ولو انك تلاحظ شفت عيني وهي تروي حديث الحب عني .

Part 21

صحى على نور الشمس لي ازعجه و ابتسم للملاك لي نايمه على يده و فحضنه عقد حاجبة يتأملها نو متها كانت هاديه ما تتحرك كثير
غمض عيونه اول ما حس فيها تقوم فتحت عينها و اخترعت من ادركت انها نامت بحضنه قامت على طول و ركضت للحمام
قام و ابتسم بهدوء شافها ركضت للحمام قام راح الحمام لي برا اخذ شاور سريع بعدها طلع شافها قاعده على الكنب على جوالها رافعه شعرها على فوق صاير شكلها طفولي حست فيه و رفعت نظرها و صدت على طول : خير إن شاءالله طالع كذا !!!! تستر
ضحك و مشى للغرفة يلبس و نطق بصوت عالي : قومي البسي عشان نطلع
قامت و بيدها جوالها و بيدها ثانيه بسكوت كانت ترد على كل لي باركو لها و تشوف الصور بعدها كلمت المصوره تسألها عن البوم صور حقت زواجها
نزلت جوالها على طاولة و راحت تلبس , لبست جمبسوت ازرق فيه ربطه تلتف حول الرقبه و مطلع كتوفها وفيه نفشه من اليد و عند صدر
انيق مره و لبست كعب بعدها قامت تحط الميكب
رفعة حواجبها ب مسكرة الحواجب و حطت ايشادو ازرق فاتح  و ايلاينر مفتوح عطاها رفعه للعين و حطت مسكرا و بلشر وردي و محدد بني لشفايف و روج وردي و حطت فوقه قلوس بعدها غمقت شامات حقتها و ضحتها اكثر و طلع شكلها انيق مره و هادي و بدت تلبس العقد لي جابه لها منيف و خواتمها و الى اخره
التفتت تشوفه بالثوب الابيض و شماغ الاحمر و الابيض شكله كان حلو مره بعدها راحت تجيب المبخره
ترف : تعال تبخر
حط المبخره بنص و قربها له و تبخرو سوا
قالت وهي تتأمله بدون ماتحس : شكلك طالع حلو
ابتسم هو
و توترت بعد ما ادركت لي قالته : ا ا اقصد يعني
ضحك منيف : وصلت وصلت لا تبررين
بعدها حط دهن العود بيدينه و حطه لها في امكان نبض و طلع العطر لي يحبه و عطرها منه وقرب لرقبتها
رجعت بتوتر : وش تسوي
قربها له ونطق : بشمه عليك
وخر بعد ما شمه و نطق بينه و بين نفسه ( منيف شفيك !! اثقل شوي و اضح انك طايح مرهه بالهون يا منيف اففف )
عدل غترته قدام المرايه بعدها طلعت جوالها
ترف : قرب
قرب لها و رفعت الجوال تتصور معاه و كان يبتسم
منيف : ارسلي لي صور
هزت راسها بطيب
بعدها لبست عبايتها و نزلو تحت و ركبو السياره متوجهين لبيت هاشم
-
"في بيت هاشم "
الكل متواجد هناك
اسيل  : بنات ماتحسون ترف و زوجها  تأخرو
وعد : توني راسلتها تقول بطريق جايه
اسيل   : بنات قومو نروح نساعد امكم 
مها : يلا
قامو المطبخ يساعدون نجلاء
جت نجلاء : والله هاذي الساعه المباركه حي الله من جاني
الهام : الله يحيك
مشاعل : الله يحيك
تهاني : ماقصرتي
بدت مضاوي تصب لهم القهوه و ريم تقطع الحلا و تعطيهم
تهاني : ماشاءالله على بناتك يا نجلاء
ابتسمت لها نجلاء و قالت : الله يخليلك الجوهره و ابتسمت لها
دخلت عليهم ترف
كلهم قامو يسلمون و يزغرطون بصوت عالي
ابتسمت ترف لهم و سلمت عليهم كلهم
مها وهي تسلم عليها : يا اهلاً بالعروس
ضحكت وسلمت عليها
بعدها جتها ضمتها وعد و سلمت على بنتها
بعدها نزلت عبايتها و قعدت و مها صبت لها قهوه وعطتها من الحلا
~
عند الرجال
كانو يسولفون و المكان يعج من البخور و سوالف و ضحك
دخل عليهم منيف
منيف بصوت عالي : السلام عليكم ورحمة
الكل رد سلام وقامو يسلمون على بعض. " سلام الرجال "
ذياب : يالله انك تحيي المعرس
ضحك منيف و قعد و صب له هاشم ولد اخوه قهوه
ضيدان : كيف الحال يا منيف ؟
منيف : الحمدالله على ما تحب
و بدو يسولفون
دق على بنته
: اطلعي لي بالحوش
ترف ب فرحه : على خشمي
طلعت بالحوش و شافته ركضت تضمه
ضحك و ضمها بقوه : ارحبي ارحبي يا بنت قلبي
