Unicode
"ငါတို့မရည်ရွယ်ခဲ့ပါဘူး...အဲ့နေ့တုန်းက.."
ကုန်းကျမ်းမော့၏စကားနောက်တွင်တော့....
"ကိုကို..ကိုကိုကျမ်းမော့...ကိုကိုကျမ်းရုံ..ဟီးဟီး"
၁၂နှစ်ရှင်းချင်းဟန် ပေါက်စလေးက ကျောင်းဝန်းထဲ ဒူးတုတ်ထိုင်နေပြီး မြေကြီးပေါ်မှာ လူလေးယောက်ပုံကိုရေးဆွဲလို့နေတယ်။
"ကလေး!!"
"ကလေးငယ်"
အဝေးကခေါ်သံနှစ်ခုကြောင်း ချင်းဟန်ကလှည့်ကြည့်လိုက်တော့ ရင်းနှင်းတဲ့သူနှစ်ယောက်ကိုမြင်လိုက်ရတာကြောင့် အော်ခေါ်လိုက်တယ်။
"ကိုကိုကျမ်းမော့နဲ့ကိုကိုကျမ်းရုံ"
"အိမ်မပြန်သေးဘူးလား ဘာလုပ်နေတာတုန်း"
ကျမ်းမော့တို့ဟာ ချင်းဟန်ဘေးရောက်လာပြီး ချင်းဟန်နဲ့တူအောင်ထိုင်လိုက်ကြတယ်။
"ကိုကိုက ဒီနေ့အတန်းပိုရှိလို့တဲ့ ခဏစောင့်ဆိုလို့စောင့်နေတာ"
"ဟာ ဒီကောင်ငါတို့ကိုပြောလည်းရတာကို၊ချင်းဟန်လေးကိုတစ်ယောက်ထဲထားစရာလား"
"အန္တရာယ်များတယ်"
ကျမ်းမော့ကပြောတော့နောက်မှ ကျမ်းရုံဟာလည်း ထောက်ခံသည့်စကားမျိုးပြောသည်။
"လာ ကိုကိုတို့နဲ့လိုက်ခဲ့ မုန့်သွားစားရအောင်"
"ကိုကိုကကော"
"ပြီးရင်လှမ်းခေါ်လိုက်မယ်"
ကျမ်းရုံက ချင်းဟန်ကိုပြောတော့ ချင်းဟန်ရဲ့သဘောတူညီချက်ရကာ သူတို့ချင်းဟန်ရဲ့လက်နှစ်ဖက်ကိုတစ်ယောက်တစ်ဖက်ကိုင်ပြီး ကျောင်းထဲကထွက်ကာ သူတို့၏လျှို့ဝုက်နေရာလေးစီ မုန့်တွေဝယ်ကာသွားကြတော့တယ်။သူတို့ရဲ့လျို့ဝှက်နေရာလေးက အသုံးမပြုတာကြပြီဖြစ်တဲ့ မုန့်ဆိုင်လေးတစ်ဆိုင်ဖြစ်သည်။
"ဟာ ကိုကို မေ့ခဲ့ပြီ"
ကုန်းကျမ်းမော့က မုန့်ထုတ်တွေကိုချပြီး အလန့်တစ်ကြားဆိုလာသည်။
"ဘာမေ့ခဲ့တာလဲဟင်"
"ကလေးကြိုက်ဆုံး ချိုရည်လေ၊ကိုယ်ပြန်သွားဝယ်လိုက်မယ်"
![](https://img.wattpad.com/cover/306465506-288-k490039.jpg)
YOU ARE READING
ရန်ဟွာနယ်မြေမှ စီစဉ်သူ
Fantasyပတ္တမြားရောင်မျက်ဝန်းတောက်တောက်တွေနဲ့ သမုဒ္ဒရာလိုနက်ရှိုင်းသောမျက်ဝန်းပြာတို့ စုံမိခိုက်တွင် ကောင်းကင်မှ ကြယ်အမြောက်အများကြွေကျကုန်ရသည်။ သမုဒ္ဒရာချောက်နက်တစ်ခုလို မျက်ဝန်းပြာတွေ... အေးစက်ပြီးအန္တရာယ်ရှိပုံပေမဲ့ တစ်ဖက်မှာလည်း ကြည်လင်ရှင်းသန့်နေသော မျ...