كرونيك باللهجة الجزائرية 🇩🇿 تحكي على طفلة تربات و كبرت في عائلة تحبها قدهم قد رحهم أهم حاجة في حياتها عايلتها إنسانة طموحة تحب تخدم و تدير دراهم و توصل لأعلى المراتب بجهدها الدنيا سرقت منها باباها لي كان صديق و أخ ليها ماشي غير أب ،
و يجي نهار لي...
طلعتها هديل لبيت و قالتلها" ادخلي رتحي و درك نجيك كاشما حتجتي رانا فالبيت هادي لي قدامك بعد" . دخلت و قفلت الباب و بقات تشوف مع البيت أجمل من البيت لي كانت تحلم بيها و لي زاد جمالها هو اللون لي مديتو حيث غلب عليها اللول الموڢ (البنفسجي) لي هو أفضل لون عند فاطمة مشات و قعدت في السرير و بقات تشوف فيها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بدات تخمم في عايلتها و في ماماها تخمم في حياتها لي عدات و في حياتها لي جاية كيفاه حتكمل كيفاه حتعيش مع عباد ما تعرفهمش ، تفكرت مها و هي تقولها حرام عليك و تفكرتها و هي تبكي و تجري موراها تفكرت خوها تفكرت باباها تفكرت و تفكرت حتى بداو ينزلو دموعها و بدات تهدر مع روحها : محال نبقا هنا لازم نهرب.... فالوقت لي هي غارقة في عالمها سمعت الباب يطبطب مسحت دموعها وقالت" ادخل". تحل الباب و دخلت طفلة من قشها تبان تخدم لتم و قالتلها "مادموزال فاطمة يسناو فيك لتحت باش تهبطي تتعشاي" . شافت فيها و قالتلها مانيش قادرة ناكل ، هبطت الخدامة و وقفت قدام الجد و قاتلو "سي عيسى مادموزال فاطمة ما حبتش تهبط قالت ماهيش قادرة "هزلها راسو و هي مشات ، نطقت هديل 'خليني نطلع عندها بلاك تاكل معايا "، سمحلها جدها وهي دات الماكلة و طلعت دقت الباب و دخلت و شافت فاطمة قاعدة فالحرف تاع السرير و باينة بلي كانت تبكي ، ما حبتش هديل تبينلها و راحت قعدت قدامها و حطت السينية بيناتهم و قالتلها" قلقت لتحت حبيت ناكلو كيف كيف يخي نورمال ؟!" هزت فاطمة راسها و قالتلها " هيه براحتك" نحات هديل لغطا على الماكلة و بدات تاكل و شافت فيها و قالتلها " هيا كولي" جاوبتها فطيمة و هي تتبسم بالسيف " مانيش قادرة بصحتك" حبست هديل الماكلة و قالتلها " لوكان ما تاكليش معايا ما ناكلش و معلومة راني ميتة بالجوووووع و من الصباح ما كليت حتى حاجة و قادرة نموت و نحصل في رقبتك و تولي تحلمي بيا و ندخلك في مناماتك و تولي تخافي تقعدي وحدك و يديرلك تأنيب الضمير علاخاطر قتلتي كائن حي لطيف و جميل و بريء و حني.... " حبستها فطيمة و هي تضحك و قاتلها "خلاص فهمت درك ناكل" ضحكت هديل و بداو ياكلو و هوما ساكتين ، " احكيلي على العايلة لي لتحت لي نورمالمو عايلتي" قالت فطيمة و هي تلعب بالمغرف فالسحن ، حطت هديل مغرفتها و بعدت السني و تربعت فوق الفراش و بدات تهدر بحماس كي شغل كانت تسنا في إشارة باش تنطالق " شوفي نبدالك بروحي اجمل كائن فالدار وخاطيني المشاكل كافية خيري شري و ماعنديش معامن نحكي حتى جيتي نتي و درك موحال نطلقك" تبسمت فطيمة و كملت هديل " و تاني شخص فالدار هادي هو كريم " و تبسمت و عينيها ولاو ڨلوب ، قالتلها فطيمة مورا ما دارت نفس الوضعية تعها " أهيه و شبيه كريييييم" فاقت هديل مع رحها و كملت " انسان حنين و يحب الخير للناس بصح كي يقلق يولي ما يشوفش قدامو و يدير أي حاجة