❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_114
كان يقارع للعشية تجيي بفارغ الصببر باش يروح يجيبها...بعثلها ميساج
عصام:"ميار نجيي نديك ؟!"
قعدت شوية و ردت عليه:"واه"
تبسم ابتسااامة عرييضة و نااض بكل حمااس باش يجيبها...كان متحمس و فرحان كانه نهار عرسه...راح لدارهم جمع شوية مع بوها و خوهاا مبعد رجعوو بعد شحال دمووع من مياار...رفد عليها لكابااا...دارها فلوطو مرول و راح حللها لباب...شافت فيه
ميار:جاسباغ متخلينيش نندم
تبسم معاها:هاياا ميووش
تنهدت و ركببت فلوطوو..بلع هو لباااب و ركب مام هو و ديماراو للدار...قارا لوطوته برا و دخلوو شادين فيدين بعض...أمينة كي شافتها دخلت راحت تجري عنقتها و زييرت علبها و همستلها
أمينة:وياااا خفت مترجعيييييش
بادلتها العناق:هاني رجعت امونتي
سلمت على عجوزتها و شيخهااا و راحو ديراكت يتعشو كان وقت لعشا...بعد لعشا راحو يريحو فصالون...راحت ميار مع أمينة باش يجيبو صوالح للسهرة باسكو كانو ساهرين مع بعض...شوية و رجعو بزوج بيهم رافدين سينيات حطوهم و بدا يسربوو...عصام كانو عينيه يتحركو مع مياار...معلابلهش علاه هي لابسة و مغطية شعرها و ميبانش و هو يتخيل فيها عريا|نة مخه خصه تربية...حل قفافل تاع شوميز تاعه...شافت فيه ماه
لامية:مالك عصام ؟!
عصام:سخانة راها هنا
شافت فيه باستغراب باسكو مكانتش سخانة بصح تجاهلت الموضوع و مجاوباتهش...قدمت ميار عنده و فيدها كاس جو...مدتهله
ميار:عصرتهلك دروك
تبسم و شده عليها:ميغسي عينيا
تبسمت و جمعت حداه...غي جمعتتت دور يده على خصرها و جرها عنده حتى لصقها فيه...شافت في ماماه باحراج اما بوه مقدرتش مام با تشوف من جيهته...همستله
ميار:مالك عصام مراناش وحدنا
عصام:راني محتاجك قريبة هاك مياار
مردتش قعدت غي ساكتة و وجهها كل مرة يتلون بلون...
قدمت لامية و همست لراجلها
لامية:عصام شحال ميحشمش
هز راسه بيأس: صباح الخير لامية ولدك غاااسله الشيرة راها تتلون و هو الاز
ضحكت:بصح يبغيها والله
هز كتافه:و شكون يعرف مشاعر عصام ولا شا يدور في عقله
نروحو عند أمينة لي كانت مرة تشوف فعصام و ميار و مرة تشوف في بوها و ماماها...حست روحها شجرة
أمينة:انا قلتولي هادي سهرة عائلة احترمو مشاعري كانسانة سنغل و احترمو وجودي
ضحك باباها:اجيي بنتي اجيي عندي
ناضت جمعت حداه و حطت راسها كتفه و شافت في ماماها
أمينة:لجينيرال تاعي
هزت راسها بيأس منهااا عادتها ضرتها مشي مهاا...اماا ميار كانت تشوف فيهم و تتبسم
ميار:تعجبني بزاف علاقة عمو مع أمينة
عصام:ثاني واحد يعشقه بويا فالدنيا هادي مور لامية هي أمينة لدرجة دار تأنيث لاسمه و سماها بيه
تبسسسمت:فكرة شاابة هههه
نطقت لامية:عصام جلال وينه ؟
طلع كتافه:معلاباليش
شاف فيه بوه بنص عين:منيتك عصام !
عصام:راه كبير منقعدش نعس فييه
بدلت لامية سوجي:مبعد نهدر معااه
ناض وقف عصام:حنا نروحو تصبحو بخيرر
تبسمت ميار:تصبحوو بخيير....
أنت تقرأ
دولــوريــس "فـي عـشـقـك سـأفـنـى
Romance☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
