ولو انك تلاحظ شفت عيني وهي تروي حديث الحب عني .

Part 31

بعد مرور الاشهر
-
كان في مكتبه الخاص الاوراق متناثره و الاضاء خافته يشتغل في لابتوبه و عاقد حاجبه دليل تركيزه تام
رفع ظهره من على لابتوب و تنهد بتعب رفع يده يحرك شعره ، داهمت تفكيره بوسط انشغاله و قام يشوفها طلع من المكتب و توجه لفوق
تسلل لقلبه الخوف من شافها واقفه و ماسكه بطنه و تتألم
ركض يمسك ذراعها : ترف فيك شي ؟
هزت راسها : لا بس احس باالم
منيف : نروح المستشفى
ترف : لا وبالاخير يطلع مافي شي
منيف بخوف : تستهبلين امشي نشوف
بعدت شعرها عن وجهها بتعب : تمام تمام
و اخذت عبايتها و لبستها و اثناء لبسها لجزمتها * تكرمون
شهقت من حست با مويه رفعت نظرها و صارخت با اعلا صوت : منيفف منيفف
جاء يركضض : لبيه لبيه
ترف : ابولددد ابولدد
ركض و لبسها لسلبر حقتها اسهل و شالها يركبها لسياره و ركب و اسرع يتجه للمستشفى ..
-
قاعده مع عيالها و بالها مشغول قطع تفكيرها
: يمه وش فيك ؟
ابتسمت بخفوت : لا يامك مافيني شي
سعود : وشلون مافيك شي
شيخه : قلقانه قلبي ناغزني احس بيصير شي
عبدالعزيز: بسم لله تعوذي من ابليس مافي شي
هزت راسها و قامت من عندهم طلعت للحوش تشم هوا تحس نفسها مخنوقه رفعت جوالها تتأكد اذا جايتها رساله منها
-
دخل للمستشفى بالعربيه يركض و يصارخ بالمستشفى
طلعو الممرضين و اخذو ترف ، ركض ورها لكن سد عليه طريق الممرض : معليش ماتقدر تدخل هنا
هز راسه بخوف و وقف في سيب المستشفى ينتظر و التفت من سمع احد يناديه
ركض سواق له : مستر منيف
التفت منيف : هلا ؟
سواق عمر : ا خديجه قالت لي اودي هاذي الشنطه تقول هاذي مدام ترف كانت مجهزتها لولدتها
ابتسم ل عمر : طيب ، ماقصرت ياعمر انت و خديجه
عمر رفع يده لصدره ( بمعنى لاشكر على واجب ) : واجبنا هاذا يا مستر
راح سواق و قعد منيف في الانتظار يستنى و كل خليه في ترتجف و خايفه على ترف و ضناه
-
مارتاحت ابداً و ماجاءها نوم قلقانه ماتحملت و اتصلت
: الو
منيف : لبيه خالتي ؟
شيخه بخوف وضح على صوتها : ترف فيها شي ؟
غمض عيونه بقلق : ترف في المستشفى تولد
شهقت و بكت بهدوء
كمل : لا تبكين يا ريحة امي مافيها الا العافيه ان شاءالله و اذا ودك تجين تعالي بس لين الحين ماطلعت من الغرفه
فزت من مكانها : جايه اناا جايه
سكرت و ركضت لعبدالعزيز
شيخه بصراخ : عبدالعزيز قومم قوم
خاف يكون فيها شي عبدالعزيز: وش فيك
شيخه : ترف ترف يا عبدالعزيز
رجف كيانه بخوف من جابت طاريها : وش فيها
تكلمت وهي تلبس عبايتها : تولد بالمستشفى
فز من مكانه و رمى على سعود ريموت سيارة : سوق انا رجلي ماعد تشيلني
فز سعود و كلهم ركبو سياره متجهين ل ترف
في طريق رفع جواله من تذكر و دق على ابوه
عبدالعزيز: يبه تعال ترف بتولد
فز ضيدان : جايك
و قفل
-
فز بقوه من شاف دكتور طالع بلع ريقه بخوف
منيف : وش صار ؟
ابتسم دكتور : الحمدلله على سلامة بنتك و زوجتك
تنهد ب ارتياح
و التفت من شافهم جو ركضو له وشافو دكتور
عبدالعزيز وهو يرتجف : وش صار يادكتور ؟
دكتور ابتسم يطمنه : بخير بخير ولله الحمد و الحمدلله على سلامة البنت و امها و تتربى بعز ابوها
شيخه ابتسمت : اقدر ادخل دكتور ؟
دكتور : دقايق بس ينقلونها الغرفه و تقدرين تدخلين لها
راح دكتور و التفتو على بعض يباركون لبعض و بعدها اتجهو للغرفه
-
دخلو عليها و لقوها نايمه و تعب مبين على وجهها
عبدالعزيز وهو يمسح على وجهها وبخفوت : امي و ابوي انتي روحي والله الوجه تعبان
ابتسمت بخفوت و نزل دمعها و حبت راس بنتها
التفتو من دخل ضيدان و الهام
الهام : وش صار ؟
منيف ب ابتسامه حنونه : طلعت بالسلامة الحمدلله هي و بنتي
ضيدان اتجه لها و شاف وجهها تعبان : قويه يا حفيدت ضيدان قويه بسم لله عليك
