دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_88
ناضو الصباح مع بعض صلاو الفجر...فرحت بزاف كي ناض معاها...اصلا ليوم مورالها كان طااالع بمجرد التفكير انها رايحة لمدرسة الرقص....لبست سروال عريض مع تريكو و زادت بلازاغ ملفوق...قعد يشوف فيها ملفوق لتحت
عصام:خارجة هاك ؟! بالسروال يعني ؟!
شافت فيه:عرييض و بلازاغ طويل
عصام:ميااار صباح ربي روحي لبسيي غوب مكانش سروال برا هنااا عري روحك لا بغيتي بصح حدك هاديك لباب ميار من موراها متبان حتى حاجة منك وجهك يكفي و يوفي
حطت يد على خصرها و يد على جبهتها...خممت خممت مبعد قررت انها تسمعله مكانتش باغيا تخصر نهارهااا كانت متوحشة تروح للجمعية و تروح لمدرسة الرقص دوونك راحت بدلت و رجعتت...رفدت صاكهاا لي كانت دايرة فيه صوالح الرقص و صاك صغيير و خرجو مع بعض
ميار:منفطروش هنا ؟!
نفا براسه:لا نفطرو براا ماين ديامنت
تبسمت:صحاا خليني نروح نخبر ماما بلي خارجين
هزز راسه و راحت هي عند لامية للكوزينة
ميار:صباحوو  مامااا
تبسمت معاها:صباح النوور الزين كي صبحتيي
ميار:غاياا ماما و نتي
لامية:غاياااا
تبسمت:رانا خارجين انا و عصام و نجو حتى للعشية
هزت راسها:تمام الزين
تبسمت ميار و جات رايحة حتى حبستها لامية
لامية:اسمعي ميار عصام مراهش غابنك ؟! اذا كاشما دارلك خبريني صحا بنتي
تبسمت معاها:لاا مامااا ميغبنيش عصاام
تبسمت معاااها:هاياا الله يسههل استمتعوو
قدمت باستها و خرجت عند عصام لي كان يسناها فلوطو...كي ركبت ديمارا هو...كان يسوق بصمت حتى نطقت هي
ميار:بغيت نروح للجمعية قبل عندي خدمة تم
عصام:بزاف خدمة ؟!
تبسمت ببلاهة:توحشت رولاااا يعنيي
ضحك بسخرية:ها قولي توحشت رولا بغيت نروح عند رولا
ضحكت:توحشت رولاااا بغيت نروح عندها
هز راسه:نروحووو عند رولا مكانش مشكل
تبسمت و حطت يدها حداه شوية...شدلهاا يدها و قعد يسوق و شادهالها...راحو فطرو مع بعض مبعد راحو لعند رولا...وصلو لمقر الجمعيية...نزلت هي تجريي و هو نزل موراها يتمشا بسياس عليه و هي دخلت تجري لعند رولاااا...
ميار:رولاااااااااا
ناضت رولا تجري عنقتهاااا و زيرت عليها
رولا:تزوجتيييي و نسيتيني توحشتتتك توحشتك بزااااف
شحال وهو متعانقين و يديرو فالدراما...مبعد بعدت عليها شافت عصام لي كان واقف...تبسمت معاه رولا
رولا:اهلاا موسيوو عصام
هز راسه و شاف فميار:راني نسناك برا ميااار في خاطرك
تبسمت معاه و خرج....قعدو هي و رولااا يحكووو و خدمو شوية يعني بزاااف هدرة و شوية خدمةة....وهو مالغري كره حياته و هو يسنا بصصح هو قالهاا نقعد معاك و ميقدش يدور في كلمته...ساو سناها حتى كملت و راحو عاود لمدرسة الرقص و داك الوقت كانت خااوية...راحت هي لبست قشها تاع الرقص و هو كان داير كرسيي و يخلط فتيليفونه...و منتبهلهاش كي جات...حتى سمع موسيقى...طلع راسه فيها...شافت فيه تبسمت و غمزتله....بدات ترقص مع الموسيقى و هو دار يده على خده يتفرج فيها و في حركاتها السلسة و الخفيفة....كانت محترفةة و المتعة تبان من عينيها كي تكون ترقص خاصة ليوم حسها كانت فرحانة بزاف و هي ترقص...تبسم و ناض وقف يتمشا عندها و مام هي كان تقدم باتجاهه حتى حبسو في نقطة في وحدة هي كانت تلهث و ابتسامتها على وجهها و هو يشوف فيهااا
عصام:ندفع حياتي مقابل شوفة من عينيك
عضت شنافتها:عصااام
عصام:شغف عصام
قدمت حطت يديها بزوج على وجهه و باسته...دور يديه عليها و بادلها البوسة تاعها..شوية و فصلها
عصام:ليلتي بهاداك الماكياج دولوريس
تبسمت:الليلة
حس قلبه تهزز من كلمتها...راها مرته و هادي مشي اول يلمسها...بصح مراهش فاهم علاه كل مرة يحسها كانها لولة و كانه اول مرة يتوشيها...لادروغ لادروغ مشي نورمال هادي كلما يقرب كلما يبغي كثرر
عصام:I'm so excited (انا متحمس+والله ماني سوغ اذا تنكتب هاكاك)
..........