دولــوريــس "فـي عـشـقـك سـأفـنـى

إعجاب 2

#الحلقة_02
في وسط الغابة كانو مريحين فلوطو تاعهم لي قاراوها فبلاصة دارقة...طبعا باش ميبانوش...عندهم مدة طويلة هنا يستنو و مكان والو...عصام ممكن كان هذا لقارو 100 يكميه من قبيل لهنا و لي كان مجمع حدااه بداا يكره
***:مفهمتش اناا كيفاااش بايت ساهر و صابح هنااا و نورمال عادي ما تكره ما تمل ما والو
تجاهله كانه مراهش حداه و مهدرش قاع...هو ديجا كان راسه بدا يوجعه و هاداك يبدا يكعرر ميسكتش
زاد كمل يهدر:اسمع زعما ليوم يحطو فوطواتي ؟! تفوو ديما يحطو غي فوطواتك تا و انا فوطو تالفة فوسطهم كون غي مجيتش شباب عليك
قلع لقارو من فمه و نسف الدخان هاداك و شاف فيه:جلاال !!
جلال:مالك تاني منهدرووووش
هدر بقلة صبر:انا تستنا فيا قضية قد الارض نحكم فيهااا و هادي هي الطريقة الوحيدة لي بقاتلي باش نعرف و نتاا تتمن*يك!!!فوطوات و ز.... هااا خليني ترونكييل جلااال
يعني عنده الحق...هو عنده بزاف مسؤوليات خاصة فهاد الناحية...راه مرسم كقاضي لعالم المافيا و خصه يحكم نيشان و الا ينقلبو عليه...ممكن مكانتش عندهم ديك الجرأة خاصة و أنو الجنرال مزاله في كتافه بصح حتى هو هيبته مشي قليلة و كلمته متتعاودش...
نطق:سمحليي
وين طلع راسه حتى شاف لواطااا فايتيين
جلال:والله غييي راه يفوت من طريق مشي تاعه
حط راسه على يده...شحال نبه عليهمم من هاد العفاايس مراهاش فاضيلهم كل خطرة معيينه فحكاية كيما هادي
عصام: روح روح جلال نستقبلوهم
ديمارا جلال لوطوو و رااح بطريقة يبلعلهم الطريق...قعدو فلوطو حتى وصلو عندهم...نزل هو ملوطوو و قعص عليها جامع يديه يشوف فيهم...كي شافوه واقف تماا ديجاا راها حاجة كبيرة و ميخرجش هو بزاااف و ميشوفوهش بزاف مخلاف فالمحاكمات لي يصراو...نزل البوص تاعهم ملوطوو
***:سي عصام
تبسم معاه:على حد علمي هادي الطريق 14 !!
***:ويي الطريق 14
شاف فيه باستغراب:اهيييه ؟!!
بلع هاداك ريقه:رانا متفاهمين....
قطعله:و علااااه وصلتني انا الشكوى بلي تعدييت على طريق مشي تااعك و الاهم من هذا شاراك حاسب روحك تخالف قوانين انا درتهم ؟!!
جا ينطق بصح للاسف ت*يراا عليه قبل ما ينطق
عصام:و هادي اول قضية نحكم فيها خارج المجلس
جلاال:غادي تحط روحك فمشكلة
ضحك بسخرية:باش المرة الجاياا يخممو الف خطرة قبل ما يخالفو قانون انا درته *شاف فالرجال تاع هاداك* ترفدوه تدوه للمجلس و تقولولهم الغراب حكم فالقضية براا
دار لجلال براسه ...ركبو بين زوج فلوطو و راحووو من تم ...