❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_106
نروحو عند ميار...
دخلت لدارهم...كانت مزيرة على شنايفها باش متبكييش...راحت ديراكت لبيتها...دخلت و بلعت لباب بلمفتاح...تمشات وقفت حدا لمرايا تشوف فروحها...يعني هي فالزين شابة...تحاول ترضيه بشتى الطرق و ديرله شا يبغي و تتمشا على قوسطوه...بصح شا تربح ؟!...انها تسقسيه سؤال بسيط يقولهاااا لبسي نرجعك لداركم...بليناغ هادوك ضر!بت المرايا هاديك بزووج يديهااا هرستها
ميار:نكررررررررهك نكرههههههك
راحت تتمشا فوق الزاج و يديها هاكاك يقطرو بالد!م...جبدت تيليفونها و بلوكاته من كلشيي....شافت باتجاه لباب باسكو رشا كانت تعيطلها من برا
رشا:ميااار حلي لباااب شا تهرس عندك ؟! شاكاااين ؟!!
قدمت ميار حلتلها لباب و بقات واقفة تشوف فيها...رشا شافت فيها بصدمة...و هودت راسها ليديها لي كانو مجرو!حين...دخللت تجريي شدتلها يديها
رشا:مالكي ؟! شا صرااالك ؟
هدرت ميار بصوت جاف:هرست لمرايا ؟!
شافت فيها رشا بصدمة:هبلتييييي !!!
سالو دموع ميار:هبلنيي موليتش نعرف نخممم موليييتش نعرف كيفاش نتصرفف مفهمتش مااله و فاش قصرت معااه مفهمتش علاش يديرليي هاك ياك شا درتله انا ؟؟هذا جزاء لي تبغي من قلبها ؟! هذا هو الحب ؟! رشااااا ختيي مقديييتش قلبييييي راه يت!قطع
عنقتها رشا:شا صراا كنتو غايا قبيل !!
ميار:علاه انا وليت نفهمه ؟!! نفهم فاش يخمم ؟!! مولييتش نفهمه راه معيشني في دواامة و عذاب نفسي مبغيتش نوليله تعرفي رشاااا قاليي متعرفينيش تعرفي غي سميتي و انا مامنتهش
بعدت عليها رشا تمسحلها في دموعهااا و تسكت فيها...هي مكانتش فاهمة الحكاية بالظبط باسكو ميار مكانتش تحكيلها قاع التفاصيل...كانت حاسبة كاي كوبل مزالهم يتاقلمو مع بعض يصراو بيناتهم مشاكل
رشا:بين اي كوبل كاين مشاكل ميار حبيبتيي خصكم شوية صبر شوية مفاهمة و اهم شيء تجمعو تحكو مع بعض و تحلو مشاكلكم
هزت ميار راسها يمين و شمال و هي مزلها تبكي...
تنهدت رشا:صحا خليني نديرلك الدوا ليديك
بقات ميار ساكتة...قاودتها رشا و داتها جمعتها فوق لكرسي و راحت جابت لابوات فاغماسي...و جمعت ديرلها الدوا و زادت دارتلها بونداج ليديها بزوج...قدمت قلعتلها خيمارها
رشا:هاياا ميار ترقدي ختي هايا
ناضت معاها ميار و دخلت بقشها للفراش...و رشا راحت لمت هاداك الزاج كامل و راحت لبيتها مبغاتش تزيد تهدر معاها حتى تتكالما...قعدت ميار تخمم حتى صونا تيليفونها...رفداته شافت شكون صابتها أمينة...ريبوندات
ميار:الوو
أمينة:الووو ميوووش ليك وحشة
ميار:انا تاني صافا ؟!
أمينة:والله لباس بصح توحشتك متجيش ؟!!
ميار:تتتء منيش راجعة أمينة
هدرت أمينة بخوف:علاه مالكي شا صرا بينك و بين عصام ؟!
ميار:أمينة خوووك ميبغينيش خوك تزوجني باش يعذبنيي و يعيشني فتنااقض
أمينة:يا ميار مالكي شا صرا ؟!
ميار:بزااف صوالح أمينةة بزاااف لمهم والله مراني قادة بغيت نرقد منا للصباح كلشي يكون فات
سكتت شوية مراهاش عارفة شا صرا بيناتهم بصح هي تعرف عصام بلي بزاف صعيب و متحصيش قاع شا يكون دارلها باش وصلها لهاد الحالة
أمينة :تصبحي بخيير و بسيااس عليك هذا هو عصاام
كوبات ميااار و بقات تتعاود فراسها جملة "هذا هو عصام"...بصح علاه يخليها تشوووف جانب وحداخور منه و تامن بلي هذا هو تاع بصح و يعاود ينقلب...وينه فيهم الجانب الحقيقي منه...شاهاد التناقض ؟!...شاهاد المد و الجزر لي عايشين فيهم...ناضت صلات صلواتهاا و دعات ربيي يخفف عليها الم قلبها و دخلت في بلاصتها قرات اذكار النوم و رقدت....
أنت تقرأ
دولــوريــس "فـي عـشـقـك سـأفـنـى
Roman d'amour☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
