ولو انك تلاحظ شفت عيني وهي تروي حديث الحب عني .

Part 12

ذياب كلم منيف
منيف : سم
ذياب بعصبيه واضحه من صوته : بمرك
منيف لي استغرب عصبيته : تمام
طلع منيف يقعد على عتبة باب بيتهم يستنى ذياب
ماهي الا دقايق و وصل ذياب
ركب شاص ذياب و كانو ساكتين و صلو مكانهم المعتاد و جلسو في الجلسه
تنهد ذياب بضيق
منيف : وش فيك ؟
ذياب بضيق : ابوي بيزوجني
منيف بفرح : ماشاءالله طيب انت شفيك زعلان
ذياب : ما ابي مو غصب
منيف : و ليه ماتبي ؟ ماينقصك شي ما بقى الا تتزوج
ذياب : ما ني مستعد امسك مسؤولية و بيت و ما ابي اظلم البنت معي
منيف وهو معقد حاجبه : بيزوجك من ؟
ذياب : ما ادري
منيف : طيب اسأل بيزوجونك من ؟ و ماتدري لعلها خيره ربي كاتب انك تتزوج تعترض على كتبت ربي ؟
ذياب ابتسم : اللهم لا اعتراض
منيف : اي ابتسم مكبر الموضوع و زعلان ما تدري يمكن انها تطلع مزيونه
ضحك ذياب : يارب تجيبها مزيونه
ضحك منيف
-
في القهوه ..
ابو ذياب : والله اني عزمت ازوج ذياب
هاشم : ماشاءالله ازين له
عبدالعزيز: هو موافق ؟
ابو ذياب : لا يقول ماني مستعد
عبدالعزيز: و كيف بتزوجه وهو يقولك بنفسه ماني مستعد
ابو ذياب : انا ابوه و اعرف مصلحته
عبدالعزيز لي ماحب يتدخل: كيفك
هاشم : من بتزوجونه ؟
ابو ذياب : بقول للحرمه تدور له * يقصد ام ذياب
عبدالعزيز: الله يوفقه و جعلها خيره
هاشم بتفكير : والله حتى انا صار لي يومين افكر ازوج منيف
عبدالعزيز لي ابتسم ل طاري منيف يحبه من يومه صغير : و الله كبرت يا منيف و بتتزوج ، من سعيدة الحظ لي بتأخذه ؟
ابتسم له هاشم : بتدري قريب
عبدالعزيز: هو يدري و موافق ؟
هاشم : شوف هو متقبل فكرة زواج ما عنده مشكله بس ما يبي اي وحده
عبدالعزيز بهدوء : الله يجيب الخير
-
ترف وهي جايبه المشط و ربطه : يله تجدلين شعري ؟
ابتسمت نجلاء بوسع ثغرها بحب : تعالي يا امي
و بدت تجدل شعرها الطويل
مها : يمه وانا بعدها جدلي شعري
نجلاء : طيب
ابتسمت شيخه وهي تتقهوى: يوه اتذكر واحنا صغار يا نجلاء اجيك تجدلين شعري والحين تجدلين شعر بنتي الله لا يخليني منك
ابتسمت نجلاء: ولا منك
خلصت شعر ترف و جات مها و جدلت شعرها
ريم : الله ترف ماشاءالله مره حلوه عليك الجديله
ابتسمت ترف بحب : حلة دنياك يا ريمي
نوره جت تركض و باست خد ترف : انتي مره حلوه
ضحكت بحب : انتي الحلوه والله
و جلست نوره بحضن ترف تلاعبها
نوره بحب ل ترف : انا احبك كثير
ترف وهي مبتسمه : و انا احبك اكثر من الكثير
مها : لكن ترف تحبني انا اكثر
نوره تخصرت : انتي كل ما قلت احب احد قلتي هو يحبني اكثر
ضحكو كلهم
نوره طلعت لسانها ل مها وقالت ل ترف : انا احبك انتي و عمو منيف بس
شهقت ريم : واحنا !!!!
ضحت ببراءة : كلكم احبكم
ماهي الا ثواني و دخل منيف و تغطت ترف و شيخه و دخل وهو صاد
: شخبارك خالتي شيخه
شيخه: الحمدالله ، كبرت يا منيف ماشاءالله اذكر اني شفتك وانت بزر
ابتسم منيف
و دخل يروح غرفته
نزلو الطرحه و اردفت شيخه : ماشاءالله كبران مابقى الا الحرمة المزيونه
ضحكت نجلاء: ودي والله ودي اليوم قبل بكره
شيخه: هو مايبي ؟
نجلاء: هو ماهو رافض فكرة زواج بس متردد و مايبي اي وحده
شيخه : الله يكتب لي فيه الخير