دولــوريــس "فـي عـشـقـك سـأفـنـى

لقاء 13

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_27
راح ديراكت للاجتماع...بداو ديراكت لبريزانتاسيون تاع المنتج الجديد لي كان كاميرا مراقبة ذكية يديروها فغرف الاطفال اي حركة يديرها الطفل هي تصوني تنبه الام (عبالي بلي منتج كاين من قبل يعني انا كون عندي فكرة جديدة نروح نديرها ستارتاب مشي نجي نديرهالكم فلكرونيك يا الغو*دارات)على كل حال جلال ابدع فلبريزونتاسيون و كانت من الاساس فكرته...كي كمل قاع صفقو عليه ماعدا خوه طبعا
عصام:ملييح فكرة مليحة و تساعد بزاف يعني نظن بلي مشروع مربح
قعدوو يتناقشوو فللارباح لي كانو ديجا دارسينه في دوصيي تاع التقديم طبعا و كلشي كي كملو كلشي قررو رسميا ينقلوه لطور الانتاج و التنفيذ
عصام:كمل الاجتماع بون كوراج للجميع*ناض وقف و شاف فخوه* جلال هايا معاياا
خرج و موراه خوه...دخلو للبيرو...بلع جلال لباب و راح جمع و عصام اونفاص ليه
عصام:دروك نرجعو للعالم السفلي لابوليس مشي غي هاكاك سيزاو الشحنة ياك كاينين لي راهم يد*قو فيناا مشي ملبلاد
جلال:ردولك كلش ؟!
طلع حاجبه:علاه عندهم خيار وحداخور ؟!
جلال:شكون من برا لبلاد عندنا معاه مشاكل
تبسم:بزااااف بصح كاين واحد لي نفاه لجينيرال هاداك اقربهم ولا نقولوو هو لي يقد يدير حاجة كيما هااك باسكو ميخافش من الجينيرال
جلال: بصح تبالي نسااا بليي خصه يخاف منك لانو بويا اهون والله
تبسم عصام:خصنيي خطة هاكا ذذكية نجيبه لعندي برجلييه بصح خصها وقت
جلال:و فهاداك الوقت ؟!
عصام:رانا عايشييين حقا تفكرت سيد احمد مورا هاديك القضية حبس الخدمة معانا نهائيا ؟!
هز راسه:نهائيا دروك مركزين على المصنع تاعهم برك بصح مالك مع سيد احمد ؟!
عصام:والو بغيت نسقسي
صونا تيليفونه خرجه شاف فيه كان داير رابال قبل موعد خروجها من الخدمة ب 15د باش يروح عندها..طفاه و شاف فجلال
عصام:راني خارج كلشي على عينيك و روح عند سليم شوفه مرات القدرات العقلية تاعه تنقص مخصنيش يفلسني
ضحك جلال اما عصام ناض خرج و راح ديراكت لعندها...
كي خرجت صابته عاود يستنا فيها...خلعهاا...شافت فرولا  و طبعا رولا هرببت هروب ماكر كالعادة و خلاتها معاه واقفين يشوفو فبعض (الصم البكم)
عصام:اهلا ديرونجيتك !
تبسمت:اهلاا لاا اماا علاه ديما تجي فجأة
هز كتافه:قتلك نعاودو نتلاقو
شافت فيه:هانا تلاقينا هايا باي
جات رايحة...شدلها يدهااا
عصام:غي نتمشوو شوية
بعدت يدها بلطف:عصام نتا الصحافة يضلو موراك و انا مراهش فخاطري ننتشر فقاع الصحف
عصام:مينشرولي حتى فوطو بدون اذني متخافيش هايا برك
دات نفس عميق و بدات تتمشا معاه
ميار:شكون س*ممك
عصام:مهم جدا تعرفي شكون ؟!
نفات براسها:توجعت بزاف ؟!
مجرد الفكرة تسببله الا*لم الموضوع هذا خلق عنده وسواس يعني مشي حاجة ساهلة بالنسبة ليه... عاش ا*لم فظيع و معاناة بسبته
عصام:في ميزك ؟!
شافت فيه بحزن:بزاااف معليش لمهم مصرالك والو
ضحك بخفة كوون تعرف شا فوت في حياته شا يصرالها هاد لفرويتي ما خلا الحبس ما خلا ليبليسوغ ماخلا والوو
داروو و دودروو شوية مبعد هي شدت طاكسي لدارهم و هو راح يكمل خدمته لي خلاهااا و جا عندها....