ولو انك تلاحظ شفت عيني وهي تروي حديث الحب عني .

Part 2

في قاعة افراح كبيره راقيه يحضرون الحفل عائلة العالي تلبية لدعوة اهل الفرح
تهاني : هههههه يحليلها بشاير وش عرفها ب اهل الفرح ؟
الهام : اي انا عطيتها دعوه تجي. ، يحليلها ودها تحضر حفل ناس غنيه على قولتها
تهاني : اي استغربت هي وين واهل الفرح وين
الهام : عيب عليك يا تهاني ، الله اكبر كلنا عيال ادم و حواء مافي فرق بين ناس
قطع حوارهم شيخه : خالتي متى بنروح ؟ ،
مسحة على ظهرها الهام وابتسمة : ليه طفشتي يا امي ؟
شيخه : اي والله
الهام : حتى انا طفشت ، الا وين بنتك ترف ؟
شيخه : موجوده شوفيها عند وعد و بنتها
الهام اشرت لهم يجوون
الهام : وش ذا الحلا و زين يا ترف ؟ ، لا اله الا الله اخذتي الحلا يابنت عبدالعزيز
ترف ابتسمة : مانجي ربع زينك طال عمرك
وعد : اي الكلام زين لها وانا ؟
ضحكو عليها
الهام : انتي اميرتهم يا امي انتي
نزلة وجهه لتحت دليل حياها و تورد خدها
بشاير جت تركض : عمه ، عمه ، عمه
الهام : شوي شوي لاتطيحين ، لبيه ؟
بشاير : ياحلو بناتهم يا عمه يجننون
الهام : مايجون عند زينك
بشاير بعفويه : شكراً حققتي حلمي جيت حفل اغنياء
ضحكو ترف و وعد
ترف : اف اف حلم مره وحده ، كان قلتي لي ان ذا ودك تروحين وديتك من اول
بشاير : yes، بصير اروح معك
جتهم منى ام العريس : ياهلا والله ياهلا با لعالي ،'
الهام وقفت لها : ياهلا فيك
منى : عسى مستانسين
الهام : الحمدالله اي
منى : عسى ماقصرو عليكم بشي عاد انا موصيه عليكم مره عايلة العالي جايتنا من قدنا
الهام : ياحبيبتي ماقصرتي
منى لفت لل ترف فهت فيها من زينها
منى مسحت على ظهر ترف: ماشاءالله كبرتي يا ترف و صرتي عروس
ابتسمت ترف
منى لفت ل شيخه : الا شيخه ماودك تزوجينها
شيخه ب ابتسامه : توها على زواج و عبدالعزيز عنده صفات معينه ل زوج بنته
منى : اي من حقه
وراحت
تهاني ضحكت : واضحه تبي ترف لولدها
شيخه ب ضحكه : اي ادري ومسويه نفسي مجنونه
ترف : تحلم حرفياً تحلم اتزوج ولدها انا ترف عبدالعزيز اتزوج ولد منى ذا دلوع
شيخه طقتها على كتفها : كم مره قايله خففي نرجسيه
الهام : بذا الموضوع صادقه بنتي ترف اخرتها تتزوج ولد منى الله لا يقوله بعيد شر
وعد : يلا متى نرجع ؟
الهام يلا بدق على قاسم يجي
* بشاير بنت جيرانهم
* قاسم السواق
منى شافتهم يلبسون عباياتهم : وين تونا ؟
الهام : لا وين الساعه ١١ و تعرفين ضيدان مايحب نتأخر برا البيت
منى : مدام العم ضيدان مايحب اجل تروحون بسلامه كلش الا كلمة العم ضيدان ما تتثنى
سلمو عليها وطلعو ل قاسم برا
-
طلعو من عرس الرجال قبلهم ب ساعه لأن ضيدان مايحب يطول بالعروس
مصعب : يبا وش رايك نروح ناكل ؟ ما اكلنا بالعرس رحنا قبل العشاء
ضيدان : ابشر يا بوك بس استنى لمن يجون البنات و امك بعدين نطلب
عبدالعزيز: اي تلاقهم حتى هم ما تعشو
ضيدان دق على الهام يشوف وين وصلو
ضيدان : الو
الهام : لبيه ياحبيبي وش بغيت ؟
ضيدان انصدم من كلمة ياحبيبي وعرف انها مروقه و استحى ماحب يبين قدام عياله : اي هلا ، وين وصلتو ؟
الهام عرفت انه استحى وضحكت : مسافة طريق واحنا عندك ياحبيبي
ضيدان تنحنح : يلا بنتظاركم ، سلام
وقفل .
وعد : حركات والله حبيبي ياحظه ابوي بس