تجي في بالك و ما تجيش تاني " و نحنحت و كلمت " و خاطبني و عاقدين تسما ماكاله تشوفي معاه نقضي عليك هههه " ضحكت فطيمة و قالتلها" و أنا نقول واش سر لڨلوب لي في عينيك أهيه كملي " "و جدي عيسى راجل صارم كلمتو قبل كلش ما يمشيش بمشاعرو كلش عندو مصالح بصح يخاف على عايلتو و يحبهم مام ما يبينش و عندك عمي محمد أطيب و أحن بنادم قادر تشوفيه انا شخصيا يحبني و يخاف عليا و تقريبا هو الوحيد لي يحامي عليا ضد كريم و تاني ماما حنان لي هي من المفروض خالتك إسم على مسمى حنينة بزاف بصح ديما كاين مشاكل بينها و بين عمي يعني تقريبا كل يوم تقابيد والفنا بصح يحبو بعضاهم " قالتلها فطيمة بإستغراب" كيفاه هدا يحبو بعضاهم و كل يوم يتقابدو ؟! " ضحكت هديل" من الخصال المتوارتة عند عايلة الصياد أنو يغيرو بزاااااااااااااف و عمي و ولادو هكا تاني , المهم خليني نكمل و من بعد تجي فقرة الأسئلة " حطت فطيمة يدها على فمها و كملت هديل" و عندك العنقود الخامج فالعائلة لي هوما عمتك و راجلها و بنتها و لدها ، عمتك أكبر انسانة حقودة و غيارة و أنانية قادرة تشوفيها في حياتك تضال تدير فالمشاكل بين عمي و مرتو و حتى بيني و بين كريم ، و راجلها كلب تاع دراهم يجري غير مورا المادة ، أما ولد عمتك اكبر خبيث قادرة تشوفيه و ما يحبش كريم و سيف و يغير منهم و يستنالهم غير في ثغرة ليهم ، و منااااار الكلبة المسمامة المذلولة كل واحد تقابلو تقولو سيف خاطبني " حست فطيمة بشعور كأنو حاجة تعها راحت من بين يديها و سقسات بلا ما تحس" و سيف خاطبها صح ؟!" شافت فيها هديل و في لونها لي تبدل و قلتلها بتبسيمة خبيثة" لالا بصح جدي من نهار خطبني كريم و هو يقولو اخطبها و سيف كل مرة يأجل و يماطل يعني ما عينوش ما تخافيش " فطيمة توترت و قالتها " وانا واش دخلني علاه نخاف ما عندي ما دخلني بيناتهم انا وا.... " قاطعتها هديل و هي تضحك و قالتها" خلاص اتنفسي فهمنا ما عندو ما دخلك هههه " ضربتها فطيمة على راسها و نطقت هديل" و اللخر سيف أول حفيد للعايلة و رباه جدي كيفو بعد إنسان جامد ما يعاودش كلمتو مرتين واحد ما يقدر يوقف قدامو الكل يخافوا منو حتى عمتي تديرلو ألف حساب أولياتو هي الخدمة و جامي سمعنا بلي عندو علاقات في حياتو تسما من اللخر لاكان حابة حياة كالم ما تحتكيش بيه" هزت فطيمة راسها و تنهدت و هي تخمم في لحياة لي رايحا تواجهها و هديل حست بيها و مدت يدها و حطتها على يد التانية و " ديما حتلقايني معاك و ماما حنان و عمو محمد تاني حتلقاينا كامل في ضهرك ما تخافيش" تبسمت و هديل وقفت و قالتلها "رتحي ليوم عييتي و غدوة نشاله نحكيو" و جات خارجة بصح حبستها فطيمة و " هديل تعيشي جيبيلي حاجة باش نبدل قشي خنقتني الغوب" ضربت هديل راسها وقالتلها" سامحيني نسيت درك زوج دقايق و نكون عندك" راحت هديل و جابتلها بيجامة من عندها" تفضلي الزين و غدوة نشاله نخرجو نتكساو هههه نتكسا في جرتك نورمال " ضحكت فطيمة و دات من عندها البيجامة و هديل جات خارجة و " كاشما حتجتي بيتي أي لي لاسقة فالبيت تاعك بعد طبطبي فالحيط نكون عندك " خرجت هديل و فاطمة دوشت و بدلت قشها لبست البيجامة لي كانت عبارة عن شورط قصير و طريكو