ولو انك تلاحظ شفت عيني وهي تروي حديث الحب عني .

Part 17

بعد مرور اسبوعين دون احداث مهمه
و اليوم عقد قران
( تميم & اسيل )

الرياض
جو بيتهم لي بالرياض عشان يحضرون ملكة اسيل بعد ماعزموهم عايلة العالي
مها : يمه هالمره بشوف عايلة العالي كلها
ريم : انا متحمسه اشوف وعد كثير تتكلم عنها ترف لما كنا بديره
مضاوي : احسهم مغرورين
منيف : اهم شي انكم حكمتو عليهم قبل ماتشوفونهم
حمد بمزح : عاد اهل زوجه ما يرضى عليهم
ضحكو الكل
منيف رما عليه المخده
حمد وهو يضحك : يرضيك تفشلني قدام عيال اخوك وين احترام العم و هيبته
هاشم : لأنك تستاهل احسن فشلك قدام عيال عبدالوهاب
عبدالوهاب : احس زواجاتهم ممله
نجلاء : عاد انا احس عكسك فيها وناسه زواجاتهم وخصوصًا لكانت بنت العالي تفرق عن غيرها و اكيد ان العالي متكلفين ب عقد القران لأن الاثنين اسيل و تميم كلهم احفاد ضيدان العالي
حمد : متكلفين !!! احنا لي نتكفل تلقين المبالغ لي حطوها بالملكه مايشوفونها شي ماشاءالله تبارك الرحمن
ريم : صدقت
هاشم : اتركو عنكم الناس كلن حر بفلوسه دامها فلوسهم من جيبهم هم كيفهم يسوون لي يبغون آن شاءالله يحرقونها
منيف : صادق يا ابوي كلن حر في نفسه و في فلوسه
~
عقد القران بيتم با قصر ضيدان بالحوش بحكم انه كبيررر جداً
تدور بين الخدم ترتب كل شي
الهام : اسمعي ابغى على كل طاوله صحون صغيره على شان يحطون فيها توزيعات لي بتتوزع و ابي الكوشه عليها ورود بجميع درجات لون الوردي و ابي عند المدخل مرايه كبيره مكتوب عليها اسيل & تميم
و ابي جمبها توزيعات لي جابتها ترف
المنسقه : ابشري طال عمرك كل شي بيكون مرتب ومثل ما انتي طلبتي
الهام ابتسمت بتعب لها : الله يسهل عليك كل امر في حياتك قولي امين
ابتسمت المنسقه : امين استاذه الهام
~
في صالون
اسيل : تروفه ايش اسوي شعري ؟
ترف بتفكير : سوي تسريحه سنبل تناسب ملامحك الهاديه و خصوصاً ان لون فستانك بيبي بنك
اسيل ب ابتسامه : تمام
وعد جت توري ترف تسريحتها : وش رايك تروفه ؟
ترف : الله وعد ماشاءالله تجننين
و قربت عند اذنها وقالت : ياحظ احمد بذا زين
ابتسمت بخجل وعد : ترفف خلاص استحي
ضحكت ترف
شيخه : يلا ترف دورك تعالي سوي شعرك
الهير ستايل : في شي ببالك اسوي لك ياه ولا على ذوقي ياحلوه ؟
ترف ب ابتسامه : انتي الحلوه ، لا ابي شعري مفكوك و ابي من تحت تسوينه ويفي و ثبتيه زين على شان اعاني من شعري لأنه ناعم ينفك الويفي بسرعه
الهير ستايل : تأمرين
ترف : ما يأمر عليك عدو
الهير ستايل : عادي اقولك شي ؟
ترف ب ابتسامه : تفضلي
الهير ستايل : ماشاءالله عليك ملامحك تجنن ماشاءالله
ترف : يا حبيبتي انتي لي تجننين
و بدت تسوي شعر ترف
ترف دخلت القروب
ترف : بنات وش لون فساتينكم ؟
ريم : انا عنابي
مها : انا موف
مضاوي : انا اسود
ترف : احس تحمست اشوف اشكالكم 😍
ريم : احنا لي متحمسين لكشختك
ترف : يا حبيبتي ، وخالتي نجلاء وش لون فستانها ؟
مضاوي: لونه اسود
ترف : يا حلو الاسودد 😚