ولو انك تلاحظ شفت عيني وهي تروي حديث الحب عني .

Part 30

بعد مرور 5 شهور ...

- الرياض -
قاعدين بالجلسه لي برا بالحوش
هاشم : يالله الجنه الجو اليوم غيوم و هوا بارد
نجلاء وهي تصب القهوه له : اي والله الجو حلو اليوم
دخلت سيارة حمد من باب الكراج و نزلت مها
وصرخ حمد : مها تعالي شيلي اغراضك ماراح اشيلها تعبت وانا اشيلها بسوق
جلست مها جمب ابوها : تسمع ولدك وش يقول و هزت راسه بعدم رضا : اخخ بس اخر شي انا لي اشيل
ضحكت نجلاء و مضاوي : درامااااا
ضحكت بخفه و وقفت تساعد حمد
هاشم ب اندهاش  : مها ليش كل ذولي
مها ب ابتسامه : يعني ما اشتري لولد او بنت اخوي لي جايين
نجلاء ب ابتسمت بحنيه : تعالي وريني الملابس
طلعت مها من الاكياس جزمه صغيره : يمه شوفي يجننون انهرت عليهم
مضاوي بصوت صغير : وهه ودلبس والله صعيله مره
ضحك حمد : شفيها ذي تتكلم كذا يعني مره ظابطه صوت الورعان هههههههههههه
مها طقته بشويش : فشلتنا اهل الرياض مايقولون ورعان يا همجي يقولون اطفال هههههههههه
ضحكو كلهم بصوت عالي
نجلاء وهي تضحك : الله يقطع ابليسكم
هاشم ب ابتسامه: الا ما يدرون  ولد و لا بنت  ؟
نجلاء : راحت و قالو لها ماهو باين
مضاوي : الا يمه هي في اي شهر ؟
نجلاء : الخامس اذا ماخاب ظني باقي لها اسبوع و تدخل السادس ان شاءالله
-
ابتسمت من حاوطها، نطق : ماودك تدخلين جوا تريحين
هزت راسها و مسك يدها يدخلون جوا
ترف : منيف مره بخاطري اعرف ولد ولا بنت
ابتسم : كلهم حلويين و اهم شي يجي بصحه و عافيه
ابتسمت تشوفه واقف قدم ركن القهوه يسوي له قهوه
ترف : افكر اقص شعري
التفت لها : مستحيل لا لا الا شعرك ترف
عبست وجهها : بليز منيف محتاجه اني اغير
منيف : غيري الي تبين الا شعرك
عبست وجهها و اخذت ريموت تغير القناة
-
طلع من بيتهم رايح يجيبها من بيت اهلها وقف عند باب البيت رن الجرس
و ماهي الا دقايق وفتح حمد : ياهلا بالنسيب ادخل ادخل ، كانت جوا البيت و سمعو صوت حمد وهو يهلي و يرحب سكتو ب استغراب و عرفو ان ذياب من نطق ( هلا بالنسيب ) التفتو على مضاوي
مها ضحكت : شفيك استحيتي هاذا و بس طرا اسمه بس اجل لو دخل علينا
ضحكت نجلاء : اصه يا بنت لا تحرجين اختك
مضاوي بعصبيه : احسن يمه هاوشيها و قامت : انا بروح لزوجي بس
ضحكت مها ،
عند ذياب و حمد كانو يسالفون و سكتو لمن نطقت مضاوي ب ابتسامه و عينها على ذياب : السلام عليكم
ابتسم بوسع ثغره لمن دخلت وهم من اول ما تزوجو قبل فتره وهو ذايب في مضاوي مرههه مرههه و باين عليهم انهم غرقانين في بعض
ضحك حمد يأشر : هيهه نحنُ هنا
التفتو ثنين له و ضحكو على بعض لأنهم فعلاً نسو وجوده بينهم
ذياب تنهد بحب : ياخي انت وش تبي رح بس خلني معها
حمد بصراخ : هيه يا ورع حشمني تراني اخوها
ذياب : خلاص طيب طيب لا تصيح
ضحكت مضاوي و جلست جمب ذياب مايفصل بينهم الا مركى
حمد يقلد كلام ذياب بطريقه مستفزه
ضحكو ذياب و مضاوي عليه
سكتو من سمعو نجلاء تنادي حمد ، ابتسم ذياب من قام حمد و تركهم
التفت لمضاوي لي من دخلت و ويحة عطرها شدته
التفت لها و باس خدها ، شهقت مضاوي: ذياب لا يجي احد و احنا كذا
ابتسم وهو ذايب فيها : عادي خليهم يجون ما يهم
ابتسمت من حست فيه يغرس وجهه في عنقها و يبدا يبوسها ، بعدت عنه بتوتر : ذياب!!
