ولو انك تلاحظ شفت عيني وهي تروي حديث الحب عني .

Part 16

رجع هاشم وعياله الديره
وصل الخبر ل اهل ديره ان منيف خطب لكن محد يدري انها بنت عبدالعزيز و محد متأكد من صحت الخبر لأن الهاشم وعياله ماصرحو
بالموضوع و ماراح يصرحون الا بعد الملكه
~
في القهوة ..
احد شياب الديره( ملقوف و نقال علوم ) : سمعنا خبر يا ابو عبدالوهاب
التفت ب كره شديد : نعم ! وش سمعت
شايب ديره : ابد سمعنا ان ولدك منيف خطب
هاشم : الخبر ذا طلع مني او من واحد من عيالي ؟
الكل : لا
هاشم : اجل شلون بتصدقونه !
الكل سكت بعد كلمته و محد نطق و درو ان اذا صار شي رسمي بيقول .

رجع البيت
هاشم : ياعيال ترا بعد المغرب بنروح عند ابوطلال عزمني اليوم على القهوه و كلكم ابيكم تكونون جاهزين بعد المغرب
عبدالوهاب: ان شاءالله
منيف : تبشر
حمد : تم
هاشم الصغير : جدي
هاشم : لبيه
هاشم الصغير : طلبتك ولا تردني تكفى
منيف : بعد ذا طلبه ماضنتي يردك ابو عبدالوهاب
ضحك هاشم : تم وش بغيت
هاشم الصغير: ابي اروح معاكم
هاشم وهو يحرك فنجال القهوه : بس ذا طلبك ؟ تم تروح معنا
قام هاشم الصغير بفرح يحب راس جده
حمد ضحك : كل ذا الفرحه عشان بتروح معنا
عبدالوهاب: اذكرك بنفسك يوم انك بزر ؟
حمد وهو يحك حاجبه : لا لا خلني هيبه قدام ولدك
ضحكو كلهم عليه
~
الرياض ..
سعود : يبه ذا الاجازه بنروح الديره عند عيال عمي هاشم ؟
عبدالعزيز: ان شاءالله ان رايحين
شيخه : زين
ليان ببراءه : الله يعني بشوف نوني وبلعب معاها
هزت راسها ترف ب ايه

دخلت القروب تبلغ البنات
ترف : بناتتتتت
لكل رد : لبيه ؟
ترف : بنجي ذا الاجازه أن شاءالله الديره
ريم : تنورون ياحياتي
ترف: منوره ب اهلها
مها وهي توها تدخل القروب : الله تروفتي بتجيي
ترف : اي اي إن شاءالله جايه
مضاوي : و بنشوف وجهك الزين
ضحكت ترف : والله مازين الا انتي وكلامك
مها : وانا !!!!!!
ترف : انتي عيوني ثنتين
ريم : وانا !!
ترف : انتي القلب
ضحكت ترف : اتوقع اني ارضيتكم هههههههههههههه
الكل ضحك

مضاوي بحماس : يمهه ترف بتجي بالاجازة ان شاءالله
نجلاء : تو مانورت ديارنا
مها : يا حلوها تروفتي
منيف يشرب القهوه و يناظر حماسهم وحبهم لها

مسك جواله يراسلها
منيف : سمعنا انك بتجين ؟
دقايق بعدها ردت : اي جايين ان شاءالله و ادري منوره فيني
ضحك منيف و كتب بهدوء : منوره ب اهلها بس
ترف : هي اكيد انها منوره ب اهلها بس منوره اكثر بقدومي
منيف : مغرورهههههه
ترف بضحكه: وفوق ذا جايبه راسك
منيف : صعبه عليك والله ما ابي ترفعين سقف طموحاتك ويخيب ظنك
ترف : بثبت لك كلامي بفعلي يا شاعر
منيف لي درا انها درت انه يقول قصيد : لا واضح سألتي عني و عرفتي
ترف ضحكت : علومك تجيني وانا قاعده ما اروح اسأل
منيف ما ينكر اعجابه ل كلمتها ( يا شاعر ) كثير قالوها له وكان يرد انا متذوق لشعر فقط لكن مايدري لي اعجب بالقب لما قالته هي
ضحك منيف
ترف بجديه : تقدر تكتب فيني قصيد ؟
منيف : ودك ؟
ترف : لا مو ودي بس
قطع كلامها منيف بجديه : لا تكابرين معي وصدقي بكلامك
ترف بصراحه : صراحه ودي ينكتب فيني قصيد سواء منك او من غيرك مايفرق بس عرفت شاعر لمن يمدح انثى و يكون محد يدري من المعني بكلامه بس هو و البنت لي يدرون عرفت هاذا الاحساس احس ودي اعيشه بس
ابتسم منيف على كلامها و انها وصفة شعورها بكل صدق : مو انتي تقولين انك بتجيبين راسي و بتخليني احبك ؟
ترف بغرور : جبته وخلصت
منيف : جد جد مو هاذا كلامك ؟
ترف بصدق : ايه
منيف : خلاص اعتبريه تحدي اذا جبتي راسي و خليتيني احبك على قولتك بكتب فيك قصيد و بقوله لك وقتها بتعرفين انك فزتي و اذا صار العكس انتي حبيتيني بتقولين فيني قصيد و بعرف وقتها اني لنا لي فزت
ترف بحماس : تممممم
ضحك منيف : خلاص اتفقنا ؟
ترف بحماس لتحدي : اتفقنا