ولو انك تلاحظ شفت عيني وهي تروي حديث الحب عني .

Part 5

مر يوم الاربعاء بدون احداث مهمه
_________________________
اليوم يوم لقاء بين عائلة هاشم و عائلة عبدالعزيز

قامو الصباح بكل نشاط و حماس
قاعدين يفطرون
لانا : يوهه يا الحماس
ليان : اي و الله مره حماس
ضحكو
عبدالعزيز: يوه يا ذا اليوم ما تتخيلون كم كنت انتظره
شيخه : الله يجعل القاء على نفس هقواتنا
الكل : امين
ترف : بابا بتعزم عماني و لابس احنا ؟
عبدالعزيز : لا بس احنا
سعود : زين
--
: يمه البس الابيض لا الاحمر
نجلاء: تونا على اللبس
مها : ادري بس عشان اذا جينا نلبس ما احتار البس على طول
نجلاء: اجل البسي الابيض
مها: تمام
مر حمد من عند غرفة مها
حمد : مها سويلنا القهوه محد يضبطها الا انتي
مها : تبشر بها و انا اختك
ضحك حمد : عزززز ، ودق لها تحيه 🫡
ضحكت نجلاء عليهم
__
بعد اذان العشاء
__
راحو بيت هاشم لبيت عبدالعزيز
وصلو و دق هاشم على عبدالعزيز
هاشم : افتح الباب
عبدالعزيز: يلا جاي
فتح له الباب
بدو يسلمون على بعض
سعود : يالله حي الرجال تفضلو
هاشم : زاد فضلك يا شبيهي
ضحكو كلهم
عبدالعزيز: السلام عليكم يا حرم هاشم
نجلاء : وعليكم السلام
عبدالعزيز: باب الحريم هاذا هو و اشر على الباب حق الحريم
دخلو الحريم جوا
شيخه اول ماشافت نجلاء راحت بسرعه وضمتها
نجلاء: شخبارك يا اختي
شيخه ب ابتسامه : الحمدالله
و البنات سلمو على بعض و ضمو بعض
شيخه : تعالو سلمو علي تقصد مها و مضاوي
سلمو عليها
وبدو يضيفونهم و دخلو ليان و لانا مع بعض
نجلاء: ياحليلهم تؤام
وراحو يسلمون عليهم كلهم
ترف : شخباركم بنات
مضاوي : الحمدالله ، ياحلوك يا ترف
ترف ابتسمت : مانجي ربع زينك يا حلوه
مها : خلونا من ها رسميات
ضحكو كلهم عليها
شيخه : و انتي صادقه انتي عاجبتني من يوم جيتي عارفه انك جوي
ضحكت مها
وبدو يسولفون كلهم و اندمجو مع بعض مره ، البنات لي يشوفهم يقول انهم يعرفون بعض من سنين و كذلك الوضع عند الرجال كانو كلهم يسولفون ببساطه من غير رسميات
سعود : يا عيال و الله اني ارتحت لكم مره و كأني اعرفكم سنين
منيف وهو ميت ضحك على سالفة سعود لي قالها قبل : يا رجال احنا لي ارتحنا لكم ، تدري اني ما اضحك عند احد لكن انت حبيتك والله
حمد : يوه منيف يمدحك يعني جد انه مبسوط
عبدالعزيز: عاد الا منيف منيف من عاده صغير و انا احبه
منيف : الله يعزك يا عمي
عبدالعزيز: الا وين عبدالوهاب
هاشم : ف ديره
عبدالعزيز: أن شاءالله اني بجيكم هناك و بقعد عندكم و نفلها هناك
حمد : تو مانورت ديرتنا و الله يا بيجي جدول بننبسط والله لو تجون
عبدالعزيز: بجي و بنروح نكشت بالبر و اوريكم تفحيطي هناك
ضحكو العيال
سعود : اي والله حتى انا ودي اجي عندكم هناك و اشوف عبدالوهاب و نروح و نجي مع بعض
حمد : والله لفر فيك ب ديره تعال انت بس
سعود : ابشر بالي يجيك
- عند البنات -
مضاوي : يوه يحلو جلستك يا ترفي
ترف : والله مبسوطه معاكم نامو عندي اليوم امانه
مها : ودنا بس ابوي بيرفض
مضاوي : تعالي عندنا بالديره والله بننبسط
ترف : مع اني ما احب اطلع عن نجد الا ودي اشوف ديرتكم من كثر ما ابوي يتكلم عنها
مها : والله بتستانسين اذا جيتي عندنا بفر فيك البيوت كلها
ترف ضحكت
مضاوي : لا و بنوديك عند حلال ابوي بتتونسين هناك
مها : اي تتونس محد ينبسط هناك غيرس
ضحكت ترف : عاد الا مضاويتي و ضمتها
مها طقتها : و انا !!!!
ضحكت ترف و ضمتهم كلهم : كلكم احبكم
جت لانا : و انا من يحبني ؟
مها و مضاوي كلهم ضموها
لانا : نامو عندنا اليوم
ليان : اي تكفون
مضاوي : يوهه يا حلوكم والله تنوكلون
لانا : انا احلا صح ؟
ليان : اقول اوص بس انا احلا
مها : يوهه يوهه يوهه كلكم حلوين
نادت شيخه البنات يساعدونها عشان يحطون العشى للرجال
حطو العشى
شيخه : روحي قولي ل ابوك ان الاكل حطيناه
ترف : ان شاءالله
طلعت و راحت تقول ل ابوها
كان منيف بالحمامات لي جنب المجلس وهو طالع شافها فها فيها عرف انها ترف لي صادفها في شركه نفس صوتها ما شافها يوم شركه لأنها كانت لابسه نقابها اما الحين يشوفها با كامل زينتها صحى على نفسه ودخل الحمام مره ثانيه
ترف : بابا ... بابا
عبدالعزيز: ابوي انتي لبيه ؟
ترف : الاكل جهز يالله ادخلو
عبدالعزيز: ان شاءالله يا عيون ابوك
دخل و قلطهم على العشى
دخلو ياكلون و كانو يسولفون الا منيف لي كان يهوجس ب ترف ب صوتها و فستانها وشعرها بتفاصيلها
-
بعد ما تعشو فرشو فرشتهم بالحوش وجابو شاهي و قعدو يسولفون
ونفس الشي عند الحريم بس الفرق ان الحريم قاعدين بالحوش الخلفي
ترف : مع اني مو من حزب الشاهي الا اني حبيته هالمره معكم
مها وهي منسدحه على رجل ترف : من مايحب شاهي ياتروفتي
ترف : احبه لكن افضل القهوه اكثر احب القهوه بكل انواعها
نجلاء: اجل انتي نفسي افضل القهوه اكثر من شاهي
ترف : احلا من اصير نفسه والله
نجلاء وهي مفهيه ب جمال ترف و جمال نطقها للحروف : لا اله الا الله اخذتي الحلا يا بنت شيخه ما تتخيلين قد ايش تشابهين امك
مضاوي: صدق والله مر تشابهين خالتي شيخه
شيخه وهي مبتسمه : في ناس تقول تشبهني وفي ناس تقول تشبه ابوها
نجلاء: فيها منكم كلكم يعني شوفي مثلاً
تشابهك ب :خشمها كلكم خشمكم حاد - فشعرها كلكم شعوركم ناعمه -حواجبها .
تشابه عبدالعزيز في : فكها - عيونها
ترف : وش لي اختلف فيه ؟
نجلاء: شامتك لي برقبتك و لي عند طرف ثغرك
-
بعدها مشو لبيتهم هاشم و عياله
ترف : يا الله ما ابيكم تمشون اقعدو عندي والله ومبسوطه فيكم
مها : حتى احنا ما ودنا نروح
مضاوي: يالله ان شاءالله بينا تواصل وخذينا ارقام بعض
ترف: اي صح وجهت انظارها ل نجلاء: يالله خالتي نجلاء مع سلامه عاد لاتقطعونا
نجلاء: لا ان شاءالله ماراح نقطعكم وانتو بتجونا ان شاءالله بديره
ترف و شيخه : ان شاءالله
و طلعو .