ابتسم بخبث يشوف خوفها و شدها له و بدا يلعب بخصل شعرها و يبوس خدها ، توترت من سمعت صوت حمد جاي و ذياب لين الحين قريب مره لهاا مضاوي بتوتر : ذياب وخر
ابتسم بخبث و مابعد
دفته عنها و دخل حمد و جلس و ماهي الا كم دقيقه و نطق ذياب : يالله عاد حنا نستأذن بنروح البيت
حمد : فمان الله و انتبه ل اختي
نجلاء : انتبهو لنفسكم و سلم لي على امك و خواتك يا ذياب
ذياب : آن شاءالله و سلم عليهم و طلع هو و مضاوي متوجهين لبيتهم
-
ابتسمت من دخل و بيده ايس كريم قعد جمبها و جلست جمبه
التفت لها و نطق : وش ؟
ابتسمت تأشر بحواجبها على الايس كريم
ضحك و بدا يأكلها و يشوفها تأكل و تتأمله بحب
ابتسم منيف : لهدرجه عاجبك ؟
ضحكت ترف : ولدك لي يطالعك مش انا
ابتسم و رجع يأكلها ، كانت تأكل و تشوف شفايفه
ابتسم من باسته و وخرت عنه حط الايس كريم على جمب و قرب لها يبوس كل انش فيها
دفته عنها تطلب نفس ، ضحك و وجع مكانه : اهخخ لو منتي حامل في هاذي اللحظه كان لعبت فيك لعب والله
ضحكت بخوف و نطقت : وخر بس عني يا متحرش
ضحك من قامت من جنبه
منيف : طيب تعالي كلي الاسكريم
ترف  : كله انت
ضحك
-
صباح يوم جديد
ابتسمت بحب تشوف احفادها جايين لها
نوره : امي نجلاء
نجلاء : لبيه يا امي ؟
نوره : خايفه ما ابي اروح المدرسه
نجلاء : افا و ليه خايفه ؟
سكتت
و نطق هاشم : تقول ان تخاف ما تلاقي صديقات
ابتسمت نجلاء و مسحت على شعرها: بنات عبدالعزيز معاك في المدرسه
رفعت نظرها لها بحماس : صدق ؟؟
هزت راسها نجلاء وضحكت
نوره : اهخ الحمدالله يعني ماراح اكون لحالي بكون معاهم
ابتسمت نجلاء
التفتو من دخل عليهم
ركض هاشم يسلم عليه
نوره وهي ضامته : عمو منيف ؟
منيف : لبيه
نوره : عادي انت توصلني للمدرسه
هز راسه : من عيوني يا عيون منيف
ابتسمت بحب له و ركضت تركب سياره
مشى منيف ل امه و سلم عليها : وش اخبار نجلاء قلبي ؟
ابتسمت لأن هالقب كان يقول لها وهو صغير يقلد ابوه : بخير دامك بخير و مبسوط
ابتسم منيف و قرب منها يحتضنها من الجنب و يمشي معها لصاله : اهم شي انتي يا امي
ابتسمت بحب : الله يرضى لي عليك و يفتح لك ابواب الرزق و يعطيك ربي لن يرضيك يارب
حب راسها : يالله انا بروح اودي نوني
نجلاء : الله يحفظكم
-
قامت صباح بدري و بدت تسوي رياضه خفيفه بحكم انها حامل و بعدها لبست عبايتها تروح موعدها
وصلت بعد تقريباً 10 د
دخلت عند دكتوره على طول
ابتسمت دكتوره : اهلاً اهلاً
ابتسمت ترف : السلام
ردت السلام دكتور
و قعدت ترف و بدت دكتوره تسألها و ترف تجاوب
