ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu၊ 牧童听竹
ဘာသာပြန်သူ - ထာဝရ
အပိုင်း ( 986 ) စိတ်ဝိညာဉ်ကို ခွဲခြမ်းခြင်း။
"ဟုတ်ပါတယ်၊ ဒါက မိုးမြေ ကျောက်စိမ်းအနှစ်သာရပဲ။ ကမ္မတိုက်ပွဲမှာ မိုးမြေ ကျောက်စိမ်းအနှစ်သာရ နှစ်ခုကို ကျွန်တော်ရခဲ့တယ်"
လုမင် ပြောလိုက်သည်။
"နှစ်ခုလား"
လူအုပ်ကြီး၏ နှလုံးသားများ ခုန်ပေါက်သွားကြသည်။ မိုးမြေကျောက်စိမ်းအနှစ်သာရနှစ်ခုကို ရှာတွေ့နိုင်သည့် လုမင်၏ ကံကောင်းခြင်းကို သူတို့ မနာမလိုဘဲ မနေနိုင်ကြတော့ပေ။
သို့သော်လည်း သူတို့ဟာ စိတ်ရှုပ်ထွေးနေကြဆဲ ဖြစ်သည်။ ယင်းက လုမင်၏ ဗဟိုဒေသသို့ ခရီးစဉ်နှင့် ဘာများ သက်ဆိုင်ပါသနည်း။
"အကြီးအကဲတို့၊ ကမ္မတိုက်ပွဲမှာ အမွှာအသက်တားမြစ်ကျင့်စဉ်ဆိုတဲ့ လျှို့ဝှက်ကျင့်စဉ်တစ်ခုကို ကျွန်တော် ရှာတွေ့ခဲ့ပါတယ်"
လုမင်က အမွှာအသက် တားမြစ်ကျင့်စဉ်အကြောင်းကို ရှင်းပြလိုက်သည်။
"ဘုရားရေ၊ ဒီလို လျှို့ဝှက်ကျင့်စဉ်မျိုး ရှိသေးတာလား"
အားလုံး မျက်လုံးပြူးကာ ပါးစပ်အဟောင်းသားဖြင့် စိုက်ကြည့်လိုက်ကြသည်။
ထိုသို့သော လျှို့ဝှက်ကျင့်စဉ်မျိုးက ကောင်းကင်နှင့်ပင် ဆန့်ကျင်နိုင်ပေသည်။
စိတ်ဝိညာဉ်ကို နှစ်ပိုင်းခွဲ၍ တူညီသော ရောင်ဝါရှိသော ကိုယ်ပွားနှင့် ညီမျှသော ဒုတိယခန္ဓာကိုယ်ကို သန့်စင်အောင် ပြုပြင်နိုင်စေရန်၊ ဒါဟာ သေချာပေါက် ဥပဒေ ကို အံတုတဲ့ လျှို့ဝှက်နည်းပညာတစ်ခုပါပဲ။
မိမိစိတ်ဝိညာဉ်ကို နှစ်ပိုင်းခွဲ၍ အခြား တူညီသော အရှိန်အဝါ၊ ကျင့်ကြံနည်း၊ စသည်ဖြင့် တူညီသည့်ခန္ဓာကိုယ်ကို လေ့ကျင့်နိုင်ခြင်းမှာ ကောင်းကင်ကိုပင် အံတုနိုင်သော လျှို့ဝှက်ကျင့်စဥ်တစ်ခု ဖြစ်သည်။
"ကျွန်တော် ဒုတိယခန္ဓာကို လေ့ကျင့်ပြီးရင် ဖူရုပ်ဂိုဏ်းမှာ ထားခဲ့မယ်လေ။ မူလခန္ဓာကတော့ ဗဟိုဒေသကို သွားရမှာပါ။ ဒီလိုနည်းနဲ့ ကျွန်တော်က ဖူရုပ်သေးဂိုဏ်းထဲမှာ ရှိနေတုန်းပဲလို့ ထင်မြင်ကြပြီး ဧကရာဇ်ရီဝူဟွမ်ရဲ့ အာရုံကိုလည်း ဒီနေရာမှာပဲ ဆွဲဆောင်ထားနိုင်လိမ့်မယ်"
လုမင်က သူ့အစီအစဉ်ကို ရှင်းပြလိုက်သည်။
VOUS LISEZ
ထာ၀ရနဂါး တန်ခိုးရှင် ( လုမင် ) Book 2 ( ch 986 - )ခွင့်ပြုချက်ရပြီး
Aventureမူရင်းစာစဉ်အမည် - Everlasting Dragon Emperor (ထာဝရနဂါး တန်ခိုးရှင် ) အဓိကဇာတ်ကောင် - လုမင် အမျိုးအစား - ကျင့်ကြံခြင်း၊လှုပ်ရှားမှု၊စိတ်ကူးယဉ်၊ ရွှမ်ဟွမ် မူရင်း စာရေးဆရာ - Mu Tong Ting Zhu ဘာသာပြန်သူ - ထာဝရ လူငယ်လေးလုမင်ဟာ သွေးကြောလုယူခြင်းခံရပြီး အသ...