طويييييل بيض و فيه رسمات تاع ميكي ماوس و مشطت شعرها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قعدت فالسرير و تكات بظهرها على ظهرو و بدات تبكي بكات كلش عاشتو اليوم حياتها لي كانت كذبة ضرب سيف لخوها ماماها لي جرات موراها و بكات عليها عايلتها لي بعدت عليها بين ليلة ونهار بلا ما تودع مها و خوها بلا ما تزور قبر باباها تفكرت النهار لي خسرت فيه باباها بلا ما تودعو و اليوم خسرت مها و خوها و عايلتها بلا ما تودعهم زاد بكاها و هي تتفكر في العايلة المعقدة لي رايحة تعيش فيها و المفروض هي بنتهم ،و فالوقت لي دموعها قاعدين يسيلو سمعت صوت حاجة قاعدة تتخبط فالحيط لي بينها و بين بيت هديل حبست البكا و حاولت تسمع كتر و تأكدت بلي الصوت جاي من بيتها مسحت دموعها و مشات لباب تاع هديل و كانت حتطبطب حتى سمعت صوتها المخنوق و هي حلت الباب و دخلت و تصدمت بلي شافتو هديل لاسقة فالحيط و رجليها ما يقيسوش فاللرض و واحد يخنق فيها ، تواني وفاقت من صدمتها و جرات بعدت هديك اليد لي تخنق في بنت عمها لي طاحت فاللرض تتنفس بالجهد و يدها على رقبتها و فاطمة تصدمت أنو لي كان خانق هديل هو كريم .... حكمها ما كتافها و بعدها و هبط حكم هديل من ذراعها باش يوفقها بصح فاطمة و قفت بيناتهم و دزتو و هدرت بصوت عالي نسبيا " وشبيك مهبول ؟! بعد على الطفلة" و هو زير يدو و قال من بين سنيه " أخرجي " " اخرج نتا موحال نخليها معاك" و على صوتها دخل سيف لي كان فالبيرو تاعو يخدم و قفل موراه الباب و قال وهو يشوف في فاطمة " واش قاعد يصرا هنا علاه صوتك واصل عندي" حلت عينيها بصدمة و هزت حاجبها و قالت بنفس النبرة" سقسي خوك واش قاعد يصرا دخلت لقيتو يخنق في هديل " شاف فيها بوجه جامد و " و نتي علاه تعيطي واحد و مرتو بيناتهم " ضحكت بصدمة و قاتلو بعياط" نتوما عايلة مريضة انا نقولك خنقها و نتا تقولي مرتو؟!؟" شاف فيها و عينيه بداو يحمارو و قالها من بين سنيه" صوتك "، " خايف يسمع جدك صوتي و يتفضح خوك ؟!" دار سيف عند كريم و " اخرج " كريم" مانيش خا..." قاطع سيف و هو يطلع يدو و يمسح على وجهو و بنبرة حادة " كرييم" شاف كريم في هديل لي قاعدة في بلاصتها و تبكي " مازال هدرتنا ما خلصتش" و خرج و فاطمة هبطت عند هديل نوضتها و قعدتها في سريرها و مسحتلها دموعها و مدتلها تشرب و هي قاعدة حداها عداو واحد التلت دقائق و سيف يشوف فيهم و من بعد قرب عندهم و " نوضي نحكي معاك " شافو فيه لبنات في زوج و هو شاور لفاطمة و قال" نتي نوضي " رجعت تشوف في هديل و ردت بلا مبالة " ما نخليهاش وحدها " وهو ماعياش روحو حكمها من دراعها و نوضها و داها لبيتو و قفل الباب شاف فيها من فوق لتحت و قالها " مدامك من العايلة هادي لازم تفهمي بلي واحد ما يقدر يدخل بين زوج مزوجين و كريم يحب هديل..." قاطعتو و قاتلو " أني نشوف فالحب " و جات ماشية " بعد من طريقي " حكمها من دراعها و رجعها قدامو " مازلت ما كملتش هدرتي و ما تزيديش تقاطعيني ، صوتك ما نحبوش يزيد يعلا و مدابيك ما تدوريش بالبيجامة برا بيتك" شافت في لبستها و خدودها حمارو و قاتلو " بعد من الطريق " بعدلها و هي راحت لبيت هديل...... صوتو بليييييز
