دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_62
كان كاره حياته مبعد شا صرا الصبااح...شاف فتيليفونه بوه بلاك راه معيطله الف خطرة....نسف الدخان من فمه...مخه كان فيه بزاف افكاار كان يخمم يشع/ل فيهم النااار على الخدايم تاع الرخا/س بصح معليش يمدوله قدما يفوت عرسه و يلهالهم غايا....طلع عينيه كي حس بوه وقف قدامه
أمين:كي نديرلك عصام علاه ديرلي هاك ؟! يا ر/بك انا بوووك بووووك
غمض عينيه و زير على يده:اااه يا بويااااا علاه مراكش باغي تفهم بلي نتا سباب كلشي
ضر/ب الحيط حداه:راسك العاصي هو سباااب كلشييي
هز راسه:شكون علمني امم !؟ شكوون ؟!! مشي وقتك قااع تعرف شاه ! سمعتلك بكري و حكمت فيا بكري دروك احسن حاجة ديرها تبعد عليا
قعد يشووف فيه معرفش يهدر...راه عارف بلي غلط و دار كلشي جوست باسكو كان يبغيه بزاف و باغيه يكون مثالي بطريقته و للحظة مفهمش كيفاش ساءت الامور لهادي الدرجة و رجع ولده هاك...
خرج عصام من تم مخه كان ينفض حتى باش يريح شوية مع راسه و ميخلووهش...زاد صونا تيليفونه بغا يهرسه و عاود تراجع كي شاف لي كان مكوموندي عليهم كوستيم عرسه و صباطه(لوبوتان)...ريبوندا
عصام:ويي
هدر معاه:وي موسيو بلحريزي لاكوموند تاعك واجدة ؟! نبعثوها ؟!
عصام:زيدني معاه صباط لوبوتان نواغ نسائي 38
رد عليها:تماام في حدود زوج سوايع يوصلوو
عصام:اوووك
كوبا و عيط  ل ليلي باسكو مكانش حامل يروح يجيب صوالحه و ميديرش الثقة في غيرها....
ليلي:وي ايفانتكو
عصام:ليلي لاكوموند تاعي توصل ليوم تقدي تروحي تجيبيها ؟! على ساعتين ؟!
ليلي:تاعاش ؟!
عصام:قشي تتع العرس ليلي
قلبها قر*صها كي قاالها هاكاك سكتت شوية و هدرت:اكيد نروح نجيبها راك مليح شوية ؟!
عصام:لااا باغي نقعد وحديي
ليلي:تماام راحتك تهلا فروحك
عصام:يتهلا فينا ربيي و كوبااا عليها
ركب فلوطوته حل قفافيل يد شوميز و طلعهم على يديه باسكو كان حاس الجو خانقه....حط راسه على لفولون و غمض عينيه جات ميار بين عينيه...طلع راسه و عيطلها
ميار:الو عصاميي
تبسم كي سمع صوتها:كيراكي عصامي
ميار:غاياا و نتا مبنتش من الصباح لباس ؟!
سكتت شوية كان باغي يحكيلها بصح مقدش يخرجها
عصام:نجي عندك مياار باغي نشوفك غي شوية
ميار:بصح ماما...
قطعلها:اهربي ميار غي شوييية حمبوك
سكتت شوية...حساته مشي على بعضه ساو قررت تقبل
ميار:اووك كي تجي عيطلي
عصام:تمااام
راااح ديراكت لعندها كاش خمس دقايق و كان تم...عيطلها و هي قعدت غي شوية و هودت عنده كانت لابسة جوقينق هادوك ليي يجو تريكوات تاعهم طوال...حلت باب لوطو و طلعت
ميار:عصاام مالك لباس ؟!
تبسم يميز في ملامح وجهها:مقلقة عليا ؟!
هزت راسها:واااه مالك ؟! حسيتك مشي على بعضك
فوت يده على وجهها:والو ماين ديامنت والووو
جات تهدر حتى لمحت الوشم في يده حلت عينيها بصدمة
ميار:عصااام هاداك وشم ؟؟؟قاع هاككك كبير ؟!!
شاف فيها باستغراب:واه ماله ؟!!
ميار:منيتك يا عصااام الوشم حرام تخرج من رحمة ربي بسبته
عقد حواجبه كل خطرة تخرجله حاجة جديدة حرام
عصام:مياااار انا معرفتي محدودة بالديين
شافت فيه بجدية:عصام تصلي ؟!
قعد يشوف فيها و مجاوبش باسكو هو فالاساس تلف حتى كيفاش يصلي
ميار:بعبارة اخرى تعرف تصلي ؟!!
قعد يشوف فيهااا يحاول يقرا الافكار لي راهم يدورو فراسها تاكد بلي كون يقولها الحقيقة تبطل كلشي عادي ساو قرر يكذب عليها
عصام:واه نعرفف ميااار
تنهدت براحة:خوفتني عصاام و علاه هاد البعد.على الدين
هز كتافه:الله غالب ميار البيئة تبدل
هزت راسها:هايااا انا نروح قبل ما يفيقو بلي خرجت تصبح بخير
عصام:و انت بالف خييير دولوريس ....