ဆောင်းဝင်စသာရှိသေးလို့ ညဘက်အအေးရှိန်ကသိပ်တော့မရှိသေးပေမဲ့ လေတစ်ဝေ့ တစ်ဝေ့တိုက်ခတ်လာလျင်တော့ အေးစိမ့်စိမ့်လေးခံစားရသည်။
နေလို့ကောင်းတဲ့ဥတုရာသီလို့ဆိုရမယ်။
..................
ရှောင်ကျန့်က မေးလ်အချို့ကိုစစ်နေရင်းလူရိပ်ကြောင့်မော့်ကြည့်လိုက်တော့ ဟွားလီလီ...
အပိုစကားမဆိုချင်တဲ့သူက အမေးသဘောဆောင်တဲ့မျက်ဝန်းနဲ့ကြည့်တော့သူမစကားစလာတယ်။
" လီလီ ပြောစရာလေးရှိလို့ ရှောင်း..."
" အင်း..."
ခွင့်ပြုလိုက်ရင်း လက်စသတ်မေးလ်ကိုတစ်ချက်စစ်ကာ Laptop ကိုပိတ်ချလိုက်တယ်။
တစ်ဖက်က ပြောစရာရှိတယ်ဟုစကားဦးစထားပြီးသူကလဲနားထောင်ဖို့သဘောတူထားသည်မို့ အလုပ်ဆက်လုပ်လျှင်လူမူ့ရေးမကောင်းရာကျလိမ့်မည်မဟုတ်လား...
" ဒီနေ့ ဝမ်ဝမ်အတွက် ဝယ်လာပေးတာတွေ အရမ်းများလွန်းတယ် ရှောင်းရယ်။ သူ့အခန်းကဗီဒိုနဲ့တောင်မဆန့်ဘူး။ အဲ့လောက်အများကြီး သူဝတ်မကုန် စီးမကုန်ဘူးလေ။ အရမ်းအလိုမလိုက်ပါနဲ့လား..."
အလိုလိုက်တယ်...? သူကလေ ရှောင်ကျန့်ကလေ အဲ့ကလေးကိုအလိုလိုက်တာတဲ့လား...
မဟုတ်ပါဘူး။ သူကဒီတိုင်းအချိန်ပေးရမှာစိုးလို့ အချိန်ကုန်ခံရွေးမနေအောင်ဝယ်ပေးလိုက်ရုံပဲ...
" အလိုလိုက်တာမဟုတ်ဘူး အချိန်ကုန်သက်သာအောင် တွေ့တာဝယ်ပေးလိုက်ရုံပဲ...။"
ပြန်ဖြေတဲ့ရှောင်ကျန့်အသံက ထပ်မမေးဖို့ ပိတ်ဆို့လိုက်သလို မာဆတ်ဆတ်နိုင်လှတယ်။
ဟွားလီလီက ဝမ်ဝမ်အခန်းထဲက စျေးအမြင့်ဆုံး Brand တွေမြင်မိပြီး အချိန်ကုန်သက်သာအောင် တွေ့တာဝယ်ပေးတယ်ဆိုတဲ့ သူမခင်ပွန်းစကားကြောင့် စိတ်ကအတော်အဆင်မပြေတော့ပါ။
ခေါင်းလိမ်းဆီကစလို့ ခြေအိတ်အဆုံး အကောင်းဆုံးတံဆိပ်တွေသာဝယ်ခဲ့ပြီး တွေ့တာဝယ်ပေးသတဲ့လား...
တစ်ကိုယ်ရည်ပစ္စည်းတင်မက ဖုန်းပါ နောက်ဆုံးပေါ်ဝယ်ချလာပေးတဲ့ရှောင်းကအလိုလိုက်တာမဟုတ်ရင်ဘာပါလဲ...
YOU ARE READING
ဦးရဲ့ နှလုံးသားငယ်(Complete)
Fiksi Penggemarဦးနဲ့စခဲ့တဲ့အချစ်တွေဟာ သံသရာအဆက်ဆက် မြဲနေဦးမှာပါ.... Baby က ဦးအတွက် လွတ်လမ်းမရှိတဲ့ ထောင်ချောက်ငယ်....