ضحكو البنات
وعد : يمه متى بيرجعون مشاعل و اسيل من سفر
الهام : بكره ان شاءالله راجعين
تهاني : اشوف سفرتهم بوقت غلط و مالها داعي
شيخه : بالعكس مره حلوه سفرتهم وخصوصاً انهم رايحين بس هي وبنتها و خصوصاً انهم مسافرين سيشل 😍 تجنن
الهام : اي والله ترد الروح سيشل
وصلو القصر ونزلو من السياره ، دخلو وسلمو العيال على امهم و البنات على جدهم
ضيدان : تعالو وروني فساتينكم ما شفتها
وروه الفساتين
الهام لابسه فستان طويل لونه سكري عليه كريستالات على فتحة الصدر و فيه ذيل طويل من ورا طالعه انيقه بمعنى الكلمه
-
شيخه لابسه فستان طويل اسود فيه لمعه بسيطه يغطي نحرها و كاشف ظهرها من ورا الفستان زادها جمال
-
تهاني لابسه فستان كحلي طويل فيه فتحه من عند نحرها مايله يغطي يدها اليسار كامله ويدها اليمين مكشوفه وفتحه من عند الفخذ
-
وعد لابسه فستان علاق لونه اخضر غامق ماسك على جسمها وفيه فتحه من عند الفخذ
-
ترف لابسه فستان اسود طويل فيه فتحه من عند نحرها و فيه كريستالات على فتحة نحرها ونهاية فستانها ماسك على جسمها
زادها جمال
ضيدان : لا اله الا الله اخذتو الزين كله يا بنات العالي
وعد : حلة دنياك يا حبيبي
عبدالعزيز اشر ل شيخه و ترف يجلسون جمبه بحيث صار ترتيبهم كذا شيخه - عبدالعزيز- ترف
عبدالعزيز : اخذتو الحلا كله يا اميراتي
شيخه : حلة دنياك يا حبيبي
ترف بضحكه : مو شي جديد دايماً مأخذه الحلا
ضحك عبدالعزيز و شيخه على نرجسية بنتهم
عبدالعزيز: اكيد يا بنت ابوك اكيد
ضيدان : عسى انبسطتو ؟
الهام : اي الحمدالله ، زواجهم حلو ، الله يوفقهم
الكل : امين
ضيدان : وش تبون نطلب ؟
مصعب : رز
وعد : لا مانبي ، وش رايكم برقر
الكل ايدو الفكره
ترف : تمام اجل انا بطلب
و طلبت و كلها كم دقايق و وكلمها المندوب تستلم الطلب
بدو ياكلون و كانو يسولفون مع بعض
ضيدان : الا وين العيال صح ؟
عبدالعزيز : راحو يبا ينامون
الهام : يا روحي هم نامو وهم ما كلو
تهاني : تلقينهم اكلو قبلنا و نامو
ضيدان : ب سلامتهم
خلصو الاكل و كل واحد مشى لبيته
* معلومه تراهم يتغطون عن بعض مثالاً تهاني تتغطى عن اخوان الوليد يقعدون مع بعض لكن متغطين
* وكل واحد ساكن لحاله هو وعياله لكنهم بحي واحد
بوصف لكم
قصر ضيدان قدامه فيلة مصعب
جمب قصر ضيدان على اليمين فيلة الوليد و على يساره فيلة عبدالعزيز
اتمنى وصلت لكم الفكره .
-
شيخه بضحك : تخيل يا عبدالعزيز انها تلمح انها تبي ترف لولدها
عبدالعزيز: مستحيل ما يليقون ابد
شيخه وهي تضحك : ادري وسويت نفسي مجنونه
عبدالعزيز وهو مبتسم على ضحكها : خلينا من العرس و شذا الزين يا شيختهم اسرتي قلبي
توردت وجنتيها و سكتت
قرب لها عبدالعزيز مد يده و رجع شعرها لورا ويشوف ملامحها وبصوت هادي و حنون : لين الحين تستحين من مدحي و تأملاتي لوجهك
شيخه استحت : شوي شوي على قلبي
عبدالعزيز بضحكه : وش اسوي اذا انتي جميله تغصبين الواحد يتأمل و يمدح و يسرح فوجهك
تنحنحت وقالت : شكل ترف تناديني بروح اشوفها
ضحك على تصريفتها يدري ان محد نادها تنهد بدون قصد تأسر قلبه لين الحين ماتغير حبها الا زاد
عبدالعزيز ب ابتسامه عذبه : سرقني مادريت انه سرقني

عطوه حقه ⭐️😙
دعمكم دافع ل استمراري .