كرونيك باللهجة الجزائرية 🇩🇿 تحكي على طفلة تربات و كبرت في عائلة تحبها قدهم قد رحهم أهم حاجة في حياتها عايلتها إنسانة طموحة تحب تخدم و تدير دراهم و توصل لأعلى المراتب بجهدها الدنيا سرقت منها باباها لي كان صديق و أخ ليها ماشي غير أب ،
و يجي نهار لي...
في بيت كريم كانت قاعدة فاطمة و هو مقابلها يسنا فيها تبدا تهدر فاطمة بتوتر وهي تحك في يديها في بعضهم: كنت حابة نقلك تعيش على الشي لي درتو معايا قبيل كون ماشي نتا ما علاباليش وين كان حيوصل خوك المهبول. تبسم كريم و قالها: قتلك انا هنا خوك و علابالي الشي لي دارو سيف ماشي ساهل بصح مام نتي غلطتي . فاطمة بإستنكار: كنتو حابيني نسمعها و نسكت ؟! كريم بعقلانية : ما قلناش تسكتي بصح الهدرة ماشي هكاك نتي راكي تحولتي . فاطمة وهي راسمة ابتسامة بلهاء: المهم أنا ما جيتكش على هادي فالأصل. عقد كريم حواجبو و حرك راسو بمعنى علاواه و هي كملت : خوك محوسني نخرج معاه باش يشريلي قش . كريم : هيه و أنا واش دخلني ؟! فاطمة بتلقائية : ما عندك ما دخلك هز كريم حاجبو وهي كملت بزربة : ماشي قصدي ، افهمني ما نقدرش نخرج معاه وحدي و هديل ما حبتش تروح معايا قاتلي بلي نتا ما تخليهاش . تبسم بسخرية و تمتم بينو و بين روحو : درك ولات ماتقدرش تروح علاخاطر أنا ما نخليهاش ، تنهد و دور عند فاطمة و كمل: و المطلوب مني؟!! فاطمة بعينين الجرو: خلي هديل تروح معايا تعيش أول مرة نطلب منك حاجة ديجا ماشي قتلي البارح كاشما تحتاجي راني هنا و أنا خوك ؟! ولا هدرة برك و درك في وقت الصح حتضحي بيا و تبعتني مع المريض تاع خوك وحدي كنت علا قاطعها كريم : صاي صدعتيني تروح معاك على رحها و بلا ما نوصيها على لبستها. مشات فاطمة خارجة من البيت فرحانة كريم : قوليلها غلطة صغيرة منها تسلكها غالية . دورت فاطمة عندو وهي مكملة في مشيتها و قاتلو : علابالك بلي مانيش حنقولها . و حلت الباب و دورت ، تخبطت في سيف لي كان داخل للبيت يشوف واش قاعدة تدير فالبيت الوقت هدا كامل ، كانت حتطيح بصح هو حكمها من وسطها و هي حطت يديها على صدرو و باقيين يشوفو في عينين بعضاهم حتى تنحنح كريم (دار صوت ) ، دزت فاطمة سيف و راحت لبيت هديل بلاما تهدر حتى كلمة و وجها تلون بالاحمر أما سيف شاف في كريم و قالو: كريم مدابيك ماتزيدش تدور بفاطمة . و مشا و خلاه مصدوم!!! في بيت هديل .... دخلت فاطمة و وجها حمر شافت فيها هديل بإستغراب و قاتلها: وشبيك تقول كنتي في ماراطون ؟! مشات فاطمة و قعدت فالكرسي لي قدام لمراية و قاتلها: ولد عمك المسكون. هديل: ههه واش بيه تاني ؟! فاطمة : والو والو نوضي برك بدلي قشك باش تروحي معايا. هديل: واش كاين في راسك يا بنتي قتلك ما يخلينيش صعيبة باش تفهميها ؟! فاطمة : اني رحت وهدرت معاه وقالي تروح على رحها. ضيقت هديل عينيها و شافت فيها بشك: راكي متأكدة ؟! ماكيش حتدخليني في حيط ؟! فاطمة: نندب او الحيط لي يخاف يدخل فيك نوضي خير ما يزدم علينا ولد عمك . ناضت هديل و جبدت فاطمة معاها وين حاطة قشها و خلاتها تخير واش تلبس و فاطمة هزت الشي لي لقاتو قدامها و بدلو هديل لبست غوب خفيفة طويلة تحت الركبة نواغ و فيها وردات صغار فالتشيني (برتقالي) و لبست معاها اديداس بيض و خلات شعرها مطلوق على ظهرها .