عبد العزيز: ان شاءالله استانستو
ترف : اي والله يا بابا مره استانست مع البنات وكأني اعرفهم من زمان و خذيت ارقامهم وحساباتهم بالانستا و السناب و تويتر بكل مكان
عبدالعزيز مبتسم بوسع ثغره : الحمدالله الله يزيدكم محبه
ترف : امين
سعود: اي والله حتى استانست مع شباب وخذينا ارقام بعض و عزموني بديرتهم والله اني حبيتهم و كأني اعرفهم سنين
شيخه: يازينهم عيال نجلاء
ليان : وانا مره حبيت البنات مره عسولات
ترف وهي شايله لانا : والله انتي العسوله
لانا بزعل : لاتمدحين احد غيري 🥺
الكل يعرف بعلاقة لانا و ترف و كيف لانا قريبه من ترف بحكم انها هي لي مربيتها كان تعب على شيخه تربي بنتين بنفس الوقت ف ترف ربت واعتنت اكثر ب لانا
ترف : والله مانخلق الكلام المعسول الا لك
ليان وهي حاطه يدها على خصرها : وانا !!
سعود ضحك : كلكم خلاص فكونا
سعود : اجل انا برقى انام
ليان وانا بعد
لانا بهمس ل ترف : ترفي ؟
ترف : لبيه يا ماما
لانا : ابي انام عندك
ترف : والله اني داريه تمام بتنامين عندي
عبدالعزيز و شيخه: اجل يلا تصبحون على خير
ترف و لانا : وانتو من اهله
- بغرفة ترف -
لانا : لا ما ابي انام على مخده
ترف : اجل وين بتنامين ؟
لانا : ابي انا بحضنك
ضحكت ترف وفتحت يدينها لها : تعالي
والكل نام بعد ليله جميله ومرحه للكل بدون استثناء .

يتبع ..
اتمنى البارت عجبكم نفس ماعجبني 💖
اعطوه حقه ⭐️💖