دولــوريــس "فـي عـشـقـك سـأفـنـى

إعجاب 14

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الأول: إعجاب 🖇
#الحلقة_14
بعد يومين....فالحفل الخيري تاع ميار....قاع كانو يسنو فصاحب اكبر تبرع يجيي...قاع متشوقين يشوفوو شكون هذا السخي لي مد الدراهم هادو قاع...شافت ميار فرولا و هدرت
ميار:زعما راجل ولا مرا ؟!!
هزت رولا كتافها:والله ما عندي فكرة ميوش
راحت ميار تشوف الضيوف لي كانو تم...كانت كل مرة تروح عند وحدين طبعا هي مولات الحفل و خصها ترحب بيهم...حتى جات وحدة همستلها فوذنها و راحت...شافت ميار فلي كانت معاها
ميار:شكراا لي جيتوو بعد اذنكم يحتاجوني الداخل
و دخلت تشوف و اخيراا جاا صاحب اكبر تبرع...دخلت للبيرو حتى شافته مجمع فبلاصتها مشي حتى فلكرسي لي مقابل...قعدت تشوف فيه بصدمة
تبسم معاها:سمحيلي بصح والفت نترأس اي حاجة ندخل فيها تفضلي و دارلها بيده باش تجمع اونفاص ليه....كان مرتاح عالآخر و هيي حست لرض تلعب بيها...مزالها تسيي تستوعب بلي راه حداهاا و يهدر معاها و زيد المبلغ لي تبرع بيه...و زيد هدرته لي شوشتلها عقلها...نبرة صوته اععععع...سبحان لي خلق و صور
زاد هدر هو:ميار راكي هنا
خلطها كثر كي نطق اسمهاااا...بصح عضت لسانها من الداخل باش تفيق على روحهااا و قدمت جمعت اونفاص لييه و تبسمت معاه
ميار:ولوو مرحبا بيك لبيرو بيروك سي عصام و مشكوور على التبرع السخي لي مديتهلنا
شبك يديه مع بعض بعض و تبسم يشوف فيها يحلل ملامحها و هدرتها في مخه...امم من هدرتها تبان ذكية و محترمة بزاف اصلا ملي بدا يحوس عليها وهو يصيب غيي فالايجابيات...و اكثر حاجة دور فراسه على مشافهاش من قبل و اسكو علابالها بلي صحبتها خبراته بلي يعجبها على كل حال دوك تبان
عصام:العفوو ولوو نعاونو لي يحتاجو خير ملي يقعدو فلبانكا
تبسمت معاه:اممم نجيبلك حاجة تشربهاا !
عصام:ديزولي بصح مناكلش و منشربش من يد منعرفهاش
طلعت حاجبها شافت فيه مبعد اشارت للبراس لي كانت عندها فلبيرو
ميار:كون حتى نديرلك قهوة دروك قدام عينيك يعني
قعد يشوف فيها...يعني شاغادي ديرله هادي مجرد قهوة و زيد ديرها حداه...لا لااا مستحييل يتراجع على مبادئه
عصام:اممم عندي حل افضل نخرجو نشربو قهوة فلكافي شوب تاعي ساغفيس فالشباب
شافت فيه مستغل الفرص هذا شاجا فراسها...طبعا هي متقدش تخرج معاه مشي من مبادئها تخرج مع راجل غريب عليها
ميار:اممم سورييي بصح منقدش نخرج مع راجل غريب
شاف فيها مليح...يكره الرفض و كلمة لاا معندهمش بلاصة في حياته مشي موالفهم و مستحيل يوالفهم...كي يبغي لحاجة خصه يوصلهاا
عصام:على حساب ما خبروني طلب كيما هذا كان واحد من احلامك
شافت فيه بصدمة...لا لااا مستحيل لي فبالها يكون صح مستحيل يكون عرف بلي يعجبها بصح شكون خبره هي اصلا مخبرة غي رولااا و رشاا
عصام:خبرتني العصفورة يا عصفورة و باش متحسيش بالاحراج الاعجاب راه متبادل دروك *ناض من بلاصته و تمشا لعندها حط يديه على يدين الكرسي و حنا عليها* نبعثلك ميساج بلادراس و لوقت نزعف كون متجيش هاياا Auf Wiedersehen
بعد عليها و خرج ملبيرو خلاهاا متجمدة في بلاصتها...حساته تغلغل في كيانها ملي كانت في فوطوه رجعت في صوته و ريحته لا و يقولها اعجاب متبادل...قرصت روحها
ميار:يا يمااا منيش نحلم رولاااااااا
ناضت تجري من بلاصتها تحوس على رولاا
دخلت رولا تجرييي:شاكاييين ؟!
حكاتلهااا مياااار كلش
شافت فيها بخوووف:نعترفلك بحاجة ؟!
شافت فيها بشك:متقوليليش نتي
هزت راسها بندم:مقديييتش نشوفك تتعذبي
قايستها بدوصيي كان حداهااا و ناضت خرجت من تمم تخمم كيش دييير
و هناااا نهاية الفصل لول

و هنااا نهاية الفصل الاول 🥺🥰 لي تقرا تخليلي رايها و متابعة للكونت باش نزيد نكمل بقية الفصوول 🥺🤌🏻