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و فاطمة لبست سروال بوي فراند جين و معاه شوميز بيضة خفيفة فيها رسمات صغار بالأزرق مدخلتها فالسروال مع أديداس بيض و لمت نص شعرها و النص الآخر مطلوق.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبطو فالدروج و قابلوهم جدهم و مرت عمهم و معاهم سيف لي باين كره حياتو و هو يسنا فيهم طلعها و هبطها بعينيه و هو هاز حاجبو سيف: خرجي الزبل من السروال . فاطمة و هي مقلبة و جهها كتر منو : نهار تتعلم كيفاه تهدر اهدر معايا . قرب سيف عندها حتى قريب لسق فيها : شوفي يا تخرجيها و تسكتي يا تزيدي كلمة و نفزدك راني معمر منك لخر. و قفت حنان و قربت عندها : بنتي هيا خرجيها و قصري الشر . دارت شافت في خالتها تخمم (و هي أصلا ماقادراش توقف من الخوف ههه) خرجت الشوميز و هي تنسف و سيف خرج و سبقهم للطونوبيل. حنان و هي تمسح على وجها: صحيتي بنتي و ما تعانديش سيف هو ما يعرفكش و خايف على العايلة درك يومين يوالف و يخليك على راحتك . هزت فاطمة راسها و كانت حتجاوبها بصح قاطعها صوت لكلاكسون تاع الطونوبيل لي خلاتهم يخرجو مزروبين ، ركبت هديل من قدام و فاطمة اللورة طريق كامل و هوما ساكتين . وصلو لمول كبير دخلو و بقاو يدورو و شراو بزاف حوايج فاطمة ماشي قانعة بيهم اصلا كامل من اختيار سيف ، كانو واقفين في حانوت ، سيف صونا طيليفونو و خرج يهدر و لبنات استغلو الفرصة و خيرو واش يعجبهم كامل و سناوه دخل و سلكهم و خرجو . وقفت فاطمة فالطريق و قاتلهم : جعت حابة ناكل . شاف فيها سيف وقالها ببرود : درك تروحي تاكلي . فاطمة : حنموت لازم ناكل . هديل بإحراج: سيف تعيش ناكلو بزربة و نروحو. سيف : نص ساعة ما نزيدكمش. ضحكو لبنات و مشاو للمطعم لي فالمول و سيف دا لحوايج للطونوبيل، دخلو للريسطو و قعدو بداو يخيرو واش ياكلو فاطمة بتوتر : نتي خيري واش ناكلو وانا نروح نغسل و نجي . هديل : ما تطوليش عندنا غير نص ساعة . راحت فاطمة و سيف دخل وقف قدام الطابلة و هو مضيق عينيه: وين راحت . هديل: راحت تغسل و درك تجي . قعد قدامها و باقي يسنا فيها عداو واحد الخمس دقايق وقف وراح جيهة المرحاض تاع النسا مع وصل خرجت مرأة مع ولدها صغير حبسها سيف : تعيشي ماكانش لداخل طفلة ؟! المرأة: كاينين زوج . سيف : وحدة فيهم عينيها خضر قصيرة سيفيليزي لابسة جين و شوميز ؟! المرأة هزت راسها : لالا لي لداخل في زوج محجبات . مشات لمرا وسيف ضرب الحيط و بدا يسب في فاطمة سيف : هاد المرة واحد ما يقدر ينجيك من بين يديا.
######### ديزولي على الروطار نشاله يعجبكم البارت و ما تنساوش فوت و كومنت بلييز 🥺
