❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_103
ناض روطاار على العادة باسكو كان عياان و مقدش ينووض...جبد تيليفونه لعنده...صاب ليزابال من عند أمينة و من عند ميار مع ميساجات...دخل ديراكت لميساجات ميار باسكو أمينة تكون رااحت...
"عصامي نوض تصلي الفجر"
"عصام !!!!!"
"عصاااااام نووووض و اذا راك نايض و مرديتش عليا نزعف"
خرج من ليميساج و عيطلها ديراكت...شوية و ريبوندات عليه
ميار:الوو
رد عليهاا و صوته كان باين ملي نايض مالنعاس:صباح الخير دولوريس ديزولي هذا وين نضت
ميار:صبااح النوور واضح جدا هذا وين نضت مريض ؟!
عصام:لا !!
ميار:مالا علاه صبحت راقد
عصام:مدخلتش بكري و مرقدتش بكري مقديتش نوض
ميار:اممممم مدخلتش بكري وين كنت
تبسم يحس الرشقة تطلعله كيي تتوسوس و تغيير
عصام:كنت سااهر هذا مكان
سكتت شوية و ريبوندات
ميار:اذا راك تنارفي فيااا بلاها عصام
ضحك بخفة:وجدو رواحكم على ساعة نجي باش نديكم
ميار:تماام عصامي
كوبااات و راحت باش توجد روحها و مام هو ناض يوجد روحه...
في جهة أخرى..
دخلت للكلينيك تخفف كانت شوية روطار باسكو شحال و هي تقارع لعصام ينوض و فتالي راحت مع شوفور...هي هاكاك حتى حبسها صوت
منصف:بسياس عليك أمينة
حبست و دارت شافت فيه:صباح الخير دوكتووور ديزولي على روطاار
مدلها كاس قهوة:هاكي شربي قهوووة و كالمي روحك مراكيش روطار هاني انا عاد جاي
شدت القهوة و شافت فيه:نتااا مديرر و اناا ممرضة
ضحك بخفة:قتلك راني محترم البروفيسيوناليزم لي عندك بصح عادي منيش نقوول كلشي عااادي بصح روطار تاع خمس دقايق عادي
تبسمت :شكرا على التفهم
بقا يميز فيهااا ابتسامتها بزاف شابة خاصة الغماازة لي عندها فخدهاا تعجبه بزاف..كملو يتمشو مع بعض بصمت حتى دخلوو شير صغيير محلو/ل من راسه
شاف فييه و هدر:روحي روحييي أمينة دوك نجي
راحت تجريي هي و تلبس في طابليتها فالطريق....دخلت لصال دي سوان كان غي الد/م هاداك الشير مسكين...راحت ديراكت ديرله الدواااا شوية و دخل منصف...شافله الجرح هاداك و عاود شاف فأمينة
منصف:5 بوان امينة متزيريش اللحم
هزت راسها و قدمت لعنده و الادوات تاع الخياطة و بدات تخدم فيه و هو يراقب فيها البداية كانت مليحة بصح كان خاصها شوية
منصف:عطيني أمينة بليز*مدتله و كمل يهدر و يخدم* ركزي معايا أمينة هاكا باش متقعدش سيكاتريس بسياس و بكل سلاسة تكملي ؟!
هزت راسها و مدلها هو كملت طبعا مكانتش تخيط كيفه اما احسن من الاول...دارتله بونصموون و مدتله حلووة
أمينة:صاااي متبكييش دوك تريح
خرج الشير هذاك مع ماه و قعدو أمينة و منصف
أمينة:علمني ندير ليبوان كيفك
هود لمستواها:نعلممك اكييد
بعد شوية من قرب المسافة لي كانت بيناتهم:شكراا دوكتور
تبسم بسخرية على دوكتور هادي لي ضل تعاود فيها و بعد عليها
منصف:شوفي قاع المرضى كاشما يخصهم و لي خصهم الدوا ديريلهم ثاني
هزت راسها و راحت تخدم خدمتها و هو تاني
أنت تقرأ
دولــوريــس "فـي عـشـقـك سـأفـنـى
Romance☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