عقدت حاجبها تسمع اصواتهم و التفتو من قامت ترف
ترف بخفوت وبصوت تعبان : وينها ؟
ابتسمو : في الحضانه شوي ويجبونها لك
ابتسمت لهم كلهم : شكراً على وجودكم معي
ضيدان: واجبنا يا الترف
التفت الهام : الا وش بتسمونها
ناظرته و ابتسمت بحنيه : الاسم لي يقوله ابوها
ابتسم بوسع ثغره و نطق : انتي قولي و مالك الا لي يقولك تم
ابتسمت و نطقت : وش رايكم ريما ؟
ابتسم منيف : والله انه تم ريما ريما
ابتسمو كلهم و اعجبو ب الاسم و معناه [معنى الاسم هو الظبي الصغير او الظبي الأبيض]
ابتسمت من دخلو البنات بالهدايا
ابتسمت بحب : كلفتو على نفسكم
ريم : شدعوه تروف
اسيل : الحمدالله على سلامه يالترف
وعد وهي تحب راسها  : الحمدالله على سلامتك يا ترفي
مها : ترف شفت البنت بسم الله عليها تجنن و الحمدالله على سلامتك
ابتسمو على كلامها
مضاوي: الحمدالله على السلامة يا الغلا
دخلو نجلاء و هاشم و سلمو و نطقو : الحمدالله على سلامه
وقف يمين ولده و يمسح على كتفه : كبرت و صرت ابو ريما
ابتسم بوسع ثغره : لبى راسك والله
هاشم : اطلع شوف اخوانك برا
طلع وشاف حمد و ذياب و عبدالوهاب و عيال عم ترف و عيال عمه ب اكملهم
ابتسم و يدا يسلم عليهم و انتهاء من سلامهم وبداء يرد على تبريكاتهم
بعدها الكل توجه لبيت و مابقى غير منيف و ترف و بنتهم ريما
ابتسمت تشوفه حاط ريما ب حضنه و يمسح على راسها عشان تنام رفعت الجوال تصورهم
رفع نظره و شافها ضحك
و نطقت : بزعل اذا حبيت بنتك اكثر مني
ضحك : مكانك محفوظ محد يجيه و لا يقربه و مكان ضناي محفوظ
نزل نظره ل ريما بين يديه نايمه بهدوء تسللت دمعه من عينه غصب عنه و مسحها على طول حب راس بنته و حاطها بالسرير حقها و انسدح بالكنب بدا يسمع سوالف ترف عن تجربتها بالولاده و خوفها
معنى الاسم هو الظبي الصغير او الظبي الأبيض
——
—-
-
ابتسم يمسك يدها و بيده ثانيه شايل بنته اليوم انكتب لها خروج من المستشفى بعد ايام قضوها فيها
ركبو سياره و ابتسم من شاف رسالة امه رد عليها ( ابشري )
شغل سياره و اتجهو لبيت اهله بناء على طلب امه
وصل و نزلو دخلو جوا البيت
طلعت نجلاء: ياهلا ياهلا بالحامل و لمحمول
ضحك منيف
نجلاء وهي تناضر ريما : عطني عطني ياها
مدها ل نجلاء وخذتها
نجلاء وهيي تناضر ريما : بسم الله عليها صغيره مره
ضحكت ترف : اي مره نتفه
ابتسم منيف لها و حاوطها
نجلاء : ادخلو ادخلو
دخلو جوا صاله شافو البنات قاعدين
مها: وين ريما ؟
نوره : وين ريما ؟
منيف : طيب ابو ريما و ام ريما ماسألتو عنهم ؟
ضحكو و راح يركضون برا يشوفون ريما مع نجلاء
ابتسمت من دخلو اهلها كلهم سعود و عبدالعزيز و ضيدان و عمها الوليد و عمها مصعب و عيال عمها كلهم والخ ...
تجمعو كلهم في بيت ضيدان 📍عشان ريما و من بكره تبداء تمايم ريما
—
—
صباح يوم جديد اليوم الثاني من تمايم [ ريما بنت منيف ]
في صالة بيت منيف
نجلاء: ماشاءالله لين الحين الناس كثار
شيخه : اي ماشاءالله و باقي الناس ماجو
نجلاء: اي الله يحيي الجميع
قطع حديثهم دخول (مها )
مها : يمه في الناس جو
نجلاء: دخليهم يا امي
دخلو و انذهلو من فخامة المكان المدخل فيه مرايه كبيره تتوسطها كتابه [ تمايم ريما بنت منيف بن هاشم ] مكتوبه بالذهبي و الابيض بعدها طاوله طويله عليها التقديمات للضيوف بعدها يدخلون صاله الكبيرة في طاوله بنص و عند كل كنب عليها تقديمات حلا و موالح وإلخ...
و سرير ترف و ريما على الجنب
ابتسمو من شافو ترف لابسه فستان ابيض طويل ،طويل الاكمام
قعدو وبدو يضيفونهم
-
عند الرجال
في مجالس منيف بن هاشم
زحمة الرجال و سوالفهم و ضحك الاطفال و عج المكان بالعود و الطيب
-

يتبع...
قراءه ممتعه 🤍🫵🏼
ما ادري و شلون اصارحكم ان ماباقي شي و تنتهي روايه 🥹 و قلولي متى تبون البارت ثاني ؟