ولو انك تلاحظ شفت عيني وهي تروي حديث الحب عني .

Part 15

~ تسريع للاحداث ~
رجعو بيت عبدالعزيز الرياض و رجعو لروتينهم الطبيعي و لحياتهم المعتاده
_____________ بعد مرور 5 ايام
في بيتهم لي بالرياض
هاشم : ها وديت ثياب المغسله
حمد : ايه وديتها
عبدالوهاب: الا وين منيف
حمد : طلع يجيب لنا غداء هو و ذياب
طبعاً محد جاء هالمره الرياض الا ( هاشم و عبدالوهاب و منيف و ذياب و حمد ) بس رجال عشان يخطبون ل منيف
عبدالوهاب: حي عينه شقردي
قطع حديثهم دخول منيف و ذياب وهم شايلين الاكل
حمد وهو يفتح الاكياس : وش جبت
ذياب : جبنا بخاري على كيف كيفك
و بدو يفرشون السفره
منيف : يمال الغناه بس يا البنات دايماً نجي وهم حاطين و مجهزين كل شي نجي ناكل بس
هاشم : اي والله مالنا غناه عن البنات
و بدو ياكلون
-
~ عند الترف ~
ترف : احس اني ما ابيه يا خي ما ابيه
وعد بعصبيه : تستهبلين !! اجل ليه وافقتي انه يجي يخطبك لمن قالك عبدالعزيز
ترف : يا خي شفت فرحته وفرحة اهلي ما حبيت اكسر بخاطرهم انتي ماتدرين ولا شفتي قد ايش بابا كان مستانس ان منيف بيجي يخطبني مع انه مو اول ولا اخر واحد بس منيف عنده غير بمجرد ما طرح علي الفكره كان فرحان وشلون ماتبيني اوافق ! وانتي تدرين ان انا اهلي عندي فوق كل شي حتى فوق نفسي و سعادتها
وعد لي هدت بعد كلامها وتعرف ترف زين مستعده تضحي عشان اهلها : طيب استخرتي ؟
ترف : ايه
وعد : ارتحتي ؟
ترف : ما اكذب عليك اني ارتحت
وعد : خلاص اجل واعيد واكرر الخيره فيما اختاره الله
ترف تنهدت
وعد رحمتها : يا امي لايضيق صدرك ولا تشيلين هم تراها خطبه بس ولين الحين ماجو ولا صار شي هدي انتي بس وكل شي محلول و ربي ما حط منيف بطريقك الا انه شايف انه خيره لك
ترف لي شبه اقتنعت من كلامها و هدت
-
بعد اذان العشاء
بدا البيت يعج بالفوضى والكل يرتب ل خطبة ترف
-
عبدالوهاب: يله يبا مشينا
و حركو سياره متجهين لبيت عبدالعزيز
وصلو
و فتح لهم الباب سعود و دخلهم المجلس
سلمو على بعض و سولفو شوي بعدها نطق
هاشم : والله يا ابو سعود بندخل في الموضوع لي جايين عشانه
عبدالعزيز ب انصات : تفضل
هاشم : والله احنا طالبين القرب نبي كريمتك لولدي منيف
ابتسم بوسع ثغره عبدالعزيز: والله لي اشرف نناسبكم لكن مثل ماتعرف ان راي البنت عندي مهم
هاشم هز راسه بتفهم : ابد خذ راحتك
و راح يسأل ترف عن رايها
عبدالعزيز: يا عيون ابوك
ترف جت : لبيه
ابتسم عبدالعزيز: ها وش قلتي ؟
ترف : انت وش رايك ؟
عبدالعزيز: انتي لي بتتزوجينه تبينه ؟
ترف : اذا انت موافق انا موافقه
حبها على راسها : زين ما خترتي وانا ابوك والله انه من اطيب الرجال و شهم و رجال بمعنى الكلمه وانا داري انه بيصونك و بيعزك و بيرفع شأنك
ترف ابتسمت له
رجع للمجلس
هاشم بتوتر يخفيه : ها بشرنا ؟
ابتسم سعود و عبدالعزيز: موافقه البنت
منيف بهمس ل ابوه : يبه ابي اشوفه
هاشم : اذا ماعليك كلافه الولد يبغى يشوفها
عبدالعزيز: ابد مامن كلافه وابسط حقوقه يشوفها بس استنى سعود يقولهم
راح سعود يقول ل ترف
سعود : تروفه
ترف : عيونها وش تبي ؟
ابتسم : يبي يشوفك
ترف : وشوله يشوفني
سعود ضحك : عادي روحي للصاله الصغيره
هزت راسها وراحت صاله
و قال ل منيف يروح لصاله