Uni
မန္တလေးရောက်တော့ ကားတစ်စီးထဲအတူစီးကာ သွင်ခေတ္တရာ ပိုင်သည့်ဟိုတယ်ကို သွားကြသည်။ နေခင်းဘက် မန္တလေးနေအချိန်ဟာ မြင့်လွန်းလှတာကြောင့်သူတို့၆ယောက်လုံး နဖူးတွေမှာ ချွေးတွေစို့နေသည်။
သွင်ခေတ္တရာက မန္တလေးကျုံးကို ငေးကြည့်နေမိသည်။ သက္ကမြတ်ဇာမ်ကိုလည်း မသိမသာကြည့်မိသည့် အခိုက်အတန်းလေးတွေလည်း ရှိပါသည်။
"ဒါနဲ့ ရိုက်ကူးရေးက ဘယ်တော့စမှာလဲ ။ "
သစ်လွင်ထူးအသံကို ကြားလိုက်ရတော့ ကျုံးကိုကြည့်နေရင်းက သစ်လွင်ထူးဘက်ကို အကြည့်ပြန်လွှဲလိုက်သည်။ သစ်လွင်ထူးဘေးတွင် ထိုင်နေသည့် သက္ကမြတ်ဇာမ်နဲ့ အကြည့်ချင်းဆုံသွားရသည်။ သက္ကမြတ်ဇာမ်က သွင့်ကိုမကြည့်ပဲ မျက်နှာလွှဲသွားသည်။
"ဗုဒ္ဓဟူးနေ့မှလေ သစ်ကလဲ ။ "
သင်္ခသစ်က အားလုံး၏ ကိုယ်စားဖြေလိုက်သည်။
သစ်နှစ်သစ် အခြေအနေကိုကြည့်ပြီး ပါလာတဲ့လူအားလုံး ရိပ်မိကြပါသည်။ ရိုးတော့ ရိုးမည်မဟုတ်။
"ကြားထဲမှာ တစ်ရက်တောင်ခြားနေတာ အချိန်တွေပေါနေကြတာလား ။ "
သက္ကမြတ်ဇာမ်၏ စကားကြောင့် အားလုံးက သက္ကမြတ်ကို အကြည့်စူးစူးတို့ဖြင့် ကြည့်လာကြသည်။
သွင်ခေတ္တရာက မျက်မှောင်ကြုတ်လျက် လေသံမာမာဖြင့်။
"မလုပ်ချင် စာချုပ်ဖျက်လိုက်လေ။ "
"ခင်ဗျား !"
သက္ကမြတ်ဇာမ်၏ အသံကအတော်ကျယ်သွားတာကြောင့် အားလုံးက အံ့သြနေကြသည်။ ဆက်ပိုင်ဦးကတော့ ရိုးနေပြီဖြစ်တာကြောင့် ဘယ်လိုမှမခံစားရပေ။ သစ်လွင်ထူးနဲ့ သင်္ခသစ်ကတော့ နားမလည်နိုင်ဖြစ်နေရသည် ။ ဘာကြောင့် သွင်ခေတ္တရာနဲ့ သက္ကမြတ်ဇာမ်က တွေ့လိုက်တိုင်း လက်ဝေ့ကြိုးဝိုင်းပေါ်ရောက်နေသည့် ထိုးသတ်တော့မည့် ပြိုင်ဘက်တွေလိုဖြစ်နေရတာလဲ။
"မနက်ဖြန် ရိုက်ကူးရေးနေရာတွေ ပြင်ဆင်ရမယ်ဒါကို ဒါရိုက်တာဖြစ်တဲ့ သင်္ခသစ်က ပိုနားလည်မှာပေါ့။မင်းရော မသိဘူးလား ။မနေ့တစ်နေ့ကမှ ဒီေလာကကို ရောက်လာတဲ့ အသစ်လေးလို လုပ်မနေနဲ့ ။ "
YOU ARE READING
The Kite(ongoing)
Romanceမင်းကတော့ အမြင့်ရောက်လေလေ ပိုင်ရှင်နဲ့ ဝေးသွားလေလို့တွေးလိမ့်မယ် ။ဘယ်နေရာ ရောက်ရောက် ဆွဲခေါ်ပြီး ထိန်းချုပ်လို့ရတဲ့ အာဏာငါ့မှာရှိတယ်။ မင်းက အမြဲတမ်း ငါ့ထိန်းချုပ်မှုအောက်မှာပဲ ရှိနေရမယ်။ Start 2.11.2022 End? မင္းကေတာ့ အျမင့္ေရာက္ေလေလ ပိုင္ရွင္နဲ...