قامت دكتوره : ودك تشوفينه ؟
ابتسمت وهزت راسها  قامت و انسدحت على سرير و رفعت تيشيرتها شوي
وبدت دكتوره تمرر الجهاز عليها
التفتت ترف للجهاز تشوف صورة جنينها و ابتسمت بحب
ترف : دكتوره باين لك ولد ولا بنت ؟
ابتسمت دكتوره وبدت تمرر الجهاز : بإذن الله بنت
حطت يدها على فمها و بدت تبكي وتردد : الحمدلله لك يارب الحمدلله
ابتسمت دكتوره بحب لترف : يا اجمل ام ل احلا بنوته ان شاء الله
قامت بعدها من سرير و اخذت مناديل تمسح الجل لي على بطنها
طلعت من عند دكتوره و ر كبت سياره و بدت تحمد ربي على هاذي نعمه لي رزقها ياها و بدت تدعي بقلب صادق ان تكون قد هاذي النعمه لي وهبها الله
اخذت جوالها و اتصلت على امها
ردت بعد ثواني
ترف : ماما
شيخه : عيون امك
ترف بفرح : بنت يا ماما بنت
عقدت حاجبها ب استغراب و بعدها بدت تستوعب  و صرخت بفرح : امانههه ترف بنت ! 
ترف : اي توها قايله لي دكتوره
شيخه : الله يسعدك نفس ما اسعدتيني الحمدلله لك يارب الحمدلله ، تروفه انا جايتك الفرحه مش سيعاني
ضحكت ترف : لا انا اجيك
شيخه : تمام تمام
-
وصلت بيت اهله و ضحكت من شافت امها بالحوش تستناها
ركضت شيخه و ضمت ترف لها : مبروك يا امي انتي مبروك الله يجعلها باره فيك و في ابوها
ابتسمت ترف : اللهم امين
مسكت يدها و دخلو جوا و بدت ترف تحكي لها كل شي
-
انتهاء دوامه
رجع البيت هلكان من دوام دخل البيت
منيف : ترف ؟   ترف ؟
ترف وهي نازله من درج : عيونها و روحها لبيه يا حبيب ترف
ابتسم بوسع ثغره لها وضمها له وباس راسها : عسى دوم مروقه يارب
ضحكت
التفت لها بكامل جسده و باسها بعمق يجدد شعوره و شغفه يروي ضماه و اخذ و عطى و ماقصر
بعدت عنه و ابتسمت : احبك يا ابو بنتي
ابتسم لها و بعد دقايق استوعب : ابو بنتي ؟  وشدراك انها بنت
مسكت ثوبه و بدت تفك زرار ثوب و تتأمل عيونه : يمكن لأني اليوم كشفت
رفع حاجبه بصدمه و بعدها شال ترف يدور فيها و يضحك بفرح : اهخخخ ترف كانت امنيه ان يكون بكري و اول ذريتي بنت
ابتسمت : اوف لهدرجه كنت تبي بنت ؟ اجل ليه اذا سألتك تبي ولد او بنت تقول لي يجي من الله حياه الله
منيف ب ابتسامه : لأن صدق كلهم فيهم الخير و البركه بس امنيتي ان يكون بكري بنت
ترف ابتسمت تتأمله
منيف باس خشمها : تعالي نروح ل امي نقولها
ضحكت بخفه : تم تم تم
لبست عبايتها و توجهت لبيت هاشم
-
دخل البيت وشاف الكل مجتمع جاين بعد دواماتهم لبيت هاشم
هاشم ب ابتسامه: يالله انك تحييه
وقام الكل يسلم عليه و البنات يسلمون على ترف
منيف بصوت جهوري : ابشرو بالبشاره