ابتسمت و وجعت تضمه بقوه : هاذا و هو يوم كذا اشتقت لك اخخ احس ودي ادخلك جوا ضلوعي من كثر شوق
ضحك بصوت عالي : انا لي ودي ادخلك بضلوعي من كثر الشوق
جاهم سعود و ضحك : ارحبي ارحبي يا الترف
و ركض يضمها ضمو بعض سعود : البيت هدوء اليوم مافي احد احارشه و اقوله يسوي لي اسبريسو
ابتسمت وعيونها غورقت بالدموع جاهم منيف يناديهم على الغداء و شافهم مع بعض
شاف عيونها المليانه دموع و قال بدون ما يحس : افا تبكين من مبكيك ؟
سعود ضحك : يا ويلنا من منيف
ابتسمت ترف لهم و رجعت تضم ابوها ، كان يشوف قد ايش هي متعلقه مره ب ابوها ترجع طفله اذا شافته ما تبيه يروح او يبعد عنها
حبت راسه و قالت : ياجعل يومي قبل يومك و باست خد ابوها و
انلجم منيف لما باست خده وقال بدون وعي : ابن ابوي صدق
ضحك سعود و اشر لها تجي تبوسه عشان يغيض منيف
و جت باست سعود , منيف : لا كذا كثير
ضحكت ترف
عبدالعزيز : عساك مبسوطه يا امي انتي ؟
ترف : الحمدالله مبسوطه مايقصر منيف
ابتسم منيف
عبدالعزيز وهو توه يشوف لبسها : وشذا الزين يا الترف اتعبتي من يجي بعدك
ضحكت وقالت : مانجي عند زينك لبى وجهك
منيف جاء جمبها و قال : خلاص
ضحك عبدالعزيز : تغار يا منيف ؟
منيف قال بمزح : و كثير و كثير بعد
سعود وهو يدورها من يدها : اموت انا على اميرة قلبي
ابتسمت له ترف
منيف : يله الغداء
دخلو جوا يتغدون
منيف وهو معصب : كيف كذا تبوسين ابوك و سعود
ترف ب هدوء : طيب ! تراه ابوي و سعود اخوي
منيف : حتى ولو
ترف : ادخل تغداء بس
منيف : ادخلي انتي قبل لاحد يشوفك
ترف دخلت
كان كل هاذا تحت انظار دانه لي كانت بتموت من لقهر
نرجع لقبل ساعه
دخلت ترف عليهم وسلمت على الكل جت عند دانه تسلم
و قربت دانه لها و انصدمت لما شمت عطر منيف فيها
دانه بينها وبين نفسها ( لا لا لا يا ربي مو لي ببالي اكيد ما نشب عطره فيها كذا الا وهي مقربه منه مره ياربي الله يأخذها الحقيره انا وريك يا ترف )
ركضت دانه تطلع عشان تلحق عليه و
فعلاً لحقت عليه مسكته من ذراعه : كيفك ؟
منيف صد و عرفها من صوتها و قال بعصبيه تخوف : يا بنت الحلال ادخلي قبل ما حد يشوفك
خافت وبانت رجفتها ل منيف : طيب طيب
و دخلت و هي منقهره انه ما عطاها وجه و لاكلف على نفسه يرفع نظره لها و يشوف زينها
دخلت و شافت الحريم يتغدون و دخلت تتغداء معاهم
-
بالديره
كانو عارفين من اول ما عقد قرانه منيف لكن الحين عرفو انه تزوج بالرياض و كان اغلبهم ناقدين انه حط عرسه بالرياض مو بالديره
و لكن كعادة منيف ما يهتم لاحد الا اهله بس .
-
بعد الغداء , وصلت لها رساله و فتحت جوالها
منيف : يله نمشي ؟ عشان يمدينا نأخذ اغراضنا و نروح المطار
ترف : تمام
منيف : يله استناك بالسياره
ترف : طيب
قامت ترف : يله عاد انا بمشي
الكل : فمان الله
جتها شيخه و ترف تلبس العبايه
شيخه : استودعتك الله يا امي و استانسي مع منيف انجوي
ابتسمت ترف وحبت راسها : ابشري
شيخه : و اي شي تبينه دقي علي طيب !
ترف : ان شاءالله, يله مع السلامة
و طلعت و شافت مرزوق برا يشوفها وسعود وعبدالعزيز واقفين عند سيارة منيف
جتهم و سلمت على ابوها بالخد و باست خده : مع السلامه يا روح بنتك
عبدالعزيز: استودعتك الذي لاتضيع ودائعه
سعود تخصر : وانا ؟
ضحكت و ضمته و باس راسها : استودعتك الرحمان
ركبت السياره مع منيف و مشو لف منيف عليها
: تعاندين ليه تبوسينهم !!
ضحكت ترف : ما اعاند بس احب ابوس ابوي وش تبي !! يوه
منيف بهمس : الله يكتب لنا نصيب من بوساتك
ضحكت ترف : لاحق على بوساتي يا شاعر
ضحك منيف و شغل المسجل و قعدو يسمعون اصاله