❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_85
(تأمنو هادي اول مرة نقرب للحلقة 100 و منحسش بلي النهاية قرييبة باسكو النهاية مزال بعيدة لمهم نبداو بسم الله الفصل الجديد)
يوم روتيني عند ميار...خملت شومبرتهااا و خدمت الصوالح لي كانو عندها...وقفت تشوف معرفتش شا ديير ليوم مخلاهاش تهود لتحت قدمت للبالكون حلاته...و كي حلاته كانت الصدمة كي شافت بلاك قدامهااا....توغغت بقااع جهدهااا حتى قاع سمعوها...اما هو طار و دخل للداخل...كي شافاته دخل للبييت...مقدتشش طاحت سخفت...دخلو لامية و أمين و أمينة عندها للجناح...صابوها طايحة...قدم أمين بدون تفكيير رفدها حطهاا فوق السرير...شاف فمرته
أمين:مالها ؟!
شافت فيه:ولله مراني عارفة أمينة عيطي لخوك
راحت أمينة تجريي تعيط لعصام و لامية حابت ريحة دير لميار باش تفيق...شوية و ريبوندا عليها
عصام:وي أمينة
أمينة:عصااام سمعنا ميار توغغ مبعد صبناها ساخفة معرفناش مالها
عصام:ااه ؟! كيفاه ؟!!
كوبااا عليها و ناض يجريييي....خلا خدمته و صوالحه و رجع يجري للدار...معرفش روحه كيفاش ساق و وصل دخل يجري...كي وصل شافها مزالها ساخفها و بوه و ماه و خته معاها...قدم يجري
عصام:مالهااا ؟!! علاه معيطتوش للطبيب
لامية:معرفناششش كلما تفيق شوية ترجع تسخف
كي طلع عينيه شاف بلاك...تنهد و هز راسه
عصام:صايي عرفت مالها غي خرجوو دوك تولي مليحة
شافو فيه باستغراب:مالهااا ؟!!
عصام:مافيها والووو
نطق بوه:عصااااااام !!
نطق بقلة صبر:عندها فوبيا مالحيوانات و بلاك راه هنااااا هذا علااه
شافت فيه ماه واحد الشوووفة حتى حشم على روحه
لامية:الله يسامحك عصام ولدي هذا ما نقولك
خرجوو و قعد غي هو معاها...راح رفد بلاك خرجه و بلع باب لبالكون و راح حداها دارلها شوية ريحة في نيفها...حتى بدت تفييق
عصام:متخافيش ميووش متخافييش خرجته
نطقت بصوت مخنوق:حرااام عليييك عصام ميكفيش العذاب النفسي لي معيشني فيه و تزيدني غراب ؟! غراااب عصام ؟!
باسها من جبينها:سوريي دولوريس سورييي راني خايف من مشاعري خايف من روحي ميار و خايف عليك
دفعاته و ناضت:كنت ملول تخمم هاك و متتزوجنيييش
تنهد بقلة حيلة:عشية عندنا حفلة مياار
ضحكت باستهزاء:ناوي تديني كيما البوبية للاستعراض يااك
عصام:ناوي ندي مرتي لحفلة لي داروها باسكو ترقييت و راني رئيس مجلس الادارة لمجموعة بلحريزي
ميار:كثر خير أمينة لي خبرتني
ناض وقف:دوووك يوصل قشك و صوالحك ميااار وجدي روحك الثمنية نجي نديك و خرج مبغاش يزيد معاها فالهدرة نارفاته...اما هيييي قايست موراه بالوسادة مليناغ لي دارهملها....
أنت تقرأ
دولــوريــس "فـي عـشـقـك سـأفـنـى
Любовные романы☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
