دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_110
قلعت سنسلة هاديك و رجعتها لابوات تاعها...علاه ديما هاك يديرها قد راسها مبعد يشريلها كادو حاسبها مادية و تنشرا بالدراهم....بغات تعيطله تقوله رواح تدي السنسلة تاعك بصح مكانتش باغيا ديبلوكييه...خرجت من الدوش حطت هاديك لابوات في خزنتها و راحت عند رشا و ماماها...كانو يطيبو فلكوزينة جمعت هي حداهم تشوف فيهم...دارت مها شافت فيه
حنان:ماله راجلك ؟!!
ميار:جا باش يردنيي
حنان:اهييه ؟!
ميار:منييش باغيا نولي معااه متفاهمناش
دارت شافت فيها باستغراب:متفاهمتوش ؟!! راكي تزعقي عليا ؟! راكيي عابية بلي هذا زوااج
دخلت رشاا ترطب الاحوال:يا ماماا غي راها زعفانة تفوتها و ترجع مع راجلها
ميار:لااا رشااا راني نهدر منيتي
حنان:شوووفيي معلاباليش شا صصرااا بصح انا ملول قتلك خطيك منه بصح قلتي لاا و بغيتييه مالا دروك تحمليييه
شافت فيها:ماماا !!!
حنان:مرانيش نزعق ميار مشي دروك تعرفي اذا تتفاهمو ولا لا مزالكم جداد
سكتت ميار مبغاتش ترد عليها...حتى واحد مراه فاهم شاراها تحس ولا شاراها تعيش معاه...قاع يمدولها احكام مسبقة بلاما يعرفو...
في جهة أخرى..
كانو في مقر المنظمة يقارعو لجلال...عصام كانو يبوجي رجله و ستراااس كاليه و يزيد عليه جلال
عصام:وين راه هذااااا ر!به
ليلي:راك مقلق ؟!
عصام:بزاااف ليلييي منبغيش نسنا
على اخر كلمة قالها دخل جلال...قايس عليه عصام بلوحة كانت حداه
عصام:الخطرة الجاايااا كي نقولك رواح في وقت تجي فيه متخيلينيش نسناك
جلال:سمحلناااا سي عصام
عصام:لمهم جبتلكم افااار كي العسل
جلال:هاات هانا نسمعوو
عصام:السلعة تاع ساكتور الغربي راها فديبو تاع الشركة تاع دان مالا ناويين يدوهاله
جلال:همممم المباني العاليين و اناا و سنايبر
تبسمت ليلي بحمااس:اووووف هادي شحال ما خدمنا هاك
رماا عصام لجلال سنايبر كان يبان جديد
عصام:هذا تاعي جلال كيما العادة خدمة نقية
ليلي:نتيي نحتاجك غي تكتبي اسم المنظمة تاعنا كيي يقت!لهم جلال
هزو راسهم بزوج و نطقو مع بعض:وينتاا ؟!!
شاف عصام فساعته:بعد ساعتين وجدولي رواحكم
هزو ريسانهم و ناضو بين زوج لبسو و غطاو وجوههم و حتى هو غطا وجهه وجد سلا!حه و قعد يقارعلهم شوية و جاو بزوج لابسين لكحل غي عينيهم يبانو
عصام:خدمة نقية
ليلي:حاضر
راحو بثلاثة بيهم حطو جلال عند لباب تاع واحد المبنى...طلع لبلاصة لي يشوف منها مليح وجد روحه ...بقا يشوف فهاداك السنايبر بحب
جلال:اوووف نتا خصني نديك لعصام نزيدك مع وليداتي *باسه* ليووم نخدمو انا وياك خدمة شابة غادي نسميك ايس عجبتني
عدله ملييح و قعد فبلاصته يراقب شوية حتى شافهم زوج داخلين تبسم....دار شادي مادي بيمن يبدا و قت!ل اول واحد و زاد موراه الثاني مباشرة و باس السنايبر
جلال:تهبببل ايس تهببل
قعد جلال فبلاصته يععس مدة ملييحة مزاد جاا حتى واحد...عيط لعصام
جلال:عصام صايي ؟!
عصام:وااه *شاف فليلي* هاياااااا ليلييي
نزلت ليلي ملوطوو....جرتهم لبلاصة مدرقة حطتلهم و كتبت بد!مهم فلرض "IKAROK"...و رجعت لعند عصام
ليلي:تمممم هايا نروحوو
قلعع عصاام بلوطو...حبسو لجلااال لي ركب فيسع و راحوو من تم...