دولــوريــس "فـي عـشـقـك سـأفـنـى

لقاء 6

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_20
دخل للمجلس ديجا منارفي خصروله الموعد تاعه...بصح خصه يصفي ذهنه باش يحكم فالقضية هادي متيليفون تبان معقدة بزاف و كي طيح الرو*ح تصعاب بزاف...جمع فبلاصته و قلع نواظره حطهم كانو دايرين فوضى عارمة...ضرب بيده بخفة على الطابلة
عصام:عطيونا شوية سكاات
سكتو قاع و شاف هو فلي كان واقف حداه...دار للرجال لي كانو شادينه بيده باش يبعدو عليه...دت نفس عميق
عصام:راني نسمع
قعد يشوف فيه بخوف...يعرفه بلي ميرحمش
زاد هدر عصام:للمرة الثانية راني نسمع
نطق هاداك السيد بخوف:غلبني الشيطان سي عصام مكنتش باغي نقت*له والله غلطة
دارله بيده باش يسكت...شاف فخو السيد لي قت*لوه و رجع شاف في بوه باسكو هو البوص
عصام:رايك فالقضية جينيرال
نطق بوه:باش نحبسو الثار نزوجوو خته مع خو لي ما*ت
عقد عصام حواجبه:تسمااا هو دارها و تخلصها خته !! لا لاااا غلط هو يخلص هو
جبد كابو*سه بحركة خفيفة و ت*يراا عليه جابه حب*ل
حط كابوسه فحزامة و رجع شاف فاخ لي قت*لوه :صافية دروك !! كملناا ؟!
هز راسه:ربي يحفظك سي عصام
رجع شاف فاب لي قت*له هو:كملناا ؟! مكانش ثار معايا ؟!
حط هاداك راسه:لا سي عصام هانية
هز عصام راسه بتفهم:قوانيني واضحيين لي قت*ل ينق*تل قضية الروح ما تنحل لا بالزواج ولا بالدراهم ولا بالصفقات الد*م بالد*م كل واحد يلزم حدوده يخدم خدمته باش قاع نقعدو الاز
قاع هزو راسهم بالايجاب...عنده الحق...و اصلا مكانش لي يقد يناااقشه...
عصام:كملت الجلسة
بداو ينسحبو واحد مورا واحد...ناض وقف و دخل كابو*سه في حزامه...كي جا خارج حبسه صوت بوه
أمين:عصام
دار شاف فيه:وي جينيرال
قدم عنده و هدر بصوت منخفظ:بوك انا عصام تقد تقولي بويا
شاف فيه عصام ببرود:شاكاين ؟!!
أمين:كنت قادر تحلها بالزواج و تخليهم يدبرو ريسانهم خيرر ملي تزيد تكسب العديان ولديي دير عقلك فراسك راني خايف عليك
تبسم معاه:كون جيت تخاف عليا كون مدخلتنيش لهاد لميليو يا بويااا... راح و خلاه واقف....