❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_93
ناض الصباااح بكري قبل الفجر...شافها راقدة حدااه...حط راسه بين يديه...مراهش عارف روحه...قلبه راه يتحكم فيه وهو مشي موالف هااك...خصه يحط حد لهاد المشاعر الغبية تزوج على ليلة مشي باش يوصل روحه للته/لكة بسبتها...ناض زاد شرب الدوا تاعه...شااف فتيليفونه ليوم نهار التدريبات مع ليلي...غسل وجهه و لبس قشه و خرج خلاها عاد راقدة...راح ديراكسيون لوين يدربو هو و ليلي...عنده شحااال مجاش لهنا هو بحد ذاته مكانش يدرب...لاهي غي مع ميااار...جاته لحظة ادراك بليي نظام حياته تخلط كي دخلت هي و هادي حاجة جاته صعيبة يتقبلها و حسس بلي راها تتحكم فيه و هادي تاني حاجة مشي صعيبة برك و انما مستحيل يتقبلهاا...حبس لوطوته و نزل...دخل صاب ليلي تماا...تبسم
عصام:صباح الخير
دارت شافت فيه و تبسمت ابتساامة و عينيها لمعووو...عنده شحال مجاش حتى بدات تفقد الامل و حسبت نساهاا...بصح هاهو جاا...راحت تجري عنقااته...وهو دور يديه عليها
سارا:حسبتك مغاديش تجي
فوت يده على ظهرها:هاني جيت ليلي مليوم نكملو في تدريباتنا كيما كناا و العشية عندنا اجتمااع مع جماعتنا جلال جاب افار جديدة
بعدت عليه و شافت فيه:اذا فيها ريسك عليك مكالاااه يكفي الترقية الجديدة
شدلها وجهها بين يديه و شاف في عينيها:حياتي قاع و انا فرييسك ربي الستاار
شافت حتى هي في عينيه:و انا معاك للموت فيا ولا فييك
ضر/بها بخفة براسه و تبسم:هايااا ليلي هايااا
بداو دارو ليشوفمووون و بداااو يدربو(كيما فلفيديو)...كان يعلمها الحركات و مبعد طبق فيه...
عصام:بالجهدد ليلي بالجهد
ضحكت:نقدددش نضر/بك
عصام بامر:بالجهددد ليلي
بدات تضر/ب بالجهد وهو كان يصد ضر/باتها قاع و يهدر
عصام :حركاااتك راهم متوقعيين ليلي ركزييي كوني خفيفةةة
بدات طبق في هدرته حتى ضر/باته لكرشه...وهو كان اصلا مضرووور منهااا...طاح على ركابيه بالوجع كي شافته هاكاك نخلعت و هودت عنده
ليلي:ايفانتيكووووو سوري سوري مشي بلعانيييي
نفا براسه:لاا ني اصلا مريض
ليلي:باااش ؟! عاودت مرضت مليسطومتك شا كليت ؟! شكون طيبلك ؟!
شاف فيها و مردش و هي فهمت بلي ميار هي لي طيبتله
ليلي:تحوس تقت/لك هاد الغبية
طلع عينيه فيها:ليلييي متهدريش عليها هااك
حطت راسها:سوري فقدت اعصابي
سقم روحه جمع نيشان و مد يده لقرعة لما شرب منها:صايي نحبسو هنا ليوم
جمعت حداه:متوليش تروح للطبيب
هز راسه:دوك نروح ليلي
قعدت تنق فوق راسه حتى عاود راح لعند.منصف زاد.دارله الدواا و دارله ليكوو باش يشوفله ليسطومته كيراها و قاع و زاده الدواا باسكو فليل مدله في كالمون..
نروحو عند ميار كي ناضت مصابتهش...عيطتله شحال من مرة و مريبونداش...زادت بعثتله ميساج حتى فات بزاااف وقت باش رد عليها بميساج واحد :عندي خدمة بغيتي تهودي عند ما هودي"
كي قرات لميساج عاودت عيطتله بصح نفس الشيء مريبونداش...مبغاتش تخمم فيها بزاف...دارت خيمارها و خرجت مالسويت شافت شيخها جاي من جيهتها
أمين:صباح الخير بنتي
تبسمت معاه:صباح النو بابا
قدم.مدلها بوات:عبالي روطار بصح لكادو تاع عرسسسك ربي يسخرلكم و يحفظكم
تبسمت معااه:شكراااا ري يحفظك بابا علاه شقيت روحك
تبسم معاها:تستاهلي كثرر *قدم باسها من راسها* و مرحبا بيك بيناتنا هادي كان خصني نقولهالك النهار لول بصح هادي دارك و انا كيما بوك اي حاجة تحتاجيها تصيبيني فاي وقت
تأثرت بزاف بهدرته...صح اول مرة تهدر معاه جمل طويلة بصح يبان بزاف ناس ملاح و كاالم
ميار:معرفتش شا نقووول ربي يحفظكم ملي جيت لهنا قاع تعاملو فيا كيما بنتكم جتى محسسيتش بالفرق بين هنا و دارنا
تبسم:هياا نهودو نفطرو...هودت معاه و لابوات هاديك فيدها نسات تحطهاا...غي جمعت امينة جرات لابوات حلتها...شافت باغيغ تاع الماااس
امينة:غرت غرت غرت بغيت حتى انا
لامية:ههههه دوك يشريلك امينة هذا كادو تاع مرت
ضحكت:نزعق بصحتك ميووووش تستاهلي كل خير
تبسمت معاها و فطرو مع بعض و فوتت النهار قاع معاهم و عصام مكانش و ميردش....
أنت تقرأ
دولــوريــس "فـي عـشـقـك سـأفـنـى
Romance☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
