ولو انك تلاحظ شفت عيني وهي تروي حديث الحب عني .

Part 28

منيف بغضب : طيب قفلي
انتهت المكالمة .
-
"قصر ضيدان "
ازعاج السوالف و ضحك سكت الكل و وقف من نزل
ابتسم بخفه يشوف احفاده و عياله و زوجته يوقفون لحضوره احتراماً و تقديراً له
نزل و بداء الكل يسلم عليه
انتهى سلام و مازلو واقفين قعد ضيدان و امرهم يقعدون : تقدرون تقعدون
ابتسمو و رجعة السوالف و ضحك و المزح
دخل وهو ماسك يدها و مبتسم و نطق بصوت جهوري: السلام عليكم
الكل رد السلام
قعد و قعدت بجانبه و نطق : قرارنا قرار نهائي
عقد حاجبه ضيدان: وش قراركم ؟
تميم : قررنا مانسوي عرس لكن بنسافر
عقد حاجبه ضيدان بعدم رضى : انت حفيد ضيدان وشلون ماتسوي عرس يتكلمون فيه العرب كلهم الكل ينتظر زواجك الكل حتى صحافه بيحضرون بزواجك
تميم : ادري طال عمرك لكن فضلنا ان نسافر انا و اسيل مانبي عرس
هز راسه ب لا و قال : زواجك الاسبوع الجاي يوم الجمعه بإذن الله بعدها سافر كيفك لكن العرس راح نسويه
هز راسه بيأس : ابشر طال عمرك
وهاذي كانت عادة ضيدان يفرض رايه على الجميع و واجب على الكل تلبية طلبه و طاعت اوامره مايحب يسمع غير تم و ابشر طال عمرك
التفت على الهام و نطق : سوو دعوات الزواج و ارسلوها للحضور 
هزت راسها : طيب
قام متوجه لمكتبه نطق وهو معطيهم ظهره : الهام تعالي
مشت معاه ودخلو المكتب مع بعض
بعد ما تأكدو ان جدهم راح نطقت اسيل بخوف : بناتت طيب انا ماشريت فستان لزواج وش اسويي؟؟
وعد : لاتخافين تلقين ابوي مجهز كل شي ابوي ما قال كلامه الا وهو مجهز لكل شي من الالف الى الياء فلا تشيلي هم
تنهدت براحه من كلام وعد

التفتت تشوفها سرحانه مو معاهم حطت يدها على يد بنتها : ترف امي وش فيك ؟
صحت على صوت امها ابتسمت مجامله : لا و لاشي
هزت راسها وهي تحس ان فيها شي بس ماتبي تضغط عليها تبي هي تجي و تقولها
تنهدت بشكل مسموع ترف بهمس : ماما انا راجعه
شيخه بنفس همسها : لي يريحك
اخذت جوالها و قامت من عندهم
ترف : مايا قولي للخدم يجيبون عبايتي
مايا : ابشري طال عمرك
ابتسمت بلطف وقت جابوها : شكراً
مايا بلطف : ولو مدام ترف
ابتسمت و طلعت بعدها لبيتهم
-
وصلت البيت تشوفه فاضي كلهم بالقصر دخلت متوجها لغرفتها
دخلت الغرفه و ابتسمت من تذكرت حياتها قبل زواج وكيف كانت عايشتها باطول و بالعرض
رمت عبايتها ب اهمال فوق الكنبه ، فتحت الدولاب تطلع ملابس مريحه لها
لبستها و قعدت فوق الكنب فتحت جوالها تشوف اتصالاته الفائته دق لكن ماردت عليه و عارفه ان ماراح يمشي لها لي سوته كانت تناظر الجوال بشرود
و ارتعبت اول مادق عليها و رمت جوالها اخذت الجوال بعد ما انتهت المكالمه لكن رجع يدق ردت
كانت ساكته و اصوات انفاسها المسموعه بس
منيف بغضب : ليه رحتيي !!!
ساكته بدون رد
منيف بصراخ : ترففف ادري انك تسمعيني ادري بقول شي واحد بس انا مالي دخل بكل هاذا و ماراح اعدي لي سويتيه ولنا لقاء قريب
و سكر
انتهت المكالمه .
تنهدت بقلق من الجاي قامت و سكرت انوار غرفتها كلها و فتحت التكييف حطته على ابرد شي و تجهت تنام
-
نامت متجاهله غضب منيف لكن منيف ما نام و لاذاق الراحه مشى بعد ما انتهى من مكالمتهم متوجه لرياض حاول انه يهدى و يفكر بهدوء يحاول يستجمع نفسه و يجدد طاقته و شغفه لأن واضح مشواره طويل مع ترف
وقف يأخذ له قهوه و رجع
شغل امسية بدر بن عبدالمحسن وعلا على صوت عشان مايفكر 
-
صحت على ازعاج البنات في غرفتها فتحت عيونها ب انزعاج من الانوار
اسيل : يابنتي يله قوميي
وعد وهي قاعده على الكنب : تروفه اخلصي
ابتسمت من شافت نجد جايتها و تأشر على حضن ترف ابتسمت : ياروحي تعالي ان ماشالك حضني اشيلك بعيوني ثنتين
ابتسمت نجد و نطقت بتلعثم : ا احبك
ترف وهي ماسكه قلبها : ياروحيي وانا اموت فيك شالتها بحضنها
الجوهره: تروفه يله عاد قومي بنروح نتمشى مع بعض
قامت ب انزعاج : خلاص بقوم لاتصيحون
ضحكو البنات على حلطمتها
دخلت الحمام اخذت شاور سريع ينشطها بعدها سوت سكن كير حقها و رطبت جسمها بكريم برائحة لاڤندر لي تحبها بعدها حطت المسك على اماكن النبض
طلعت تشوف الغرفه فاضيه و البنات نزلو تحت فتحت دولابها طلعت بدي احمرصريح ماسك و تنوره بيضاء توصل لركبتها  ولبست حلق لولو و سلسال لولو و سلسال ثاني طويل يوصل لصدرها و سوت شعرها كيرلي و حطت ميكب حلوو يبرز ملامح وجهها انهت الميكب بروج احمر و قلوس
طالع شكلها جريئ و يفتن العين🫦
لبست كعبها بعدها طلعت و نزلت تحت