وقع بحبها!!

بارت قصير

البارت العاشر
.........🦋
كانت رجاء تملس علي شعر دانة النائمة علي قدميها لتقول دانة: بس ايه رايك في زوقي يرورو؟؟.
رجاء: الحق يتقال الولد قمر ذوق واخلاق وجمال ربنا يحميه.
دانة: بقا بذمتك رهوفة ولا الواد المقيح كريم؟؟.
ضربتها رجاء بخفة وقالت: اتلمي ده ابن عمك.
دانة: بس تنكري انه مقيح؟؟.
رجاء: بصراحة لو اتقارن برهيف لا ده مقيح ونص.
ضحكو الاثنين لتقول دانة: والله
انا بحبك اوي يبت يرجاء.
رجاء: مش اكتر مني يبنت الغالي بس بُصي يبت مفيش مقبالات ولا كلام مع رهيف قبل يوم الفرح مفهوم.
دانة بطاعة: علم وينفذ يفندم....
ـــــــــــــــــــــــــــــــــــــــــــــــــــــــــــــــ
رهيف: الو ايوا يا مسلم.
مسلم: ايوا يا رهيف ها طمني عليك عامل ايه؟؟.
رهيف: انا هتجوز.
مسلم: ايه ده ودول بيطلعو امتي دول؟؟.
رهيف: ولا بيطلعو ولا حاجة انا قبلت بنت عجبتني رحت اتقدمتلها وفرحي يوم السبت ونا كنت عاوزك تروح تجيب ماما ورهف وتوصلهم لهنا.
مسلم: لا استني مانت مش هتقولي مؤجز النشرة كدة وتقفل انا عاوز افهم.
رهيف: عاوز تفهم ايه؟؟.
مسلم: انا عاوز افهم الحوار كله.
زفر رهيف وبدا يحكي له تلك القصة التي قد رواها لجدة دانة من قبل....
ـــــــــــــــــــــــــــــــــــــــــــــــــــــــــــــــ
كريم وهو يدور في الغرفة: انا هتجنن هتجننن بقا بعد كل اللي عملته ده دانة تروح مني انا هتق همووت!!.
كريمة: مهو من خيبتك فضلت اقولك البت مش عاوزك مش بطيقك وانت فضلت لازق فيها وواقف حالك لغاية ملقت غيرك.
عبير وهي تلعب في خصلاتها: بس جوز دانة ده جميل اوي هي وقعته ازاي المعفنة دي؟؟.
كريمة: هم الناس في الناس وهم الاقرع جوا الراس.
نظرت لها عبير وقالت: يماما ده مز انتِ شفتي شعره ولا عنيه يالهوي.
قال كريم بصراخ افزعهم: بره يعبير برهههههه!!.
لتقوم عبير وتقول: مانتو اللي يقول الحق قدمكو يبقا غلطان انا ماشية.
خرجت عبير وسارت لتستمع لصوت رهيف وهو يتكلم مع والدته ويخبرها انه يحب دانة بشدة ولهذا السبب قد تم الزواج بسرعه لتبتسم وتقول: علي ايه دي معفنة بس ماشي انا هوريها انا مش هخليها تتهني بيك بقا دانة تتجوز ده ونا اتجوز شوقي المعفن ماشي انا هوريهم وهعرفهم مين هي عبير الالفي....