ولو انك تلاحظ شفت عيني وهي تروي حديث الحب عني .

Part 6

قامت من بكره تحس بنشاط فضيع لتفتت شافت لانا نايمه وشكلها كان لطيف مره مدت يدها وخذت جوالها صورتها للقروب لي فيه مضاوي و مها وهي صورتها وكتبت تحتها بنوتي نايمه عندي 🥺💗
مها : شكلها مره لطيف بموتت ماشاءالله
ترف : ياحبيبي انتي
طفت جوالها دخلت بعدها للحمام *تكرمون . سوت السكن كير حقها وطلعت لبست جينز اسود واسع شوي و توب وردي عاري الاكمام و كان ماسك عليها توب وبعدها ارسلت للبنات
ترف : بناتي وش رايكم نطلع نفطر ؟
مها : الله ودي بسأل امي وبرد لك
مضاوي: بنروح نقنعهم ونجيك
نزلو تحت مها و مضاوي شافو ابوهم و امهم بصاله يتقهوون تقدمو لهم وسلمو على ابوهم و على امهم
هاشم : من هدوئكم و اضح تبون شي
نجلاء: اي والله واضح وراهم شي
مضاوي: ماورانا الا كل خير بس كنا نبغى نستأذنكم نطلع مع تروفتي
هاشم : وشنهو تروفتي ؟
ضحكت نجلاء: قصدهم ترف بنت عبدالعزيز
هاشم : اني داري بس اسمها ترف مو تروفتي
مها بمزح : و لاتزعل يابعدي ترف المهم نبي نطلع معاها
هاشم : من بيوديكم اخوانكم طالعين ؟
مها : لا يا ابوي ترف تسوق بتمرنا
هاشم لي كان مايحب سواقة الحريم لين الحين مو متقبلها بس ماله كلمه عليها لا هو ابوها و لا ولي امرها : طيب بس لاتتأخرون
انصدمو كلهم ان ابوهم وافق انهم يطلعون مع ترف لكن هو يعرف تربية عبدالعزيز
مها وهي منصدمه : يبه انت صادق ؟
هاشم وهو يطقها بشويش : تكذبين ابوس ياقليلة المروه
مضاوي وهي تحاول ترقع ل اختها : لا يا ابوي بس هي انصدمت
هاشم : المهم لا تتأخرون
_____
طلعت من البيت و شافت رسالة
[ مهاوي 💗: ابوي وافق تعالي بسرعه قبل يهون ]
ردت عليها : طيب 😂😂
ومشت متجهه لبيت هاشم

وصلت وطلعو لها البنات سلمت عليهم
مضاوي: ماني مصدقه ان احنا طالعين ومعاك بعد
ترف ضحكت : شدعوه
مها : اي لان ماتعرفين ابوي
ترف : المهم بوديكم مطعم عنده فطور يجنن يا بنات وبعدها بنمر نأخذ قهوه و بمشيكم بالرياض
مها بحماس : الله

: يبا لها الحين ٣ ايام ماجت شركه
عبدالعزيز: خلها تستانس بعدين هي استاذنت مني
سعود: كيفها لكن شغل بيتراكم عليها اقول كذا لمصلحتها
عبدالعزيز: لا ماعليك بنتي ذيبه بتعرف تحل امور الشغل
سعود : الا يبا كلمت حمد و يقول انهم بعد يومين بيرجعون ديرتهم
عبدالعزيز: اي ادري وبعد مايروحون بعدها ب اسبوع بنلحقهم
سعود با ابتسامه : زين
__
الهام : ضيدان ايش رايك نسافر ؟
ضيدان : والله ماعندي مشكله بس وين تبين نروح ؟
الهام : ماراح نطلع للخارج بنلف المملكه بس
ضيدان : تم على ذا لخشم
ابتسمت الهام
-
: ههههههههههه بس يا مهاوي بس بطني عورني من ضحك كله منك
مها : هههههههههه
مضاوي : اصه انتي وهي اصواتكم عاليه
ترف: وش تبين خلينا نضحك
مها: اي والله
ترف : يلا خلاص بنطلكم ببيتكم بعدين بروح لشغلي
مضاوي : يا الجاحده بعد ماضحكناك جحدتينا بتروحين شغلك
ترف وهي تضحك : لا و لله بس علي شغل لين بكرا من كثره
مها: الا تروفه وين تشتغلين ؟
ترف: مع ابوي
مضاوي: ماشاءالله الله يوفقك
ترف: امين
مها : ترف تخيلي بعد يومين بنرجع ديره
ترف : لا بنات اقعدو ما شبعت منكم باقي اشياء ما سويناها مع بعض
مها بحزن : و لا انا ماودي نرجع
وصلو بيتهم ونزلو مضاوي و مها و ودعو ترف
دخلو البيت
هاشم : يا هلا بناتي عسى استانستو ؟
مضاوي وهي تفك نقابها : اي والله استانسنا مع ترف
نجلاء: يا حلوها ها ترف
حمد : اي طلعتو وسحبتو على اخوكم
مها : وش تبي ؟ نأخذك معانا مثلاً
ضحك حمد : لا يا ورعه ما اقصد كذا
مضاوي وهي تصب القهوه ل امها و ابوها : الا وين منيف ؟
نجلاء: طلع يجيب ل ابوك اقمشة بشوت
* اقصد البشت الرجالي اتوقع عرفتوه ابحثو عنه وبتعرفونه
مها : يبا ليش مارسلت حمد هو لي يجيب ؟
هاشم : محد يعرف للاقمشه و البشوت الا منيف و محد يبرد كبدي وخاطري الا منيف
حمد وجه نظره ل مها : او شي مالس دخل ثاني شي الحب كله ل منيف و احنا لنا الله
ضحكت نجلاء: كلكم فيكم الخيره والبركه