🌸 ပန်းတစ်ပွင့်ရဲ့ရာဇဝင် 🌸
====================
Part-9
=====
"တိုက်.."
ထိုအသံက ကြိုးဆီက မဟုတ်ဘဲ ရဲရင့်ဆီက ထွက်လာခြင်းဖြစ်သည်။
တိုက်..ကြိုးကို ဆွဲယူပြီး ပြန် မတ်တပ်ရပ်စေသည်။ကြိုးကတော့ ဘာမှမပြောနိုင်ဘဲ တိုက်ကို ငေးကြည့်နေမိသည်။ တိုက်အကြည့်တို့..ကြိုးရဲ့ ရင်ဖက်မို့မို့နဲ့လက်မောင်းသားဝင်းဝင်းဆီ ရောက်သွားချိန်မှာတော့...၊
"အို.. ရှင် ဘာကြည့်တာလဲ.."
တိုက် အကြည့်လွဲပြီး..အပေါ်ကုတ်အင်္ကျီကိုချွတ်ဖို့ ဟန်ပြင်လိုက်သည်။
သို့သော်.. ကြိုးကိုယ်ပေါ်ကို..အနက်ရောင်ကုတ်အင်္ကျီတစ်ထည်လွှမ်းမိုးလာပြီး..၊
"ညီမလေး ရရဲ့လား.."
စတားက ကြိုးပုခုံးလေးကနေဆုပ်ကိုင်ပြီး..ခေါ်ဆောင်သွားသည်။ ကြိုး တိုက်ကို ပြန်လှည့်ကြည့်သည်။ တိုက်ကလည်း..စတားနဲ့ကြိုးကို မျက်မှောင်ကုတ်ပြီး စိုက်ကြည့်နေခဲ့သည်။
"တိုက်"
ခေါ်သံနဲ့အတူ ရှေ့ကို ရဲရင့် ရောက်လာသည်။
"ရဲရင့်ရာဇာ.."
"အဟင်း ရဲရင့်က ရှင် မလာဘူးထင်ပြီး..တစ်ယောက်တည်းထွက်လာခဲ့တာ.."
တိုက် အကြည့်တို့က..စိမ်းသက်နေသည်။ရဲရင့်က ထိုအကြည့်ကြောင့် လှုပ်လှုပ်ရှားရှားဖြစ်သွားကာ..၊
"ခုနက ကိစ္စကလေ ရဲရင့်ရှင်းပြပါရစေ.."
"မလိုပါဘူး အဲလောက်အရေးမပါဘူး.."
"ရှင် "
တိုက် စားပွဲတွေဖက်လျောက်သွားတော့ ရဲရင့်က တိုက်နောက်ကို တကောက်ကောက်လိုက်လာသည်။
တိုက်နဲ့ ရဲရင့်ကို လူကြီးတွေသဘောတူထားကြသည်။ရဲရင့်ကတော့ တိုက်ကို မြင်တာနဲ့ သဘောကျသွားရကာ တိုက်ဖက်က ခေါင်းခါနေခဲ့တာတောင် အပြုံးမပျက် အနားကပ်နေဆဲ။
"ဝိုင်သောက်မလား တိုက်.."
တိုက် ကမ်းပေးတဲ့ ဝိုင်ခွက်ကိုကြည့်ပြီး ခေါင်းခါလိုက်သည်။
"ဝိုင်အနီ မသောက်ဘူး.."
"ဟင် ဘာလို့လဲ.."
"မိန်းမဆန်လို့ .."
