كرونيك عشق مخيف 🇩🇿💔❤️

Chapter 29

وصل سيف للكلينيك باش تنحي فاطمة الجبس و دار يشوف فيها كيفاش راقدة و هدر بهمس : " نشاله تحبيني كيما نحبك باش ما نغلبش و نغلبك معايا "
تنهد و نوضها حلت عينيها تشوف فالبلاصة و هدرت و هي تعدل في قعدتها: " وين رانا؟! "
سيف: "يخي قتلك نروحو تنحي الجبس"
فاطمة: "نسيت"
دخلو نحاتلها الطبيبة الجبس و ركبو راجعين للدار غير بانتلهم تنهدت فاطمة دار شاف فيها سيف و كمل حتى دخلو للحديقة و منها للباب تاع لقصر حل الباب و غير وصلو للصالة جرات هديل تحضن فيها و تسلم تقول عندها عام ما شافتهاش بعدت عليها باش تزيد تسلم على باقي العايلة و أول وحدة لقاتها في وجها منار!! هزت حواجبها بإستغراب و هي تشوف مع يد منار الممدودة باش تصافحها و مع الإبتسامة لي في وجها، مدت هي تاني يدها حتى جبدتها منار و عنقتها و قاتلها: " فاطمة توحشناك " و بعدت عليها و كملت و هي مازالت حاكمتلها يديها في زوج "انساي الشي لي عشناه قبل و نعاودو نبداو من جديد، انا غلطت في تعاملي معاك بصح درك نصلحو كلش"، بقات فاطمة تشوف فيها بإستغراب و هزتلها راسها ب ايه بلا ما تهضر و دورت تشوف بنظرات تساؤل في هديل لي هزت كتافها دليل على انها ما فاهمة والو كيفاها، كملت سلمت على باقي العايلة و سيف عينيه شعلو كي شافها تسلم على كريم و يحي و هدر بينو و بين روحو:" بعقلك برك غير تولي بإسمي كلش يتبدل ".
سلمت فاطمة على جدها و قعدت قدامو و هو محضنها و هدر:" غلبتو فالطريق؟! "
هزت فاطمة راسها بلالا و هدرت: "انا ما غلبتش بصح سيف بلاك غلب علاخاطر ملي خرجنا و هو يسوق ما رتحناش"
حنان بتساؤل: "تغديتو ولا لالا باش نحطلكم"
فاطمة و سيف في نفس الوقت: "لالا كلينا" شافو في بعضاهم و فاطمة تبسمتلو، قاطعت نظراتهم منار: "فاطمة نحيتي الجبس؟!"
هزت فاطمة راسها و هدرت بإبتسامة صفرة: " اممممم كي عدنا جايين داني سيف عند الطبيبة نحيتو"
سلمى بخبث: "سيف ديما يتحمل نتائج أغلاطو و ضميرو يأنبو كي كان هو السبة في مرضك لازم يداويك"
قبل ما يجاوب سيف دارت فاطمة عندها بإبتسامة مزيفة و هدرت: " بلاك سيف ما حكالكمش كيفاه تكسرت، انا لي كسىت روحي كي رميت روحي من الطاكسي و هي تمشي و السبة لي خلاتني أصلا نهرب من عندكم ماشي سيف، نتي و بنتك و راجلك و ولدك كنتو السبب الرئيسي "
الجد: "كشما دارولك بنتي و أنا ما علاباليش؟!"
فاطمة بإبتسامة بريئة: "لالا جدو juste عقليتهم فاللول و تعاملهم البارد معايا هو لي خلاني ما نتأقلمش" و دورت تشوف في منار و مها و ابتسامة خبيثة تزين وجها "بصح درك رانا حننساو كلش و نبداو من جديد يخي منار"
منار بغيض و ابتسامة بالسيف ما خرجتها : "امممم باينة درك نتي راكي بنت خالي"
فاطمة: " و نتي بنت عمتي لعزيزة ههه"
الجد: " هكا نحبكم ديما مع بعضاكم "
محمد: " لولاد اطلعو بدلو قشكم و رتحو حتى يجي وقت لعشا "
وقفت فاطمة و في جنبها هديل يمشيو و موراهم سيف لي سمع فاطمة تهدر مع هديل: "وشبيها بنت عمتك ما طاحتش على راسها و حنا مكانش ولا طلعتلها السخانة؟!"
