A friend who is not a friend༆

21✨

>>>>>>>>>School home time

ကျောင်းဆင်းတော့ satang တစ်ယောက် Gemini နဲ့ Fourth အားမနည်းပင်ဖြေရှင်းကာပြန်လွှတ်လိုက်ရသည်။ လိုချင်သည့်အဖြေမရမချင်းတောင်းနေသည့် Fourth နှင့် ဝိုင်းမဆွဲဘဲ Fourth ဘက်က ပါနေသည့် Gemini တို့နှစ်ယောက်အား Group chat မှာပြောပြပါ့မယ်ဟုဆိုကာ ထိုင်ကန်တော့မတတ်ပင်ပြောလိုက်ရလေသည်...ဒါတောင် စွာတေးလန်မှာမသွားချင်သွားချင်နဲ့ Gemini နောက်ယက်ကန်ကန်ကာပါသွားသေးသည်။

*လူကစိတ်ညစ်နေတာ သူတို့ကြောင့်ဦးနှောက်ပါခြောက်သွားသလိုဘဲ*

•
စိတ်ညစ်ညစ်ဖြင့် ကျောင်းအပြန်တွင် အဖေဖြစ်သူထောင်ထားသော barအား သွားလိုက်သည်။အသက်မပြည့်သေးဘူးဆိုသော်လဲ ဆိုင်ပိုင်ရှင်ရဲ့သားဖြစ်တာကတစ်ကြောင်း ငယ်ငယ်တည်းက ထိုဆိုင်အားအဖေဖြစ်သူမှဦးစီးဦးဆောင်လုပ်ခိုင်းခဲ့တာကတစ်ကြောင်းဖြင့် အတားအစီးမရှိစွာချောချောမွေ့မွေ့ဖြင့်ဝင်ရောက်နိုင်ခဲ့သည်။ဝန်ထမ်းတစ်‌ယောက်ခေါ်သွားသော VIP အခန်းထဲဝင်ကာ စမတ်ကျကျထိုင်လိုက်သည်။ ဘယ်လောက်ပင် စိတ်ညစ် စိတ်ဓာတ်ကျနေပါစေ သခင်လေး satang kittiphop ဆိုသော ဂုဏ်ပုဒ်ကိုတော့သူအပျက်အစီးမခံနိုင်ပါ.....

"သခင်လေး မှာထားတာရပါပြီ"

ဝန်ထမ်းတစ်ယောက်ဝင်လာကာနာမည်ကြီးတံဆိပ်ပါသော ဘီယာပုလင်းတစ်ချို့တင်ထားသည့်ဗန်းအား ခုံပေါ်သို့လာချပေးသည်။
ထိုဝန်ထမ်းအား လက်ဖြင့်အချက်ပြကာထွက်သွားရန် ပြောလေတော့ ဦးညွှတ်လျက် အခန်းအပြင်ထွက်သွားလေတော့သည်။

သူဘီယာပုလင်းတစ်လုံးကိုကိုင်ကာပြောလိုက်သည်။

"ငါပထမဆုံးအရက်စသောက်တာက မင်းကြောင့်ဘဲ Winynny!"

•

Winynny တစ်ယောက် ရေချိုးပြီးနောက် အဝတ်အစားများဝတ်ကာ လျှော်ထားသော ခေါင်းအား တဘက်ဖြင့်ခြောက်အောင်သုတ်နေလိုက်သည်။ဒီနေ့အိမ်တွင်သူတစ်ယောက်ထဲအိပ်ရမှာဖြစ်သည်..စိတ်ဆိုး၍satangတိုက်ခန်းမှထွက်လာသော်လဲ တစ်သက်နဲ့တစ်ကိုယ် တစ်ခါမျှပင် တစ်ယာက်ထဲမအိပ်ခဲ့ဖူးပါ... အတန်အသင့်ချမ်းသာသည့်အသိုင်းအဝိုင်းကဆိုသော်လဲ သူ့၏မိဘများမှာ သူ့အားပိုးမွေးသလိုပင်မွေးထားတာကြောင့် ရှေ့လပင်18နှစ်ပြည့်တော့မယ်ဆိုသော်ငြားလဲ ခုထိကိုကလေးစိတ်မပျောက်သေး..သူဘယ်လောက်ဆိုးသွမ်းမိုက်ရိုင်းအနိုင်ကျင့်နေပါစေ သူချွင်းချက်ကတော့သရဲကိုအလွန်ကြောက်သည်...သရဲလို့မြင်ဖို့မဆိုထားနှင့် အသံကြားရုံနဲ့ မူးလဲမတတ်ပင်..