ဦးအချစ်တွေနဲ့.....။ ၪီးအခ်စ္ေတြနဲ႔.....။ (Complete)

Part 11

(Unicode)

ပန်းသည်ထမင်းစားလျှင်ထမင်းထက်ဟင်းကိုပိုခုံမင်၏။အခုလဲဦးလုပ်ကျွေးသောအထောင်းကိုထမင်းတစ်စေ့လေးမှမဝင်ရပဲ​ဟင်းချည်းပြောင်သလင်းခါအောင်စားလိုက်သည်။ထိုသည်ကိိုဦးမှလက်မှေးထောက်ကာပြုံးပြုံးလေးကြည့်နေသည်ကိုမြင်၍ယောင်ယမ်းကာအပေါ်နှုတ်ခမ်းကိုလျှာနဲ့သပ်လိုက်မိ၏။

"အဟွန်း ကိုယ့်ကလေးကထမင်းထက်ဟင်းကိုပိုကြိုက်တာပဲ။ဟင်းများများစားတာကောင်းပေမဲ့ထမင်းနှင့်တွဲစားမှပိုအရသာရှိမှာပေါ့!"

"ဦးကလဲ!!ဒါကထမင်းနဲ့မှမလိုက်တာကြီးကို။မုန့်ကြွပ်နဲ့မှပိုလိုက်တာ!"

"ဒါဆိုမုန့်ကြွပ်စားမလား!"

"တော်ပြီ။ဗိုက်တင်းနေပြီ!"

ဦးလုပ်ပေးထားသောဝက်နားရွက်ထောင်းကိုပန်းတစ်ယောက်တည်းအကုန်စားလိုက်မိသည်။ဦးကမနက်ခင်းကော်ဖီတစ်ခွက်ပဲသောက်သောကြောင့်နှပ်ကော်ဖီနှင့်ပေါင်မုန့်မီးကင်သာစား၏။

"ဒါဆိုခဏနားလိုက်အုံး။ကိုယ်ဒီခွက်တွေဆေးလိုက်အုံးမယ်!"

"ပန်းလဲကူမယ်လေ!"

"ရပါတယ်ဗျာ့။ခင်ဗျားလေးလက်သည်းကမနေ့ကမှပုံဖော်ထားတယ်မလား။ရေထိရင်ကွာသွားလိမ့်မယ်။ဆိုဖာမှာငြိမ်ငြိမ်လေးသာထိုင်နေလိုက်!"

ဦးစကားကြောင့်အောက်နှုတ်ခမ်းကိုကိုက်ကာခန္ဓာကိုယ်အပေါ်ပိုင်းကလှုပ်ရှားသွားရ၏။

"ဟီးးဦးကအလိုက်သိသားပဲ!"

"ဒါဆိုပန်း ဥယျာဥ်ထဲသွားလိုက်အုံးမယ်နော်!"

"အွန်းးးကိုယ်ခဏနေလိုက်လာခဲ့မယ်"

ဥယျာဥ်ထဲရောက်တော့စံပယ်ပန်းနံ့သင်းသင်းလေးကမွှေးပျံ့၍ခေါင်းကြည်သွား၏။ပွင့်ဖူးနေသောပန်းပင်များကိုဓာတ်ပုံရိုက်ပြီးနောက်ပရဟိတအဖွဲ့များပျိုးထားခဲ့သောပျိုးပင်သေးသေးလေးကိုရေတွက်ကာအိပ်ငိုက်ရပြန်သည်။

ကမ္ဘာပေါ်မှာအလေးဆုံးကမျက်ခွံဆိုတာအမှန်ပဲနေမှာ...

.....

.....

.....

.....

.....