Uni
သွင်ခေတ္တရာ မန္တလေးက ပြန်လာပြီးကတည်းက သစ်လွင်ထူးတို့နဲ့လည်း မတွေ့ဖြစ်သလို သက္ကမြတ်ဇာမ်နဲ့လည်း မတွေ့ဖြစ်ပေ။ ထွဋ်ဦးယံကလည်း အဆက်အသွယ် မလုပ်။ အလုပ်ပုံထဲ ခေါင်းစိုက်ကာ တစ်ယောက်ထဲအထီးကျန်နေသည်။
အခုလည်း ကုမ္ပဏီက အလုပ်စားပွဲတွင်ထိုင်ကာ ဒီဇိုင်းတွေ ဆွဲနေရသည်။ သူဝါသနာပါရာ အလုပ်ဆိုပေမယ့် တခါတလေတော့လည်း ပျင်းမိသည်။
ဆက်ပိုင်ဦးက ရုံးခန်းထဲသို့ ဝင်လာကာ။
" Boss ဧည့်သည်ရောက်နေပါတယ်။ "
"ဘယ်သူလဲ ။ "
"ရောင်ခြည်သစ် ။ "
"ဝင်ခိုင်းလိုက်လေ ။ "
ဆက်ပိုင်ဦးက ခေါင်းညိတ်ပြကာ ရုံးခန်းအပြင်သို့ထွက်သွားသည်။ သွင်ခေတ္တရာ ရုံးခန်းထဲတွင်လာသည့် ရောင်ခြည်သစ်ကို မျက်မှန်ပင့်ပြီး ကြည့်လိုက်သည်။ ရောင်ခြည်သစ်က သွက်လက်လွန်းသည် ရုံးခန်းထဲက ဆိုဖာပေါ်တွင် ဝင်ထိုင်ပြီး ရုံးခန်းအနှံ့မျက်စိကစားကာ လျှောက်ကြည့်နေသည်။ လူငယ်မောဒယ်လေး တစ်ယောက်ဖြစ်တာကြောင့် ဝတ်စားဆင်ယင်မှုက ခေတ်ရှေ့ပြေးလွန်းသည်။ သွင်ခေတ္တရာတို့လို အချိန်ပြည့် suitဝတ်ထားတတ်တဲ့လူတွေနဲ့ ကွဲပြားနေသည်။
"သွင့်ရုံးခန်းက အကျယ်ကြီးပဲ ။ အပြင်အဆင်တွေကလဲမိုက်တယ်။ "
ရောင်ခြည်သစ်က ရုံးခန်းတစ်ခန်းလုံးကို ထိုင်ေနရာကနေ ခေါင်းနဲ့မျက်ဆံတွေသာ ရွေ့လျားပြီး လိုက်ကြည့်ကာ ပြောနေသည်။
" ဒါနဲ့ ကိစ္စရှိလို့ လာတာလား။ "
"အာ...ဟုတ်သား ရုံးခန်းအပြင်အဆင်တွေမှာ မျောသွားတာနဲ့ လာရင်းကိစ္စကိုမေ့နေတာ။ "
သွင်ခေတ္တရာ ဘာမှပြန်မပြောပဲ ရောင်ခြည်သစ် ပြောမည့်စကားကိုသာ အာရုံစိုက်နားထောင်ရန် အသင့်ပြင်ထားလိုက်သည်။
"ညနေ အချိန်ရမယ်ဆိုရင် ကိုသစ်တို့က ညစာကျွေးချင်လို့တဲ့ ။ "
"ကိုသစ်တို့ဆိုတော့ ဘယ်သူတွေပါသေးတာလဲ။ "
တို့ဆိုပြီး အများသုံးစကားကို သုံးနှုန်းလိုက်သည့် ရောင်ခြည်သစ်ကို သွင်ခေတ္တရာမေးလိုက်သည်။
YOU ARE READING
The Kite(ongoing)
Romanceမင်းကတော့ အမြင့်ရောက်လေလေ ပိုင်ရှင်နဲ့ ဝေးသွားလေလို့တွေးလိမ့်မယ် ။ဘယ်နေရာ ရောက်ရောက် ဆွဲခေါ်ပြီး ထိန်းချုပ်လို့ရတဲ့ အာဏာငါ့မှာရှိတယ်။ မင်းက အမြဲတမ်း ငါ့ထိန်းချုပ်မှုအောက်မှာပဲ ရှိနေရမယ်။ Start 2.11.2022 End? မင္းကေတာ့ အျမင့္ေရာက္ေလေလ ပိုင္ရွင္နဲ...
