ولو انك تلاحظ شفت عيني وهي تروي حديث الحب عني .

Part 8

صباح يوم جديد 🤍
صحو على صوت ابوهم العالي يصحيهم لصلاة الفجر مشى لين وصل لغرفة مها و مضاوي يطق الباب بقوه : قومو يالله صلاه قومو يالله
فتح الباب و راح يصحيهم بصوت غاضب : بنت انتي وهي قومو لا بارك الله فالعدو قومي
قامو كلهم بخوف مها : يا لله يبا صحينا
مضاوي : صحينا صحينا
هاشم بغضب : ساعه اصحيكم قومي يالله خلو الكسل و الرباده
مشى و راح لغرفة حمد وصحا حمد
و لقى منيف يحتريه عشان يطلعون مع بعض للمسجد ابتسم برضاء على منيف لي صاحي من قبل ما يقومه و جاء حمد
ومشو مع بعض للمسجد وطلع عبدالوهاب من بيته يلحقهم
صلو و بعد ما صلو تجمعو شياب ديره يتحمدون لهم بسلامه على و صولهم و يسئلونهم عن احوالهم
هاشم و عياله كانو محبوبين بديره والكل يشهد بتربيتهم الحسنه
رجعو للبيت دخلو على ريحة الخبز و العود منتشره ب ارجاء البيت
اشتاقو لبيتهم لمكانهم لكل شي
هاشم قعد جنب نجلاء وقعد يقراء اذكار الصباح بصوت عالي
جت مها بصينية لفطور و بدو يفطرون
هاشم : والله يا اني فاقد البيت و المكان
نجلاء: اي و الله اشتقنا للديره
هاشم : غريبه ساكته مهاوي
مها بصوت كله نوم : ما عندي شي اقوله
ضحكو على صوتها و شكلها لي كله نوم
خلصو فطور
منيف : انا بروح القهوه عند ذياب
نجلاء ضحكت : بتقر عينك بشوفة ولدك
منيف ضحك : اجل بروح اشوف وليدي
طلع منيف من البيت وصادف عبدالوهاب و بنته نوره صغيره
ركضت نوره ل منيف تضمه و تحبه
نوره ببراءه: اثتقت لك مرره
منيف ضحك على نطقها لكلمة اشتقت : و انا مت من شوق والله
عبدالوهاب: وين رايح ما شفتك ولا سولفت معك
منيف : جاي جاي بس بشوف ذياب و راجع
عبدالوهاب وهو يشيل نوره عن منيف : يله استناك
نوره صاحت : ما ابي ابي عمو منيف
منيف يوخر يده عنها : يا بن الحلال خلها معاي
نوره بدلع : اصلن انا احب عمو منيف خلني اروح معاه
عبدالوهاب: والله سحبتي علي اجل لا تعالي
وخذاها و دخل
راح منيف للقهوه و شاف ذياب و طرت على باله فكره
مشى من وراه وصرخ ب اعلا صوت : ذيابببببب
ذياب بخوف : ابن عاصم
ضحك منيف : هد هد
ذياب لي تفاجأ فيه و خاف : لله يخرش عدوك خرشتني
وسحبه يضمه و يسلم عليه ب الخشوم * سلام الرجال
ذياب : و الله لك فقده يا الخايس
منيف وهو مبتسم : اني داري انك ما تعيش دوني
طقه ذياب بخفيف : اقول بس طس عن وجهي
جاء راعي القهوه سرور
سرور : منيف وينك انتا ؟
ذياب بضحك : شكل حتى سرور فاقدك
ضحك منيف
ورد على سرور : موجود موجود
ذياب : اجل ما دام الشيخ منيف جاء اجل كل طلباته على حسابي
منيف : قلت و لا ما قلت محد كان بيدفع الا انت
جاء الشاهي لي طلبوه و قعدو يسولفون
منيف : مشينا سوق
ذياب : رايح المحل ؟
منيف : اي
و مشو للسوق و دخلو المحل
شافه فراج وراح يسلم عليه بحب : اوهه مدير كبير فين انتا ؟
ابتسم منيف : موجود ي فراج و جبت اقمشه جديده من الرياض
و قام يوري فراج الاقمشه
فراج ب اعجاب : اوهه هاذا خامه مره كويس و غالي
منيف : اي
بعدها طلع من المحل و صادف ابوه ف سوق
مشى له ذياب يسلم عليه حب راسه ويده : شعلومك يعمي وين الناس ؟
هاشم ب ابتسامه ل ذياب : موجودين يا ذيب
ذياب : قرة عينك بشوفة عمي عبدالعزيز
هاشم : انشهد انها قرة عيني بشوفته
بعدها طلع ذياب و منيف من سوق و تجمعو شياب الديره كلهم بالقهوه
نطق هاشم بصوت عالي و جهوري عشان يركزون معاه : ابشركم عبدالعزيز جاي الديره الاسبوع الجاي
الكل بدون استثناء فرح ل جية عبدالعزيز الكل يعرف عبدالعزيز و اخوته مع هاشم وكيف كانو ٢٤ ساعه مع بعض من يوم كانو صغار و لازالو مع بعض
احد شياب : شخباره عبدالعزيز ؟
هاشم : والله بخير و يسلم عليكم
احد شياب : عنده عيال ؟
هاشم ب ابتسامه : ايه عنده ٤ ماشاءالله
الكل : ماشاءالله ، الله يحفظهم له
قطع حديثهم دخول عبدالوهاب
عبدالوهاب بصوت جهوري : السلام عليكم
الكل ردو السلام
وقعد جنب ابوه
-
دخل البيت و شاف نوره تلعب بالمراجيح انتبهت نوره ل منيف و جته تركض
منيف ابتسم بحب : يا عساني ما خلا
نوره ابتسمت
و دخل صاله و قبل مايدخل نطق بصوت جهوري : يا ولد
تغطت زوجة عبدالوهاب ريم و نطقت نجلاء: تعال يمه
دخل منيف و سلم عليهم و قعد جنب امه
منيف وهو صاد عن ريم : كيف الحال يا ام هاشم * هاشم ولد عبدالوهاب
ريم : بخير
صبت مها له القهوه و قعد يسولف مع امه عن المحل
قطع حديثهم رنة تلفون البيت
نجلاء: قومي ردي يا مضاوي
مضاوي: ان شاءالله
قامت ردت
: مين ؟
حصه بنت عمها : هو انا حصوص
مضاوي بفرح : يا هلا والله ب حصوص اشتقت لك
حصه بفرح : والله مو كثري المهم ما ابي اطول وانا اكلمك بتلفون تعالو عندنا اليوم
مضاوي : ما نقدر تونا جايين من الرياض و اول يوم بنجيكم وش يفكنا من ابوي انتو تعالو عندنا
حصه : تمام بعد العصر ان شاءالله واحنا عندكم
مضاوي: خلاص
و قفلت
نجلا: مين لي دق ؟
مضاوي: حصوص بنت عمي مسعود
نجلاء: اها
منيف : يله انا استأذن برقى انام شوي
نجلاء : اذنك معك يمه روح ارتاح