ولو انك تلاحظ شفت عيني وهي تروي حديث الحب عني .

Part 3

قام الصباح بدري نزل تحت شافها بالمطبخ
الوليد : غريبه تهاني بالمطبخ وش صاير
تهاني ضحكت : قايمه مشتهيه براونيز لي اسويه
الوليد : وين تميم و الجوهره
تهاني : الجوهره بشغلها و تميم عن جده
الوليد : ليه امس ماراحت معاكم الجوهره
تهاني : ماتعرف بنتك يا الوليد ماتحب الاعراس
الوليد : كيفها المهم تسوي لي يريحها
تنحنحت تهاني
الوليد : قولي لي عندك وش تبين
تهاني ابتسمت : تعرف اني احبك ؟
الوليد ابتسم : اي ادري ، وش تبين ؟
تهاني : اليوم بروح عند اختي
الوليد : كثرت طلعاتك يا تهاني
تهاني : لوسمحت من زمان عنها
الوليد : روحي بكره اليوم مرة مصعب جايه و امي عازمتنا
تهاني بزعل : طيب يا الوليد طيب
الوليد : تدرين ان زعلك مايهون لكن اليوم امي عازمتنا صعبه ادخل لحالي من غيرك
تهاني : تمام
-
قاعدين يفطر هو وعياله و مستمتع بكلام ليان و لانا و هواشهم
سعود : ها يمه عسى استانستو بالعرس ؟
شيخه : اي والله استانسنا ، بس ماشفتك وينك ؟
سعود : حضرت و بعدها رجعت نمت
لانا : يا الله منك يا ليان ترا مو لازم تقلديني
ليان با سلوب مستفز لها : ما اقلدك يا دلوعه
لانا وهي فيها صيحه : بابا ! ، شوفها
عبدالعزيز وهو يضحك : الله يسعدكم نفس ماتسعدوني
لانا : بابا انا اشكي لك وانت تضحك ، سعود شوفها
سعود : لا تقلدينها يا ليان ، و وجهه نظره ل لانا : ها كذا زين 👍🏻؟
لانا وهي عيونها مغورقه ومبتسمه : ايه
ضحكو كلهم
نزلت ترف
ترف : ياعسى ضحكه دوم
عبدالعزيز: يا هلا ياهلا والله
ترف جت سلمت عليه هو و شيخه
عبدالعزيز : افطري بعدين الحقينا انا وسعود بنروح
هزت راسها بمعنى طيب
-
عند ضيدان و الهامه على قولته
انا اشوف ذا العزيمه لي بتسوينها مالها سنع بيجون من سفر تعبانين يبون بيتهم ما يبون ينعزمون
الهام : اول شي مو اسمها عزيمه اسمها عزيمه اذا بعزم ناس غريبه اما بعزم زوجات عيالي و عيالهم ثانياً ما ابيهم ينقطعون عن بعض نفس قبل ابيهم يتعودون على جمعتهم و لمة الاهل
ضيدان قعد يتأملها وهي تكلمه : لي تبين يا ابوي انتي ياحظهم الهام عازمتهم
ضحكت وقالت : تدري اني احبك وان حبك يزيد ما ينقص اغليك و اغلي لي على الخير يغليك
ضيدان مسك قلبه : ما اقدر انا على الكلام الحلو
الهام : بسم الله على قلبك
-
دخلت الشركه مستعجله لأنها تأخرت على اجتماع ابوها طقت الباب حق غرفة الاجتماعات ودخلت
ترف بصوت جهوري : السلام عليكم
الكل ردو السلام
هي بصوت خفيف ل ابوها : معليش تأخرت
ابوها مسح على ظهرها : معليه ومد لها كوب المويه
رجعو لحديثهم .

