Love Mirror ✅

chapter 35

🌄🌄🌄

කාලා බීලා සින්දු කියලා නටලා හිත සතුටින් නින්දට ගිය හැමෝම උදෑසනම අවදි වුනේ වෙනදටත් වඩා ප්‍රබෝදයකින්.

අවදි වන්න අවදි වන්න දීප්තිමත් දිනකි උදාවෙලා තියෙන්නේ.......

වෙනදා වගේම බිනාගේ අති සුන්දර එලාම් එකේ හඩට දෙන්නම නැගිට්ටුනත් එකම වෙනස අද ශාන්ගෙන් කනපැලෙන්න අහගන්න උදෑසන සොදුරු වදන් පෙල නැති එක.

ඔව් ඔව් ඉතින් ඊයේ රෑ සප්‍රයිස් පාටි එක නිසාම තාමත් ඒ මූණේ හිනාවවේ වත් සතුටේවත් කෙළවරක් තාම නෑ.

ඒත් කතාවක් තියනවනේ වැඩිපුර හිනාවෙන දවසට මොනාට හරි අඩන්න වෙයි කියලා .... අපි බලමු නේ ඒ කතාව ඇත්තද නැත්තන් මිනිස්සු කට කහනවට කියන දෙයක්ද කියලා.

" මොකෝ අද උදෑසනේ උබේ කන්කලු වෙන නද නැත්තේ... "

" නෑ ඉතින් මට මේ ඔයාගැන පොඩ්ඩක් විතර ආදරේ හිතිලා ඉන්නෙ අද , ඒකයි . නැත්තන්  උබේ ඔය එලාම් එක මෙලහකටත් ගුවන් ගතවෙලා . "

" අප්පේ..... අර මොකෝ .... කෝකටත් කුවාන් ගගාට කියන්න ඕන අද මගෙ වෙලාව පොඩ්ඩක් බලන්න කියලා "

ශාන්ට මහ බූරු හිනාවක් දාන ගමන් බින් කිව්වෙ  උදෙන්ම ශාන්ව පොඩ්ඩක් අවුස්සාඅ දෙකක් අහගන්න. මොකද ශාන්ගෙන් කතාවක් අහන්නෙ නැතුව දවස පටන් ගන්නවා කියන්නේ බිනාටනම් හරියට ඒක ලුණු නැති පරිප්පු හොද්ද වගේ.

යෑස් යෑස්..... පොරට මතක් වෙන්නෙ ඉතින් කෑම විතරයි . පව් වෙලාවකට කුවාගේ පාර්ස් එක ගැන දුකයි .

" අනේ පල යන්න බින්කුණ්ඩා. උබටත් මගෙන් මොකුත් අහගත්තේ නැත්තන් කෑවේ නෑ වගේ නේ"

" හී.... පුරුද්දනේ බන්. ඒක නෙවේ අද කැප්ටන්ලට විශේශ මොකුත් තියනවා කිව්වද "

" එහෙම එකක් තාම නම් කිව්වෙ නෑ බිනා. ගිහින් බලමුකෝ . අද මන් කිරි එක හදන්නම් ගිහින් වොශ් දාගෙන එන්න "

" ම්ම්.... කෝ අද උබේ එක දෙන්න මන් දෙන්නගෙම ඒවා මදින්නම් "

කොහොමින් කොහොමහරි සමගියෙන් දෙන්නගෙ වැඩ බෙදගෙන වෙලාවට කලාවට ලෑස්ති වෙලා  දෙන්නම කැප්ටන්ගේ ඔෆිස් කාමරේට ගියේ හේතුවක් නැතුව අද දෙන්නටම කැප්ටන් බින් එක්ක ටිකක් තනි වෙලා උදේ කෑම වේල ගන්න ලොකු උවමනාවක් ඇතිවුන නිසා .