Love Mirror ✅

chapter 18

වෙලාව හවස පහයි දහයයි. දැන් තමා ඩොක්ටර් සීන් ශර්ලොක් ගේ ගුහාවෙන් එළියට ආවේ. තාමත් අපේ නළු ජෝඩුව කෑම්ප් එකට වාර්තා කරලා නෑ. තාම  මග .

එලියට ආවත් හරි ආය කිසිම කෙනෙක් දිහා දෙයක් දිහා බලන්නෙ නැතුව කෙලින් ඩොක්ටර් සීන් තමන්ගේ කාමරයට වැදුනේ මෙච්චරලා හිතේ හන්ගන් හිටිය හැගීම් සේරම නිදහසේ අතවිදින් ඕන නිසා. සතුටක් ද නැත්තන් වෙන මොනවගේ හැගීමක්ද කියලා හරිහැටි නොතේරුනත් කාමරයට ආපු සීන් අඩ අඩ හිනා වුනේ මෙච්චර ඉක්මනට කවදාවත් ඒ ඇහුන දේවල් අහන්න බලාපොරොත්තු නොවුන නිසා .

ෆෝන් එකත් අතට අරන් සිහින ලෝකේ පාවී පාවී සින්දුවක් මුමුන මුමුන  ඇදට වෙලා හිටපු සීන්  , එන්න කලින් හදිස්සියක් වුනොත්වත් කතා කරන්න කියලා කැප්ටන් දුන්න එයාගේ දුරකථන අංකය   my tiger  කියලා  ෆෝන් එකේ සේව් කරේ දහසකුත් හැගීම් හදවතට ගලා එද්දි.  නොදැනීම එහෙන්ම පුංචි පහේ නින්දක් ගිය සීන් ආපහු ඇහැරුනේ කාමරයට ආපු බිනාගේ සද්දෙන්.

හරිම සැනසිලිදායක ලොවක් දිනාගත්තා වගේ හිනාවක් .  කිසියම් දෙයක් වෙලා වගේ කියන්න පුලුවන් මූණක් . නින්දෙන් ඇහැරුනු සීන් , තම අතිජාතපජාත මිත්‍රයා දිහා ඇහිපිය ගහන්නෙ නැතුව බලාගෙන හිටියේ ඒ මූනේ මේ දැන් දකින්න තියන හැගීම් මොනවගේද කියලා කියවගන්න බැරුව.

" සීනෝ......... "

තවත් එක මූණක් අඩ අඩ හිනාවෙන.

ඉස්කෝලේ ගිහින් ඇවිත් දවසේ වුණ දේවල් අම්මට කියන පුංචි බබෙක් වගේ සීන්ගේ ඉස්සරහ ඉදගත්ත බින් ලෑස්ති වුණේ ලස්සන කතාවක් සීන්ට කියන්න. හැබැයි කොතනින්ද පටන් ගන්නේ කියලා හිතාගන්න බැරුව. 

" මොකෝ බිනා මේ........ මොකක් හරි ප්‍රශ්නයක් ද කොල්ලෝ .... මූණ මොකද අනික ඔය . මොකද වුනේ කියපන්කෝ . උබ ඔය අඩනවද හිනාවෙනවද. මාව බය කරන්නෙ නැතුව උන දේ කියපන්කෝ බිනෝ......... "

" සීනෝ ........ සීනෝ .................. කුවාන් ගගා......... කුවාන් ගගා..... එයා... ම....ට...... "

" ඇයි කුවාන් ගගා මොකද . බය කරන්න එපා බන් මාව ..... "

" කුවාන් ගගා මට ආදරෙයි කිව්වා...... සීනෝ........... හීනෙක  නෙවේ නේද බන් මන් ඉන්නේ....... අනේ......... "