بعد الاجتماع
طلعت لمكتب ابوها
ترف : بابا مين هاذا ؟
عبدالعزيز ب ابتسامه : هاذا صديقي و الحين بتعاقد معه بمشروع
ترف : ولي كان معاه مين ؟
عبدالعزيز: ولده منيف
ترف : بس لي اعرفه عنه ان مجاله غير هو بالبشوت يتاجر
عبدالعزيز: اي مجاله غير لكن جمعنا مشروع وغير كذا انا ابي اتعاقد معه فا مشروع ، من زمان والله عنه كان صديقي من ايام الابتدائي
ترف : اوه
عبدالعزيز: عجبني صراحه ولده منيف عرفتي لي ينقال عنه اجودي هاذا اجودي ، مره عاجبني فيهم انهم متواضعين مره ابوهم عنده خير ماشاءالله وساكنين ف ديرتهم قريبه من رياض مع ان عندهم فلوس الا انهم متواضعين ماشاءالله عجبو اني صراحه مو بخل الموضوع بس تواضع وهم تعودو على لعيشه فقريتهم
ترف عاجبها ان ابوها مستانس معاهم مستعده تسوي اي شي عشان تسعد ابوها .
-
.
مصعب يكلم فهد
الو
فهد : السلام عليكم
مصعب : وعليكم السلام
فهد : سم يبه
مصعب : سم الله عدوك ، اليوم امي مسويه عزيمه عشان امك واختك بيجون من سفر تعال انت و زوجتك و بنتك
فهد : ابشر
انتهت المكالمه .
نزل معاذ مستعجل بيروح لشغله ناداه ابوه وراح له
مصعب : اليوم امك واختك بيجون وامي مسويه عزيمه اليوم لا تتأخر بالمطعم وتعال بدري
معاذ : ابشر يبه ، تبي شي ؟
مصعب : لا سلامتك، لا تسرع يا معاذ بطريق
معاذ وهو رايح : ابشر يبه
-
-
كانت متوتره بين الخدم تبي كل شي يطلع حلو و يناسب مقام عايلتها العالي
: لا لا جيبي طاولة التقديمات هنا
مدبرة المنزل مايا : مدام الهام ، بشاير عند الباب تبغى حضرتك ادخلها و لا مشغوله ؟
الهام : دخليها وقولي لهم يجبون لنا عصير ليمون
دخلت بشاير وهي فاتحه فمها دليل صدمتها و انبهارها ب الكم الهائل من الخدم لي يجهزون لحفلة اليوم
بشاير : عمه وش يسوون ذولي ؟ وليش كذا كثار ؟
ضحكت الهام : اول شي الواحد يسلم و ذولي يجهزون عشان اليوم اسيل و امها جايين من سفر
ضربت جبهتها وضحكت : اوه معليش نسيت اسلم عليك
سلمت عليها و اردفت : عمه عادي احضر معاكم ؟
ولا بس تبون الحفله عائليه ؟
الهام : اي اكيد تعالي ، بعدين وش عائليه انتي منا وفينا
حضنتها بشاير: شكراً ياعمه والله اسعدتيني
الهام : شدعوه مابينا ، يلا روحي انتي تجهزي ل لليل
بشاير راحت وهي مستانسه
-
طلعت من مكتبها مستعجله و ركبت الاصنصير وكانت حايسه حرفياً
طلعت واصتطدمت بشي قوي وكأنه جدار تعثرت وطاحت و بعكسه هو كان ثابت كانت تشوف اطراف ثوبه بس بحكم انها تعثرت وطاحت نطق
: اخو حمد
قامت تنفض عبايتها : وجع ماتشوف انت
منيف : عن الغلط معليش ما انتبهت
ترف : كل ذا طول و ماشفت ؟
منيف : ما شوف طول
ارفعت وجهها له و ركزت فيه : اوه انت ولد صديق بابا هاشم
جته ضحكه من كلمة [بابا ] بس ما بينها : اي انا ولد هاشم ، اجل انتي بنت عبدالعزيز
تكلمت بكل شموخ و غرور : اي نعم انا بنت عبدالعزيز
منيف رفع حاجبه : انتبهي لا تطيرين وانتي رافعه خشمك
ناظرت بوسط عيونه ب غرور : يحق لي ارفع خشمي ابوي عبدالعزيز
تجاهل كلامها و مشى
ترف شهقت : يقهررر خير ان شاءالله اكلمه و يروح ويسفهني انا اوريك يا ولد هاشم
مشت لسياره و توجهت لمطعم معاذ
-
رجع لبيت اهله لي ماخذينه عشان شغل ابوهم واذا خلص رجعو دخل البيت
: يمه يمه
طلعت من المطبخ : لبيه يا منى عيوني لبيه
ابتسم من ترحيب امه : لبيتي في منا و سلم على امه
نجلاء : وش صار معاكم مع صديق ابوك
منيف : الحمدالله كل شي تمام
نجلاء: الله يوفقكم و الله اني ادعيلكم بكل صلاتي
حب راس امه : تسلمين يالغاليه ، الا وين خواتي ؟
نجلاء: ما صدقو انهم يجون هنا طالعين مع حمد
ضحك
* تعريف ل عايلة هاشم - صديق عبدالعزيز -
-هاشم بن عبدالوهاب
-زوجته : نجلاء بنت حمد
-ولده الكبير ( عبدالوهاب (32)- متزوج - وعنده بنت و ولد - هادي - عقلاني مره
ملامحه : هاديه ، خشمه سلة سيف ، عيونه وساع و مليانه رموش ، عنده خط في حاجبه الايسر
-ولده الثاني ( منيف (29)- عزابي - صارم - شهم- ثقيل مرههه - يحب خواته مره و يضحك عند خواته بس واهله - يحب يفزع للي يحبهم
شكله : ملامحه حاده مره ، خشمه سلة سيف - حواجبه كثيفه و كأنها مرسومه ، على خده الايسر اثر خياطه ، ماعنده لحيه لكن عنده شنب
-بنته ( مضاوي (25)- طيبه - تحب ضحك و الوناسه - اكثر وحده مكروفه - تحب اخوانها مره
شكلها : ملامحها هاديه ، خشمها سلة سيف ، شعرها اسود طويل ، عيونها وساع و مليانه رموش
- ولده الثالث ( حمد(24) - يشبه اخوه منيف كثير في الملامح - اكثر شخص يضحكهم - و اكثر واحد مكروف - دايماً يفزع ل اهله حتى لو كانو غلطانين
شكله : ملامحه حاده مره ، خشمه سلة سيف - حواجبه كثيفه و كأنها مرسومه ،
- بنته ( مها(21) - اجتماعيه - تحب القصيد - خفيفه - طيبه و قلبها ابيض - رومنسيه وعايشه بالاحلام الورديه - تحب تضحك مع اخوانها
شكلها تشابه امها مره : ملامحها لاهي حاده و لاهي هاديه - شعرها بني غامق طويل - طولها متوسط - عيونها وساع - عندها غمازات - و عندها غره
------
دخلت المطعم دقت على معاذ
: الو
معاذ : هلا ترف
ترف : اهلين ، انا جيت المطعم وين الاكل
معاذ : تلقينه عند الكاشير قولي له يعطيك الاكل و بيعطيك
ترف : تمام
انتهت المكالمه .
---
رجعت البيت و بدو يتجهزون كلهم للحفل لي راح يُقام باليل بمناسبة وصول اسيل و امها مشاعل .

اعطوه حقه ⭐️
اتمنى عجبكم البارت و اتمنى انه كان كافي 💜.