Uni
သွင်ခေတ္တရာအိမ်တွင် သယ်ပိုးပြောင်းရွှေ့စရာဆိုလို့ သူ့အဝတ်အစားတွေကလွဲ၍ ဘာမှမရှိ။ အိမ်ပေါ်စတက်လာကတည်းက အဝတ်တစ်ထည် ကိုယ်တစ်ခုနဲ့တက်လာတာကြောင့် ပြန်ဆင်းတော့လဲ ပေါ့ပေါ့ပါးပါးဖြစ်ရသည်။ သက္ကမြတ်ဇာမ် တစ်ရက်လေး အိမ်ပေါ်ကနေ ဆင်းတာတောင် ဒီလောက် ဖြစ်ပျက်နေလျှင် ရှေ့လျှောက် သွင်ခေတ္တရာက ဘယ်လိုနေမည်ဆိုတာ မတွေးရဲစရာပင်။
သက္ကမြတ်ဇာမ် အင်္ကျီတွေကို တစ်ထည်ချင်းသေချာထုတ်ပို့လိုက်ပြီး နာရီတွေကိုလည်း သေချာထည့်လိုက်သည်။ ပေါ့ပေါ့ပါးပါးသာပြောတာ အဝတ်အ စားတွေနဲ့တင် luggage က သုံးလုံးဖြစ်နေပြီ။ ဖိနပ်တွေလည်း ကျန်သေးသလို တစ်ကိုယ်ရေတကာရ အသုံးအဆောင်တွေကိုလည်း ယူရဦးမည်။
"မင်းစာအုပ်တွေက ယူသွားမှာလား။ "
ရုတ်တရက် သွင်ခေတ္တရာက အနားရောက်လာကာမေးသည်။ မျက်လုံးတွေက နီဆွေးဆွေးဖြစ်နေသည်။အရမ်းနီရဲနေတာမျိုး မဟုတ်ပေမယ့် အကြည့်တွေကရီဝေဝေနဲ့ ဘယ်လောက်သောက်ထားသည် ဆိုတာကိုမျက်ဝန်းတွေက ဖော်ပြနေသည်။
"စာအုပ်တွေက အရမ်းများတော့ ယူသွားဖို့ကအဆင်မပြေဘူး ။ ဒါပေမယ့် အနှစ်နှစ်အလလ စုဆောင်းခဲ့တာတွေ ထားခဲ့လို့လဲအဆင်မပြေ ။ "
"နောက်မှ လာယူ။ "
"နောက်နောင်ဆိုတာ ဒီအိမ်ကိုလာဖို့ မသေချာဘူး။အခုတစ်ခါထဲ ယူသွားလိုက်မယ် ။ "
"အင်း "
သွင်ခေတ္တရာက ပေါ့ပြတ်ပြတ်တုန့်ပြန်လာပြီး အခန်းထဲက ထွက်သွားသည်။ သက္ကမြတ်ဇာမ် သိပ်အလိုမကျပေ ။ ဘယ်လောက်ပဲ ကွာရှင်းသည်ဆိုပေဦးတော့ဒီလောက်ထိ လျစ်လျူရှုစရာ လိုသလား။
သက္ကမြတ်ဇာမ် စာဖတ်ခန်းဘက်ကို ခြေဦးလှည့်လိုက်ပြီး စာဖတ်ခန်းကို သေချာကြည့်မိသည်။ ဒီအခန်းကသူရောက်လာမှ စာဖတ်ဝာသနာပါသည့် သူ့အတွက် သီးသန့် သွင်ခေတ္တရာကိုယ်တိုင် ဒီဇိုင်းဆွဲပေးထားသည့် အခန်းဖြစ်သည်။ တစ်ခန်းလုံး စာအုပ်တွေနဲ့ ပြည့်နေပြီး စာပေချစ်သူတို့အတွက် နိဗ္ဗာန်ဘုံလေးလိုပင်။
YOU ARE READING
The Kite(ongoing)
Romanceမင်းကတော့ အမြင့်ရောက်လေလေ ပိုင်ရှင်နဲ့ ဝေးသွားလေလို့တွေးလိမ့်မယ် ။ဘယ်နေရာ ရောက်ရောက် ဆွဲခေါ်ပြီး ထိန်းချုပ်လို့ရတဲ့ အာဏာငါ့မှာရှိတယ်။ မင်းက အမြဲတမ်း ငါ့ထိန်းချုပ်မှုအောက်မှာပဲ ရှိနေရမယ်။ Start 2.11.2022 End? မင္းကေတာ့ အျမင့္ေရာက္ေလေလ ပိုင္ရွင္နဲ...