الكل ناظره ب ابتسامه
حمد : بشر عسى خير
منيف : كل الخير ذا البشاره
مضاوي : تحمست منيف قول
سكت منيف و الكل هاوشه لأنهم تحمسو
ضحك منيف و برضو سكت
مها : منيف قولل
ضحك : ابشركم اكتشفنا وش نوع الجنين
صرخو كلهم بحماس
نجلاء بعصبيه : منيف صاير تقهر كل شي تقوله بالقطاره
ضحك هاشم : قول و انا ابوك
منيف : اجل اسمعو بأنها احلا البنات و اجملهم
صرختت مها : بنتتتتتت بنتت 
نجلاء وهي تبكي : مبروك ي امي مبروك
منيف بعبوس : يمه ليه البكي ؟
نجلاء وهي تمسح دموعها و تضحك : من فرحتي يا امي
ركض حمد يضم منيف هو و عبدالوهاب
و شاله عبدالوهاب و ضحكت ترف و طلعت جوالها تصور عبدالوهاب و حمد شايلينه و يغنون له
وهو يضحك
لفت نجلاء عليها و ابتسمت ترف من شافت نجلاء عيونها تملاها دموع فرحانه انها قدرت تغير منيف الصلب الى منيف راعي القلب طيب لي يضحك و يستهبل مع الكل
ضحك من سمع صوت سيارة ذياب برا يسمع اصوات البوري و الاغاني لي صوتها عالي و ضحك من عرف ان حمد قاله
طلع يركض لذياب و ضمه ذياب بقوه : كبرت يا اخوي و بتصير اب لبنت [فإنَّهُنَّ المُؤنِساتُ الغالِياتُ]
ابتسم لذياب  و ضحك من نطق ذياب : وطبعاً بتسميها علي ذيابه
ضحك بقوه و دفه : دز بس قال ايش قال ذيابه هههههههه
جاء عبدالوهاب: ذيابه ؟ لا اكيد ماراح تتحمس و تسمياها ذيابه
ضحك منيف : لا طبعاً
حمد : لا بيسميها حمده
ضحكو العيال كلهم و طلع هاشم و واح ذياب يسلم عليه
هاشم : لا بيسميها هاشمه
ذياب : يالله الحين اذا فيك خير قول لا هههههههه
ضحكو العيال
و نسى نفسه منيف و بدا يسولف مع ذياب
هاشم طق بعصاته الارض : منيفف دخل اخوك المجلس
منيف : اي صح ادخل
دخل ذياب و مازال يسولف مع منيف 
-
ابتسمو البنات لي كانو يشوفون منيف و ذياب من القزاز لي بالصاله لمطل على الحوش بحيث يشوفون لي برا بس لي برا ما يشوفون لي جوا 
تنهدت مضاوي بحب : صداقتهم  حلوه ماشاءالله
ترف : اخخ احس انهم اخوان مو اصدقاء ماشاءالله
ريم : اي والله اخوان شوفي ذياب كم سنه مع منيف
مها : الا صح كم سنه هم مع بعض ؟
كلهم التفتو لبعض ولا وحده تدري
مها : يمه منيف كم له سنه مع ذياب ؟
نجلاء : منيف تعرف على ذياب يوم كان عمره ٧ سنوات و عليكم الحسبه ماشاءالله
فزو على صوت هاشم : بنت انتي وياها و شعندكم تناظرونهم كذا اطلعو عندهم احسن
ضحكت بفشله مضاوي : لا يبه بس نناظر الجو حلو اليوم صح بنات ؟
كلهم بصوت واحد : اي صح صح
نوره جتهم و بدت تسولف لهم وش بمدرستها
-

يتبع......
استمتعوو بالقراءه 🫵🏼✨