Uni
မနက်က သွင်ဖုန်းဆက်တာကြောင့် ဆက်ပိုင်ဦးက ဇနီးဖြစ်သူနဲ့ မိသားစု ရှေ့နေကို ခေါ်ကာ ချက်ချင်းရောက်လာခဲ့သည်။ အိမ်ထဲဝင်ဝင်ခြင်း ဧည့်ခန်းထဲ
တွင် မျက်နှာမပျက်ထိုင်နေသည့် သွင်ခေတ္တရာထံမှ
သက္ကနဲ့ ကွာရှင်းတော့မည်ဟု ကြားလိုက်ရသောအခါ
မဒီမြတ်ဇာမ် အလွန်ပင်ရှော့ရသွားကာ နောက်သို့ယိုင်
သွားရသည်။
"ဘာဖြစ်လို့လဲသွင်ရယ် ။ ကွာရှင်းရလောက်တဲ့
အထိ ဘာပြဿနာတွေဖြစ်ထားလို့လဲ မဒီ့ကိုရှင်း
ပြပါဦး။ "
မဒီမြတ်ဇာမ်၏ စကားသံထဲတွင် စိုးရိမ်မှုတွေ ရော ယှက်နေသည်။ ဘေးလူတွေကသာ အံ့သြနေကြပြီး
စိုးရိမ်နေကြပေမယ့် ကာယကံရှင်ဖြစ်တဲ့ သွင်ခေတ္တရာကတော့ အနေအထိုင်မပျက်ပေ။
"မဒီ့မောင်နိုးလာမှပဲ သူ့ကိုမေးကြည့် "
မဒီမြတ်ဇာမ်၏ မျက်နှာအမူအယာက ပို၍ပင် ပျက်
ယွင်းသွားရသည်။ ဆက်ပိုင်းဦးနှင့် ရှေ့နေလင်းနေရောင်ကတော့ ဘာမှဝင်မပြောပဲ တိတ်ဆိတ်နေကြသည်။
"ကွာတော့ မကွာကြပါနဲ့ ။ ဖြေရှင်းလို့ရတဲ့ ပြဿနာဆိုလဲ အားလုံးဝိုင်းဖြေရှင်းကြတာပေါ့။"
"ဒါကတော့ သူ့အပေါ်မှာပဲ မူတည်တယ်။ "
"သူမလိမ္မာရင် မဒီက သေချာဆုံးမပေးမှာမို့ ခက်ခက်ခဲခဲ အကြာကြီးတည်ဆောက်လာတဲ့ အိမ်ထောင်တစ်ခုကိုတော့ မပြိုကွဲစေချင်ဘူး။"
မဒီမြတ်ဇာမ် သူကိုယ်တိုင်အတင်းပေးစားထားသည့်
လူတစ်ယောက်ကို မကွဲစေချင်ပါ ။ မောင်ဖြစ်သူက
သွင့်အပေါ်ဆိုးသည်ကိုလဲ သိပါသည်။
"ကိုယ်လဲ ကွဲချင်ကွာချင်နေတဲ့ လူတစ်ယောက်မဟုတ်ပါဘူး ။ဒါပေမယ့် မဒီ့မောင်က သိပ်ဆိုးတာပဲ။"
"သူဆိုးတာကို မဒီတို့က ဝိုင်းပြီးပြင်ပေးကြတာပေါ့။
ကွာတော့မကွာကြပါနဲ့ ။ "
"အဲ့တာ နောက်မှ သူနိုးလာမှဆက်ပြောကြတာပေါ့။"
မဒီမြတ်ဇာမ် ဘာမှဆက်မပြောတော့ပဲ ငြိမ်သက်စွာ
ထိုင်နေလိုက်သည်။ အိမ်တော်ထိန်းက လာချပေးထားတဲ့ မုန့်တွေကိုပင် လက်နဲ့မထိနိုင် မောင်ဖြစ်သူ
သက္ကမြတ်ဇာမ်ကို ရိုက်ပစ်ချင်သည့် စိတ်သာကြီးစိုး
နေသည်။
YOU ARE READING
The Kite(ongoing)
Romanceမင်းကတော့ အမြင့်ရောက်လေလေ ပိုင်ရှင်နဲ့ ဝေးသွားလေလို့တွေးလိမ့်မယ် ။ဘယ်နေရာ ရောက်ရောက် ဆွဲခေါ်ပြီး ထိန်းချုပ်လို့ရတဲ့ အာဏာငါ့မှာရှိတယ်။ မင်းက အမြဲတမ်း ငါ့ထိန်းချုပ်မှုအောက်မှာပဲ ရှိနေရမယ်။ Start 2.11.2022 End? မင္းကေတာ့ အျမင့္ေရာက္ေလေလ ပိုင္ရွင္နဲ...