هديل: "ههههه و الله راني مصدومة كيفي كيفك يا ختي"
فاطمة: "بصح نقولك الصح، و الله ماني مأمنتها "
هديل: "الله اعلم واش كاين في راسها"
سبقهم سيف فالدروج و ضرب فاطمة في راسها و هدر: "بركي ما تهدري فالناس"
حكمت فاطمة راسها و هدرت: " يدك سابقتك خويا نحيها اذا ماكش قادر تحكم فيها "
هز سيف حاجبو و هدر: "مانيش خوك هادي اول حاجة و تاني حاجة تبانلي نتي لي ما تحكميش في لسانك تحبي نقصو؟!"
فاطمة بإستهزاء: " أنا لي ميتة باش نكون ختك واقيلا " و كملت و هي حاكمة في يدو بزوج يدين " پليز لا تساوي فيني هيك مافيني عيش اذا ماتقبلت اني اكون اختك، بترجاك كون اخي پليز "
باقي يشوف معاها من الفوق مصدوم و بدا يضحك هو و أية و هي عدلت وقفتها و تشوف فيه و هي يضحك و هدرت بلا وعي: " تولي بوڨوص كي تضحك و نتا نهار كامل غامنا بالتخنزير تاعك "
حبس الضحك و قرب ليها حتى لسقت فالحرف تاع الدروج و هدر بإبتسامة: "تحبي نضحكلك ديما نضحكلك بشرط نتي تحبسي الضحك تولي تضحكيلي غير ليا"
بلعت فاطمة ريقها من قربهم و قبل ما تجاوبو سمعو تنحنيحة هديل (نحن هنا ) دزتو فاطمة من كتفو و طلعت و كي وصلت للدرجة اللخرة دارت عندو و هدرت و هي وجها جمر من الحشمة: "ما نضحكلك ما تضحكلي اصلا كنت نكدب ماكش مليح كي تضحك"
تبسم و هز راسو يمين و شمال و هديل تبعتها.
..............................................
فالصالون كانو كامل ملمومين كل واحد فاش يحكي حتى سمعو صوت ضحك سيف جاي من الدروج
حنان: " هدا سيف؟!! "
محمد: "هههه هيه هو ما عرف واش ضحكو هكا؟!"
الجد: " خليو الطفل ضحك ضحكة درتو عليها تحقيق "
كريم: "ااااا كلش كلش و لا سيف جدي ما يشتيش عليه'
الجد:" ما نشتيش عليكم كامل "
كريم بتساؤل: "جدي لوكان متلا سيف و فاطمة يصرا بيناتهم مشكل معامن توقف؟!"
الجد: "واش السؤال هدا؟!، اصلا علاه يصرا بين سيف و فاطمة مشكل؟!"
كريم: " نفتارضو برك جدي"
الجد: " مع لي عندو الحق "
وقف كريم و هدر: " نبصم بالعشرة غير توقف مع فاطمة "
منار بدون مقدمات: " جدي وكتاه حتهدر مع سيف على الخطبة ما نبقاش انا نسنا "
الجد: " طفلة نتي ما تعرفيش لحيا و الحشمة؟! "
منار: " بصح جدي سنيت بزاف و انا ما فاهما راسي من رجليا "
كريم بصدمة: " منار خطبوك؟!!! تسما درك تروحي كلش مبرووووك هيه جدي مدا بيك تزرب تفرزها "
منار: " هيه خطبني سيف ولا ناسي!!!! "
كريم: " سيف علابالو هههه؟! "
الجد: " اقفلو الموضوع هدا كي يكون وقتو انا نفتحو "
########################
يويويويويويويويوي هادي في خاطر لي داو البيام
يويويوويويويويوي وهادي في خاطر البارت تاعي