ولو انك تلاحظ شفت عيني وهي تروي حديث الحب عني .

Part 29

ابتسمت تشوفه يغني مع محمد عبدُه وصلو الاوتيل و دخلو رقوا لفوق فتح الغرفه و دخلت انصدمت من المجوهرات و  الاكياس الكثيره
عقدة حاجبها جاء من وراها حاوطها : ماودك تشوفينها
ابتسمت و قعدت على الكنبه و حطت شنطتها و فصخت العبايه رجعت
مدت يدها تأخذ الصندوق و تشوفه قاعد قبالها و يتأملها و مبتسم لها
فتحت و ابتسمت من طلع طقم ناعم مرهه وحلو و مبين عليه غالي ثمن  : مره شكراً منيف
ابتسم : تستاهلينه يا حبيبتي
ترف : لبسني ياه
عدل جلسته يأخذه منها و اشرلها تجلس جمبه : تعالي
قعدت جمبه و مسك خصرها يقعدها بحضنه و قرب يلبسها لبسها و باس عنقها : يزهاك العقد والله
قامت تشوفه عند المرايه و ابتسمت من عجبها عليها : يا روحي والله
رجعت و فتحت الاكياس الثانيه و كانت كلها هدايه
قامت و قعدت في حضنه ابتسم بوسع ثغره لأن اول مره هي تجي من نفسها مدت يدها تلعب في شعره و حواجبه و نطقت بدلع : شكراً منيف كل شي احلا من ثاني
منيف : لا شكر على واجب مدام ترف
ضحكت على كلمته و بدا يوريها السياره الجديده لي يبي يشتريها
رفع الجوال يوريها [ الجي كلاس ] : وش رايك ؟
ترف : تجنن مره واحس تلبق لك مره
منيف وراها صوره : ابي هاذا لون الازرق
ترف  حاوطته : مره حلوه دايماً ذوقك حلو
ابتسم و نزل انظاره لثغرها و باسه : و اكبر دليل اني اخترتك
ضحكت
-
عقدت حاجبها من اشر لها تطلع برا يبي يكلمها طلع و لحقته
نجلاء : لبيه
هاشم : تعالي نروح غرفتنا بقولك شي.
هزت راسها و دخلو الغرفه
تنهد و قعد على كنبة الغرفه : اليوم جوني خطاب
عقدت حاجبها : خطاب ؟ لمين ؟
هاشم : لمضاوي
نجلاء ابتسمت : مين لي جاء يخطب الحلوه ؟
ابتسم و اردف : ذياب 
ابتسمت نجلاء : والله انه رجال و ياحظها ان حصل بينهم نصيب كامل و الكامل الله ماينقصه شي
ابتسم لها و نطق : صدقتي يا النجلاء
ابتسمت لأنه يقصد معنى اسمها لي يوصفها فعلاً
حك جبينه  : و ابقولك شي بعد
اردفت : سم يا ابوي اسمعك
ابتسم بوسع ثغره و اشر لها : تعالي جنبي و بقولك
ابتسمت و جلست جانبه و نطق : قررت ان ننقل الرياض صح اني مره احب ديرتي و متمسك فيها لكن ظروف لها قرار ثاني  بس ابي اسمع انتي وش تبين قلتي نقعد بنقعد قلتي نروح بنروح
سكتت تفكر بكلامه و التفتت بكامل جسدها له مسكت يده و يدها ثانيه تلعب بشعره لي ملاه الشيب و اردفت : انت ما قررت هاذا القرار الا و ان انت متأكد منه و خصوصاً انك تحب ديرتك و ذكرياتك هنا و كل شي يخصك هنا لكن الحياه بالرياض افضل لنا و لعيالنا و لاحفادنا من ناحية المدارس و الدوامات كل شي افضل برياض انا اقول ان نمشي لرياض و بيبقى بيتنا هنا نزوره بالاجازات
ابتسم يتأمل وجهها هي نفسها نجلاء ماتغيرت البنت الصغيره لي حبها و قعد طول عمره يحبها و لاخر نفس له بيظل يحبها لازالت جميله و فاتنه ماتغيرت زادت جمال و فتنه صارت له كل احبابه و اهله هي زوجته و صديقته و حبيبته و امه و اخته و ام عياله  جت و ملت حياته عليه  فرح و امل و بهجه دخلت حياته و دخل سرور معها هي الاولى و الاخيره هي و لا احد قبلها و لا بعدها .
ابتسم و هو يلاعب جديلة شعرها : تم و لا بعد كلامك كلام
ضحكت
-
ابتسم من رسالته و كتب له : يالله عاد ادعي ربك ان ابوي يوافق لأن مره يحب مضاوي ههههههه
تنهد ذياب : الله يحنن قلبه علي و يوافق
ضحك
ذياب : ها بشر عسى روحك مستانسه ؟
ابتسم بوسع ثغره من عرف مقصده بأنه يقصد ترف بكلمة [ روحك ] 
تنهد بحب و اكتفى بكلمة : الحمدلله على ما احب
ابتسم : الحمدلله
منيف بتفكير : ذياب لو نقلنا الرياض تجي معي ؟
ضحك ذياب : وش جاب طاري
منيف بجديه : صدق اتكلم لو نقلت و لقيت لك بالرياض بيت تجي معي ؟
ذياب ب ابتسامه : لو تروح الفضاء بكون معك
ضحك منيف : نشبه مو غريبه
ضحكو هم الاثنين و قاله منيف ان ابوه اكد له انهم بينقلون الرياض و ان منيف لقاء بيت لذياب و اهله بالرياض
ذياب : الله يسهل يارب بكلم ابوي و اشوف
منيف : اذا رفض بلغني انا اتفاهم معه
ذياب : تم
واكمل : يالله عاد انا استأذنك بروح اشوف اهلي
منيف : يله مع سلامه
انتهت المكالمة.