف تاعهم باسكو كانو دايرين صفقة و متفاهمين وهو يكره لي يدور فكلمته(ولدي كيفي)....جمع فلكرسي و حاط كرعيه فوق لبيرو...يكمي القارو تاعه...و رغم البركان لي كان فيه مداخل الا انه كان يبان كالم من براا...دور يده شاف فساعته...شوية و دخل هاداك لكوميساغ للبيرو...كي شافه مجمع تم كرعيه رجفو بالخوف...حمحم و قدم يتمشا
الكوميسار:اهلا سي عصام زارتنا بركة
تبسم عصام الحاجة لي زادت خوفاته:اهلا حضراات ديرونجينتك واقيل
الكوميسار:لاا حاشا مرحبا بيك فاي وقت
قلع كرعيه ملبيرو و ناض يتمشا عنده
عصام:شحال مديتلكم انا دراهم باش تخطو لي يخدمو معاياا
نطق الكوميسار وهو يرجف:سي عصام والله جات ملفوق و معرفناش كي نديرو مي دوك نطلقوهم
ضحك من قلبه:يتناا**كو شا دخلني فيهم انا نحتااج سلعتي و دراهمي
قدم عنده شده من وجهه و هدر بصوت شبه فحيح الافعى:منا للعشية ميدخلونيش دراهمي و سلعتي ما تلوم غي راسك و متخلينيييش نديركم بين عينيا امنني متقدولييش بيكم بليي مدولكم الاوامر ملفوق
طلقه و نفضله كتفه بيديه...جبد جبدة من قاروه و طفاهاله لي فكتفه وقدم همسله
عصام:شاخصني ؟!!
الكوميسار:سلعتلك و دراهمك
طبله في كتفه:شطوووور
عطااه نظرة تخوف و خرج من عنده...هذا النهار مراهش قاع ملييح بداه غاياا و خصروله كلشي...ركب فلوطوته و قلع يسوق و يخمم...جبد تيليفونه و عيط لمنصف شوية و ريبوندا عليه
منصف:صاحبه توحشتك كيراك
عصام:منيش مليح منصف غادي نجي نقعد عندك
منصف:مرحبا بيك فكل وقت العزييز
عصام:اوك و كوبااا
منصف:واااو شحال يعرف يهدررر و عنده اسلوب حوار روعة *قلب عينيه و حط تيليفون*
مدة قصير و كان عنده...طبطب...حله منصف لباب...دخل بدون اي كلمة
منصف:غي الخييير ؟؟مالك ؟!
جبد عصام تيليفونه من جيبه لي كان غي يفيبري طفااه و شاف فمنصف
عصام:معليش تخليني وحدي
منصف:سمحليي جيت عندك لداارد
عطاه عصام شوفة تخوووف و تجاهله و راح للكوزينة...حل لفيريجيدار يشوف شا عنده...بدا يجبد فالصوالح و يحط حداه....جبد قاع شا يحتاج...قلع ساعته و لبراصلي لي كان دايره فيده و لافاست تاعه حطهم على لاطابل و بدا يطيب
في جهة اخرى
رايحة جاياا فداك لبيرو و دايرة يدها على راسها...ضر*ب جلال لبيرو بيده
جلال:حبسيي سارااا حبسييي مادورييي هاك
سارا:مردش علياااا و زادفا تيليفونه شا يكون صرا زعمااا
جلال:ر*به عقليته هادي مقدييتش نبلعها انا مفهمتش علاه مخدوم
شافت فيه شوفة تخوف:متهدرش عليه هاااك جلااال
قلب عينيه:نسييييت لافوكات تاعه راها هنااا
بحركة خفيفة دارتله الخد*مي في عنقه و شافت فيه بحق*د...قعد يشوف بيها بدهشة...اخلاصها لعصام يخليها دير كلشي
جلال:ساراا ديري عقلك فراااسك
بعدت علييه و خرجت من تم....